Təhməz Təhməzov (23 avqust 1954, Qurdlar, Marneuli rayonu) — Azərbaycan İctimai Televiziyasının Gürcüstandakı xüsusi müxbiri, jurnalist, Gürcüstanın əməkdar jurnalisti.[1]
| Təhməz Təhməzov | |
|---|---|
| Təhməz Qiyas oğlu Təhməzov | |
| Doğum tarixi | 23 avqust 1954 (70 yaş) |
| Doğum yeri | |
| Milliyyəti | azərbaycanlı |
| Təhsili | A. S. Puşkin adına Tiflis Dövlət Pedaqoji İnstitutu |
| Mükafatları |
 |
Təhməz Qiyas oğlu Təhməzov 1954-cü il avqustun 23-də Marneuli rayonundakı Qurdlar kəndində anadan olub. 1971-ci ildə Baydar orta məktəbini, 1976-cı ildə A. S. Puşkin adına Tiflis Dövlət Pedaqoji İnstitutunu bitirib.[1]
Əmək fəaliyyətinə doğma kəndində müəllim kimi başlayıb və 1983-1987-ci illərdə Gürcüstan Televiziya və Radio Verilişləri şirkətində kiçik redaktor, 1987-1991-ci illərdə “Sovet Gürcüstanı” qəzetində müxbir, 1991-1999-cu illərdə Qurdlar kənd sovetinin sədri və 2006-cı ilin martından 2013-cü ilin iyun ayına kimi Azərbaycan İctimai Televiziyasının Gürcüstandakı xüsusi müxbiri işləyib[1].
Oçerk və publisistik yazıları Gürcüstandakı dövrü mətbuatda dərc olunub[1].
- Təhməz Təhməzov 2010-cu ildə Gürcüstan prezidenti Mixail Saakaşvilinin sərəncamı ilə “Şərəf” ordeninə layiq görülüb[2].
- 30 mart 2019-ci ildə Təhməzov jurnalistika sahəsində uzun müddətli uğurlu fəaliyyətinə görə “Gürcüstanın Jurnalistlər Yaradıcılıq birliyi”nin rəhbərliyi tərəfindən Gürcüstanın əməkdar jurnalisti adına layiq görülüb[1].
Ailəlidir, iki oğlu, 4 nəvəsi var.
- ↑ 1 2 3 4 5 "Jurnalist Gürcüstanın ali mükafatına layiq görülüb" (az.). 24news.ge. 2019-03-30 tarixində arxivləşdirilib. İstifadə tarixi: 2019-03-30.
- ↑ "AZƏRBAYCAN İCTİMAİ TELEVİZİYA VƏ RADİO YAYIMLARI ŞİRKƏTİNİN GÜRCÜSTAN ÜZRƏ XÜSUSİ MÜXBİRİ BU ÖLKƏNİN "ŞÖHRƏT" ORDENİ İLƏ MÜKAFATLANDIRILMIŞDIR" (az.). azertag.az. 2019-03-30 tarixində arxivləşdirilib. İstifadə tarixi: 2019-03-30.