Tanrının şəhəri (port. Cidade de Deus) — Fernando Meyrelliş və Katya Lundun quruluş verdiyi 2002-ci ildə çəkilmiş Braziliya epik cinayət filmi. Braulio Mantovaninin ssenari müəllifi olduğu ekran əsəri Paulo Linsin 1997-ci ildə qələmə aldığı eyniadlı romanın motivləri əsasında işlənib, süjet xətti bir qədər real hadisələrə söykənir. Kinolentdə Rio de Janeyronun "Cidade de Deus" səmtində 1960-cı illərin sonundan 1980-ci illərin əvvəllərinədək mütəşəkkil cinayətkarlığın yüksəlişi, narkotik alverçisi Balaca Ze ilə qisasçıdan quldura çevrilən Nakaut Nedin arasındakı amansız qarşıdurma təsvir olunur. Filmin epiqrafı belədir: "Qaçsan, canavar səni haqlayacaq, qalsan, səni parçalayacaq".
| Tanrının şəhəri | |
|---|---|
| br-port. Cidade de Deus | |
 | |
| Janr | dram filmi[1][2][…], cinayət filmi[1][3], ədəbi əsər ekranlaşdırılması[d] |
| Əsas mövzu | şiddət[4] |
| Baş rollarda | |
| İstehsalçılar | StudioCanal[d] |
| Distribütor | Miramax |
| İlk baxış tarixi | 18 may 2002[5][6], 8 may 2003[7], 30 avqust 2002[6], 17 yanvar 2003[6], 3 yanvar 2003[6], 2002, 22 fevral 2024[8] |
| Müddət | 128 dəq. |
| Büdcə | 3.300.000 $ |
| Gəlir | 30.680.793 $[9], 7.564.459 $[9], 10.300.000 $[9] |
| Ölkələr | |
| Dil | portuqal dili |
| Rəng | rəngli[d] |
| Çəkiliş yeri | Rio-de-Janeyro |
| IMDb | ID0317248 |
 Vikianbarda əlaqəli mediafayllar | |
"Tanrının şəhəri" filmində Aleşandru Rodriqes, Leandro Firmino, Conatan və Fellipe Hoqensen, Duqlas Silva, Daniel Zettel, Seu Jorji kimi aktyorlar çəkilib, həmçinin Alise Braqa bu filmlə böyük ekranlarda debüt edib. Maraqlısı budur ki, filmdə rol alan aktyorların əksəriyyəti Vidiqal və Dade de Deus kimi favelalların sakinləridir.
Film dünya miqyasında böyük rəğbətlə qarşılanıb, 76-cı "Oskar" mükafatı mərasimində dörd nominasiyada - "Ən yaxşı operator işi" (Sesar Çarlone), "Ən yaxşı rejissor" (Meyrelliş), "Ən yaxşı montaj" (Daniel Rezende) və "Ən yaxşı ssenari adaptasiyası" (Mantovani) namizəd göstərilib. Bir il öncə, 75-ci "Oskar" mükafatı mərasimində Braziliyanı "Ən yaxşı xarici film" nominasiyasında təmsil edən film finala yüksələ bilməyib. Braziliya Film Tənqidçiləri Assosiasiyası (Abraccine) 2015-ci ildə bu filmi ölkənin yüz ən yaxşı filmi siyahısında səkkizinci yerə layiq görüb.
Rio de Janeyronun yoxsul məhəllələrində böyüyən iki yeniyetmənin həyat yolları 1960-cı illərdə tamamilə fərqli istiqamətlərə ayrılır. Balıqçı ailəsindən olan, fotoqraf olmağı arzulayan kasıb Buskapenin gözü ilə cərəyan edən hadisələr şəhəri bürüyən zorakılıq və korrupsiyanı, eləcə də məhəllənin ən qorxunc quldurbaşılarından biri – Balaca Zenin yüksəlişini və süqutunu əks etdirir. Küçələrdə amansız döyüşlərin getdiyi bir zamanda Buskape bu qəddar mühitdən xilas olmağın yeganə yolunu çəkdiyi şəkillərlə dünyanı baş verənlərdən xəbərdar etməkdə görür.
- ↑ 1 2 3 http://www.imdb.com/title/tt0317248/.
- ↑ http://www.filmaffinity.com/en/film412004.html.
- ↑ http://www.metacritic.com/movie/city-of-god.
- ↑ 1 2 3 4 5 europeanfilmawards.eu.
- ↑ Freebase Data Dumps. Google.
- ↑ 1 2 3 4 IMDb (ing.). 1990.
- ↑ http://www.kinokalender.com/film4087_city-of-god.html.
- ↑ https://twitter.com/CelebsArabic/status/1758827437272481838.
- ↑ 1 2 3 Box Office Mojo (ing.). 1999.
- ↑ 1 2 Unifrance. 1949.