Təfsir əs-Səmərqəndi (ərəb. تفسير السمرقندي) — Əbül-Leys əs-Səmərqəndinin Quran təfsiri.[1]
| Təfsir əs-Səmərqəndi | |
|---|---|
| ərəb. تفسير السمرقندي | |
| Müəllif | Əbu Leys Səmərqəndi |
| Janr | təfsir |
| Orijinalın dili | ərəb dili |
Əsərin digər adları bunlardır: "Təfsirül-Quranil-Kərim", "Təfsiru Əbil-Leys əs-Səmərqəndi" və "Bəhrül-ülum". "Təfsir əs-Səmərqəndi"nin dövrümüzə qədər gəlib çatmış nəşrlərində adı "Bəhrül-ülum" olaraq qeyd edilmişdir (Bağdad, 1985–1986; Beyrut, 1993, 1997).[2] Lakin "Bəhrül-ülum" adlı təfsirin əsl müəllifi Ələddin Əli ibn Yəhya əs-Səmərqəndidir. Əbül-Leys əs-Səmərqəndinin təfsiri ehtiva etdiyi təsəvvüfi izahlar səbəbi ilə işari təfsir olaraq adlandırılsa da, sufi-fiqhi bir metoda sahibdir. Rəvayət əsaslı əsərdə müəllif öz şərhləri "qaləl-fəqih" şəklində qeyd etmişdir. Əsərin Şəhabəddin İbn Ərəbşah, Musa İzniki və Əhmədi-Daiyə izafə olunan türkcə tərcümələri dövrümüzə qədər gəlib çatmışdır.[3]
- ↑ Mikail, Rəfail. Dəlilləri ilə İslam fiqhi (az.). Bakı: Şərq-Qərb. 2014. 211–212. ISBN 978-9952-489-89-7.
- ↑ "كتاب تفسير السمرقندي = بحر العلوم". المكتبة الشاملة. 20 yanvar 2026 tarixində arxivləşdirilib. İstifadə tarixi: 20 yanvar 2026.
- ↑ Yazıcı, İshak. "Semerkandi, Ebül-Leys". TDV İslâm Ansiklopedisi. 2009. 20 yanvar 2026 tarixində arxivləşdirilib. İstifadə tarixi: 20 yanvar 2026.