Tanilə Aysayevna Əhmərova — Azərbaycan aktrisası, Azərbaycanın əməkdar artisti (2007).[1]
| Tanilə Əhmərova | |
|---|---|
| Digər adı | Tanilya Əhmərova |
| Doğum tarixi | |
| Doğum yeri | Bakı, Azərbaycan SSR |
| Vəfat tarixi | (65 yaşında) |
| Vəfat yeri | Bakı, Azərbaycan |
| Vəfat səbəbi | uzun sürən xəstəlik |
| Vətəndaşlığı |
 SSRİ Azərbaycan |
| Fəaliyyəti | aktrisa |
| IMDb | ID1094851 |
Tanilə Əhmərova 1950-ci ildə iyunun 1-də Bakıda anadan olub. Uşaq yaşlarından təhsil aldığı məktəbdəki dərnəkdə çıxış etməyə başlayıb.M.Əliyev adına Dövlət Teatr İnstitutunun (indiki ADMİU) tələbələri sırasına qoşularaq dövrün ustad sənətkarlarından böyük kino və teatr sənətinin sirlərini öyrəndi. 1977-ci ildə ali məktəbi bitirən aktrisa kinoda ilk işinə “Qəribə adam” filmi ilə başladı.Cəfər Cabbarlı adına “Azərbaycanfilm” kinostudiyasının aktrisası olmuşdur.Tanilə Əhmərova bir sıra filmlərdə lirik və zərif obrazlar yaratmışdır.
O, "Şir evdən getdi", "Tələ", "Təhminə", "Arşınmalçı”, “Evlənmək istəyirəm”, “Əlavə iz”, “İlıq dənizdə buz parçası”, “İşarəni dənizdən gözləyin”, “Qəribə adam” kimi 20-yə yaxın filmdə rolunun miqyasına baxmayaraq tamaşaçı yaddaşında qala bildi. Obrazının xarakterini, daxili dünyasını, hiss və həyəcanlarını təbii boyalarla ifadə edən aktrisa incə, məlahətli qadın portretini çəkməyi bacardı. Tanilə Əhmədova "Qaynana" filmində canlandırdığı "Sevda" obrazı ilə xalqın sevimlisinə çevrilmişdir.
Tanilə Əhmərova uzun sürən xəstəlikdən sonra 4 avqust 2015-ci ildə Bakıda vəfat etmişdir.[2]
- Azərbaycan SSR Ali Sovetinin Fəxri fərmanı — 24.02.1979[3]
- Azərbaycan Respublikası Əməkdar Artisti - 2007
- Arşınmalçı (film, 1985)-Alverçi
- Evlənmək istəyirəm (film, 1983)-Epizodik rol
- Əlavə iz (film, 1981)-Bağırova
- İlıq dənizdə buz parçası (film, 1983)-Gəlin
- İşarəni dənizdən gözləyin (film, 1986)-Qadın
- Qayınana (film, 1978)-Sevda
- Qəribə adam (film, 1979)-Aytən
- Sevinc buxtası (film, 1977)-Leyla
- Səndən xəbərsiz (film, 1985)-Sərvinaz
- Şir evdən getdi (film, 1977)-Şəfiqə müəllimə
- Təhminə (film, 1993)-Ad günündəki qonaq
- Tələ (film, 1990)-Rübabə Babayeva
- Üzeyir ömrü (film, 1981)-Üzeyirin anası
- Üzü küləyə (film, 1977)-Nərgiz
- Utanmaz - Mozalan kinostudiyasının istehsalatı (qısametrajlı film), 2005 - Müəllimə
- ↑ Nizamiqızı, H. Nisgilli xatirələr ümidində: Əməkdar artist, kinoaktrisa Tanilya Əhmərova 65 yaşında dünyasını dəyişdi //Mədəniyyət.- 2015.- 7 avqust.- S. 5.
- ↑ Oxu.az. ""Qayınana"nın Sevdası dünyasını dəyişdi" (az.). oxu.az. 04.08.2015 19:31. 2015-09-06 tarixində arxivləşdirilib. İstifadə tarixi: 2015-08-04.
- ↑ Respublika ədəbiyyat və incəsənət xadimlərinin Azərbaycan SSR Ali Soveti Rəyasət Heyətinin Fəxri Fərmanı ilə təltif edilməsi haqqında Azərbaycan SSR Ali Soveti Rəyasət Heyətinin 24 fevral 1979-cu il tarixli Fərmanı Arxivləşdirilib 2020-01-16 at the Wayback Machine — anl.az saytı