Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTələt Əli oğlu Qasımov (1939, Bakı – 1998) — Azərbaycan həkimi və tibb təşkilatçısı, tibb elmləri namizədi, Azərbaycanın səhiyyə naziri (1979–1992).
| Tələt Qasımov | |
|---|---|
| 5 fevral 1991 – 10 aprel 1992 | |
| Əvvəlki | vəzifə təsis edilib |
| Sonrakı | Rahim Hüseynov |
| 15 iyun 1979 – 5 fevral 1991 | |
| Əvvəlki | Hənifə Abdullayev |
| Sonrakı | vəzifə ləğv edilib |
| Şəxsi məlumatlar | |
| Doğum tarixi | 1939 |
| Doğum yeri | |
| Vəfat tarixi | 1998 (58–59 yaşında) |
| Partiya |
|
| Təhsili |
|
| Elmi fəaliyyəti | |
| Elmi dərəcəsi |
|
| Təltifləri |
    |
.svg){kind=small}
.svg){kind=small}
Tələt Əli oğlu Qasımov 1939-cu ildə Bakı şəhərində həkim ailəsində anadan olmuşdur. 1956-cı ildə Bakı şəhər 6 nömrəli orta məktəbini bitirdikdən sonra, 1957-ci ildə Nəriman Nərimanov adına Azərbaycan Dövlət Tibb İnstitutuna (ADTİ) qəbul olunmuşdur. Tələbəlik illərində Bakı şəhər 2 №-li klinik xəstəxanasının travmatologiya şöbəsində tibb qardaşı, həmin xəstəxananın cərrahiyyə şöbəsində narkotizator işləmişdir.[1]
Təhsilini başa vurduqdan sonra, 1963–1965-ci illərdə Sovet Ordusunda səhra tibb məntəqəsinin rəisi kimi hərbi xidmətdə olmuşdur. Daha sonra o, ADTİ-yə qayıdaraq hospital kafedrasında ordinator vəzifəsinə götürülmüş, eyni zamanda gənclər təşkilatının (komsomol) katibi seçilmiş və institutun tədris hissə üzrə istehsalat şöbəsinin müdiri vəzifəsini daşımışdır.[1] 1968-ci ildə hospital terapiyası kafedrasında assistent vəzifəsinə təyin edilmişdir.[2]
Tələt Qasımov 1967-ci ildə "Bronxial astma zamanı ağırlaşmanın qan laxtalanması dinamikası" mövzusunda namizədlik dissertasiyasını müdafiə edərək (elmi rəhbər: Cahangir Abdullayev) tibb elmləri namizədi elmi dərəcəsini almışdır. 1970-ci ildən Azərbaycan Gənclər Təşkilatları Komitəsinin sədri olmuş, Azərbaycan LKGİ Mərkəzi Komitəsinin büro üzvü seçilmişdir.[2]
1974-cü ildə Tələt Qasımov partiya işinə irəli çəkilərək Azərbaycan Kommunist Partiyası Mərkəzi Komitəsinin Elm və tədris müəssisələri şöbəsinin təlimatçısı, 1976-cı ildə isə həmin şöbənin səhiyyə və sosial təminat bölməsinin (sektorunun) müdiri təyin edilmişdir. 1978–1979-cu illərdə Azərbaycan SSR səhiyyə nazirinin müavini — nazirliyin 4-cü baş idarəsinin rəisi vəzifəsində işləmişdir.[2][3]
Tələt Qasımov 1979-cu ilin iyun ayından 1992-ci ilin aprel ayınadək Azərbaycanın səhiyyə naziri (müstəqil Azərbaycanın ilk səhiyyə naziridir) olmuşdur.[4] Onun nazir işlədiyi dövrdə Azərbaycanda Diaqnostik Mərkəz, Neyrocərrahlıq Mərkəzi, Stomatoloji Mərkəz, Uşaq Stomatoloji Mərkəzi, Yanıq Mərkəzi, Toksikoloji Mərkəz, Kardioloji Mərkəz (Elmi-Tədqiqat İnstitutu) kimi səhiyyə obyektləri inşa olunmuş, Azərbaycan Təbabəti Muzeyi açılmışdır.[1]
Tələt Qasımov 1992–1993-cü illərdə Azərbaycan Respublikasının Moskva şəhərində səlahiyyətli nümayəndəliyinə ümumi məsələlər üzrə müşavir vəzifəsində çalışmışdır.[2]
Tələt Qasımov 1964-cü ildən Sovet İttifaqı Kommunist Partiyasının üzvü olmuşdur. X və XI çağırış Azərbaycan SSR Ali Sovetinin deputatı, Azərbaycan KP MK üzvü seçilmişdir.[5] "Şərəf nişanı" ordeni (1981), "Səhiyyə əlaçısı" döş nişanı (1970) ilə təltif edilmiş, "Azərbaycan SSR əməkdar həkimi" fəxri adına (1989) layiq görülmüşdür.[2]
Tələt Qasımov 1998-ci ildə vəfat etmişdir.[2]
- ↑ 1 2 3 Məmməd Süleymanoğlu. Ömür hədər getmədi // Azərbaycanın səhiyyə nazirləri. Bakı: Nurlan. 2008. səh. 212–222.
- ↑ 1 2 3 4 5 6 Касумов Талят Али оглы // Şəki. Alim və ziyalılar. Bakı: Bakı Universiteti nəşriyyatı. 2002. səh. 305–306.
- ↑ Гасымов Тәл'әт Әли оғлу // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 94.
- ↑ "T. Ə. Qasımovun Azərbaycan Respublikasının səhiyyə naziri vəzifəsindən azad edilməsi haqqında Azərbaycan Respublikası Prezidentinin Fərmanı". e-qanun.az. 20 iyun 2023 tarixində arxivləşdirilib. İstifadə tarixi: 2 noyabr 2025.
- ↑ Гасымов Тәл'әт Әли оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 86.