Təhməz Quliyev

Təhməz Quliyev
Təhməz Quliyev
	Təhməz Nəsib oğlu Quliyev
Doğum tarixi	10 may 1935
Doğum yeri	Qərbi Azərbaycanın, Zəngəzur mahalı, Qafan rayonu, Gığı kəndi
Vəfat tarixi	10 aprel 2007 (71 yaşında)
Vəfat yeri	Bakı
Vətəndaşlığı	SSRİ; Azərbaycan
Milliyyəti	Azərbaycanlı
Elm sahəsi	kimya
Elmi dərəcəsi	kimya elmləri doktoru
Elmi adı	Professor
Alma-mater	Bakı Dövlət Universiteti

Təhməz Nəsib oğlu Quliyev (10 may 1935, Gığı, Qafan rayonu – 10 aprel 2007, Bakı) — Azərbaycan alimi, kimya elmləri doktoru, Professor.^[1]^[2]

Həyatı

Təhməz Nəsib oğlu Quliyev 1954-cü ildə orta məktəbi bitirərək Bakıya, ali təhsil dalınca yollanır. Bakı Dövlət Universitetinin Kimya fakültəsinə daxil olur. 1959-cu ildə universiteti bitirir və Akademik Yusif Məmmədəliyevin təşəbbüsü ilə Moskvaya Aspiranturaya göndərilir. Orada imtahan verib SSRİ Elmlər Akademiyasının "Ümumi və Qeyri Üzvi kimya" fakültəsinə qəbul olunur. 1966-cı idə namizədlik dissertasiyasını uğurla müdafiə edrək kimya elmləri namizədi alimlik dərəcəsini alır.

Təhməz Quliyev uzun illər ərzində apardığı elmi işlərin yekunlaşdıraraq 1999-cu ildə doktorluq dissertasiyasını müvəffəqiyyətlə müdafiə edir, kimya elmləri doktoru elmi dərəcəsinə layiq görülür. 2005-ci ildə isə professor elmi adını alır.

Əmək fəaliyyəti

1965-ci ildə BDU-da assistent, baş müəllim; 1970-ci ildən 2002-ci ilə kimi dosent vəzifəsində işləmişdir. 1968–1975-ci illərdə kimya fakültəsində dekan müavini, kafedra müdiri əvəzi, həmkarlar təşkilatının sədri kimi ictimai işlərdə çalışmışdır. 2001-ci ildən ömrünün sonuna kimi BDU-nun Ümumi və qeyri-üzvi kimya kafedrasında professor vəzifəsində çalışmışdır.

Elmi tədqiqatları

Təhməz Quliyev 20-dən çox beynəlxalq və yerli elmi konfranslarda, elmi seminarlarda çıxış etmişdir. 60-dan çox elmi əsərin, iki dərsliyin müəllifidir. İki aspirantın elmi rəhbəri olmuşdur.

Ölümü

Təhməz Nəsib oğlu Quliyev 10 aprel 2007-ci ildə Bakı şəhərində vəfat etmışdir.

İstinadlar

↑ "Kimya fakültəsi - BAKI DÖVLƏT UNİVERSİTETİ". chemistry.bsu.edu.az. 2022-07-05 tarixində arxivləşdirilib. İstifadə tarixi: 8 sen 2022.
↑ "Təhməz Nəsib oğlu Quliyev, Kimya elmləri doktoru, Professor". mahmudovfaiq.wordpress.com. 29 may 2019. 5 March 2021 tarixində arxivləşdirilib. İstifadə tarixi: 8 sen 2022.

[1] "Kimya fakültəsi - BAKI DÖVLƏT UNİVERSİTETİ". chemistry.bsu.edu.az. 2022-07-05 tarixində arxivləşdirilib. İstifadə tarixi: 8 sen 2022.

[2] "Təhməz Nəsib oğlu Quliyev, Kimya elmləri doktoru, Professor". mahmudovfaiq.wordpress.com. 29 may 2019. 5 March 2021 tarixində arxivləşdirilib. İstifadə tarixi: 8 sen 2022.

[1]

[2]