Tələbə sindromu — Planlı təxirə salma davranışını təsvir edən sindrom.
| Tələbə sindromu |
|---|
Tələbə sindromu zəif zaman idarəetməsi, mükəmməllik istəyinin və uğursuzluq qorxusunun, yüklənmə və ya tükənmənin nəticəsi ola bilər.[1] Zəif zaman idarəetməsi insanların tapşırıqlarını düzgün prioritetləşdirməməsinə səbəb ola bilər. Mükəmməllik istəyinə görə, insanlar işə başlamağı gecikdirə bilərlər, çünki hər şeyi mükəmməl etmək istəyirlər. Uğursuzluq qorxusu da işin təxirə salınmasına səbəb olur, çünki insan həmin tapşırıqda uğursuz ola biləcəyindən qorxur. Yüklənmə və ya tükənmə vəziyyətində olan insanlar isə ümumiyyətlə tapşırıqları və digər məsuliyyətləri tamamlamaqda çətinlik çəkirlər.[2]
Eyni zamanda, universitet və bəzi peşə sahələrində işləyən şəxslərin öz vaxtlarını və güclərini idarə etmələri lazım olduğu üçün, təxirə salma üçün daha çox fürsət yaranır, xüsusən də öz iş axınını idarə etmə metodları olmayan şəxslər üçün. Bununla yanaşı, video oyunları və mesajlaşma kimi asanlıqla diqqəti yayındıran faktlar da, insanların daha cəlbedici fəaliyyətlərlə məşğul olmasına səbəb ola bilər.[2][3][4]
Tələbə sindromunun son anda işin görülməsi ilə əlaqəli olması, iş prosesində yaranan gözlənilməz problemlərə uyğunlaşmağa imkan vermir. Bu sindromun nəticələri, qiymətlərə və ya performans qiymətləndirmələrinə mənfi təsir göstərə bilər, çünki tapşırıqları tamamlamağa məhdud vaxt qaldıqca insanlar tamamlanmamış və ya inkişaf etməmiş işlər təqdim edə bilərlər. Bundan əlavə, tələbə sindromu insanların psixi sağlamlığına, stressin artmasına və yuxu və yemək vərdişlərinə də mənfi təsir edə bilər.[5]
- ↑ Post, Anita Lee. "Success factors in developing and delivering online courses in operations management". International Journal of Information and Operations Management Education. 2 (2). 2007: 131. doi:10.1504/ijiome.2007.015279. ISSN 1744-2303.
- ↑ 1 2 Steel, Piers. "The nature of procrastination: A meta-analytic and theoretical review of quintessential self-regulatory failure". Psychological Bulletin (ingilis). 133 (1). January 2007: 65–94. doi:10.1037/0033-2909.133.1.65.
- ↑ Smith, D. C. "The Effects of Student Syndrome, Stress, and Slack on Information Systems Development Projects" (PDF). Issues in Informing Science and Information Technology. 7. 2010: 489–494. doi:10.28945/1222. 10 February 2015 tarixində arxivləşdirilib (PDF). İstifadə tarixi: 10 February 2015.
- ↑ Weilbaker, T; Popkov, S; Colletti, R; Tillman, T. "Factors related to the student syndrome phenomenon in online courses". Journal of Management & Engineering Integration. 2 (2). 2009: 131–135.
- ↑ Novotney, A. "Procrastination or 'intentional delay'?". American Psychological Association. January 2010.