Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYolunu azmaq və ya Tahoedə yanlış döngə (ing. Wrong Turn at Tahoe, 2009; digər adı: Taho döngəsi) — rejissor Frank Kalfunun filmi. Amerika Kino Şirkətləri Assosiasiyası filmə R reytinqi vermişdir — 17 yaşına qədər olan şəxslərin valideyn və ya böyüklərdən birinin müşayiəti baxması tələb olunur (bəzi regionlarda yaş həddi dəyişə bilər).
| Tahoedə yanlış döngə | |
|---|---|
| ing. Wrong Turn at Tahoe | |
| Janr | dram filmi, cinayət filmi, triller filmi, döyüş filmi |
| Rejissor | Frank Kalfu |
| Prodüserlər |
|
| Ssenari müəllifi | Eddi Nikerson |
| Baş rollarda |
|
| Operator | Kristofer LaVasser |
| Bəstəkar | Nikolas Payk |
| Distribütor | Paramount Home Entertainment[d], Netflix |
| İlk baxış tarixi | 17 noyabr 2009[1] |
| Müddət | 87 dəq |
| Büdcə | 6 milyon $ |
| Ölkə | |
| Dil | ingilis dili |
| Rəng | rəngli[d] |
| IMDb | ID1393000 |
Coşua və onun bosu Vinsent xəstəxanaya gedirlər. Onların hər ikisi də güllə yarası almış və əzab çəkirlər. Coşua uşaqlığını xatırlayır: atasını onun gözlərinin qarşısında vurub öldürmüşdülər.
Keçmişə dönüş zamanı Coşua və onun tərəfdaşı Mikki, Vinsentə borcu olan insanları ziyarət edirlər. Onlar dəli bir narkomanla rastlaşırlar; həmin adam deyir ki, adı Frenki Taho olan kiçik bir narkodiler Vinsenti öldürmək istəyir. Coşua və Mikki bu barədə Vinsentə xəbər verirlər. Üçlük Tahonun adamlarından birini qorxudaraq onun yerini öyrənir. Tahonu gecə klublarından birində tapırlar. Söhbət zamanı Taho Coşua və Vinsentin inandıqları dini təhqir edir. Buna qəzəblənən Vinsent onu beysbol dəyənəyi ilə döyərək öldürür. Cəsədini isə zibilxanaya atırlar. Bu zaman Vinsent Mikki ilə onun arvadı arasında bir münasibət olduğunu öyrənir, sonra isə Mikkini də öldürür.
Bir gün səhər yeməyi zamanı Coşua Vinsentə zorakılıqdan yorulduğunu və təqaüdə çıxmaq istədiyini bildirir. Vinsent qəzəb partlayışları yaşadığını etiraf etsə də, Coşuanın ona həyatını borclu olduğunu deyir və onun getməsinə icazə vermir. Daha sonra evə qayıdan Vinsent, evini izləyən iki nəfərlə qarşılaşır. Coşua da hadisə yerinə gəlir. Həmin adamlar bildirirlər ki, onları güclü mafioz Nino göndərib. Bu zaman Vinsentin telefonuna zəng gəlir. O telefonunu açır və Nino ilə danışır, daha sonra isə Coşua ilə birlikdə Ninonun evinə aparılırlar.
Nino, Vinsentə Tahonu öldürdüyünə görə bahalı “cəzalandırma üsulları” təklif edir. Vinsent isə bunların hamısını rədd edir. Nino buna görə özünü təhqir olunmuş kimi hiss edir və oradan uzaqlaşır. Vinsent və Coşua evə qayıdanda Vinsentin arvadını vəhşicəsinə öldürülmüş halda tapırlar. Vinsent Coşuaya 50 min dollar verərək şəhəri tərk etməsini istəyir. Lakin Coşua imtina edir və deyir ki, Nino sağ olduğu müddətcə getməyəcək. Onlar gecə düşəndə Ninodan intiqam almaq üçün onun evinə qayıdırlar.
Coşua aşağı mərtəbədə Ninonun adamları ilə vuruşur. Vinsent isə yuxarı mərtəbəyə qalxaraq Nino ilə üz-üzə gəlir. Nino gülləkeçirməz jilet geyinmiş, lüləsi kəsilmiş ov tüfəngi ilə onu gözləyir. Uzun döyüşdən sonra Vinsent yaralanır, amma sağ qalır, Nino isə qan gölündə ölür.
Bu vaxt Coşua əlbəyaxa döyüşdə Ninonun adamlarından birini boğaraq öldürür. Başqa birisi isə onun boğazını kəsmək üzrəykən, Vinsent gəlib həmin adama atəş açır. Yaralı adam ölmür və Coşua onun Vinsentin arvadını öldürən şəxs olduğunu anlayır. Vinsent həmin adamı onun öz bıçağı ilə parçalayaraq öldürür. Onlar evdən çıxarkən Ninonun arvadı peyda olur. Onunla Coşua arasında atışma baş verir. Hər ikisi yaralanır: qadın ölür, Coşua isə qarın nahiyəsindən güllə yarası alsa da, ayaq üstə qalaraq oradan uzaqlaşa bilir.
Nəhayət, indiki zamanda: Vinsent avtomobili sürür, Coşua isə arxa oturacaqda oturur. Coşua xatırlayır ki, əslində atasını öldürən şəxs Vinsent idi. O, silahını Vinsentin başına tuşlayır. Vinsent isə Coşuaya "sən çox sadiqsən, öz bosunu öldürməzsən" deyir. Kadr qaranlığa keçir və Coşuanın tətiyi çəkib-çəkmədiyi məlum olmur.
Film Vaşinqton ştatının Spokan şəhərində çəkilmişdir.[2]
- ↑ "Wrong Turn at Tahoe Preview". IGN. İstifadə tarixi: 1 aprel 2015.
- ↑ Kershner, Jim. "Those movies set in Spokane? I've got just the ticket for you". The Spokesman-Review. 13 fevral 2010. İstifadə tarixi: 1 aprel 2015.
- Tahoedə yanlış döngə — Internet Movie Database saytında