Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTammetrajlı film və ya Uzunmetrajlı film — tam uzunluqdakı filmləri ifadə etmək üçün istifadə olunan kino terminidir. Kino Sənətləri və Elmləri Akademiyası,[1] Amerika Film İnstitutu[2] və Britaniya Film İnstitutu[3] uzunmetrajlı filmi ən azı 40 dəqiqə davam edən ekran əsəri kimi müəyyənləşdirmişdir. Bununla belə, müasir dövrdə böyüklər üçün nəzərdə tutulmuş filmlərin əksəriyyəti adətən 90–210 dəqiqə arasında olur. Uşaqlar üçün nəzərdə tutulmuş filmlər isə çox vaxt 60–120 dəqiqə arasında dəyişir.
1906-cı ildə nümayiş olunan və təxminən 70 dəqiqə davam edən Avstraliya istehsalı olan "The Story of the Kelly Gang" ilk uzunmetrajlı film hesab olunur.
Bu termin qısametrajlı filmlərə qarşı qoyulur, bəzən həmçinin orta metrajlı filmlər adlı ara kateqoriya da ayırd edilir. Fransanın Milli Kinematoqrafiya və Animasiya Mərkəzi 35 mm-lik filmi onun surətinin uzunluğu 1600 metrdən çox olduqda (bu isə səsli film üçün dəqiq olaraq 58 dəqiqə 29 saniyəyə bərabərdir) uzunmetrajlı hesab edir, ABŞ Kinoaktyorlar Gildiyası isə uzun metrajlı filmlərin ən azı 80 dəqiqədən az olmamasını tələb edir.[4]
SSRİ-də uzunmetrajlı kinofilmlər 1200–3000 metr uzunluğunda 35 mm-lik kinolent ölçüsündə hesab edilirdi, yəni film 5-dən 12-yə qədər hissədən ibarət olurdu (hər hissə təxminən 250–280 m uzunluğunda).[5]
Rusiyada uzunmetrajlı film, müddəti ən azı 52 dəqiqə olan film hesab olunur.[6][7] İlk rus uzunmetrajlı kino layihəsi 1911-ci ilə aid "Sevastopol müdafiəsi" adlı filmdir.
1922–1970-ci illər arasında ABŞ və Yaponiya ən çox uzunmetrajlı filmlər istehsal edirdilər. 1971-ci ildən etibarən isə ən çox uzunmetrajlı film istehsal edən ölkə Hindistandır.
- ↑ 79th Academy Awards Rules Arxiv surəti 6 sentyabr 2008 tarixindən Wayback Machine saytında, Rule 2: Eligibility.
- ↑ The American Film Institute Catalog of Motion Pictures.
- ↑ Denis Giford, The British Film Catalogue.
- ↑ Screen Actors Guild Letter Agreement for Low-Budget Theatrical Features Arxiv surəti 27 sentyabr 2007 tarixindən Wayback Machine saytında.
- ↑ Полнометражный фильм // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Статья 3 Федерального закона от 22 августа 1996 г. № 126-ФЗ «О государственной поддержке кинематографии Российской Федерации».
- ↑ Словарь по экономике и финансам. Глоссарий.ру.
- Н. А. Майоров. Самые первые в истории развития мирового кинематографа (PDF) // «Мир техники кино» (журнал) (rus). № 1 (31). 2014. 38—44. ISSN 1991-3400.