Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTürkiyənin Azərbaycandakı səfirliyi — Türkiyə Respublikasının Azərbaycan Respublikasındakı diplomatik nümayəndəliyi.
| Türkiyənin Azərbaycandakı səfirliyi | |
|---|---|
 | |
| Ünvan |  Azərbaycan, Bakı, Nəsimi r-nu,
Səməd Vurğun |
| Səfir | Birol Akgün |
| Sayt | Türkiye Cumhuriyeti Bakü Büyükelçiliği |
3 dekabr 2024-cü il tarixində Türkiyənin Azərbaycanda fövqəladə və səlahiyyətli səfiri Birol Akgün təyin olunmuşdur.[1]
Türkiyə 9 noyabr 1991-ci ildə Azərbaycanın müstəqilliyini tanıyan ilk dövlətdir.[2] İki ölkə arasında diplomatik münasibətlər 14 yanvar 1992-ci il tarixində qurulmuşdur.
Türkiyənin Azərbaycandakı səfirliyi 1992-ci ilin yanvar ayında, Azərbaycanın Türkiyədə səfirliyi 1992-ci ilin avqustunda açılmışdır.[2]
2007-ci il martın 9-da Bakıda Türkiyə Respublikasının ölkəmizdəki səfirliyinin yeni binasının açılışı olmuşdur. Azərbaycan Prezidenti İlham Əliyev, Türkiyənin Baş naziri Rəcəb Tayyib Ərdoğan, Şimali Kiprin lideri Mehmet Əli Tələt, onların xanımları və digər rəsmi şəxslər mərasimdə iştirak etmişdilər.[3]
Mustafa Kamal Atatürkün "Azərbaycanın sevinci bizim sevincimiz, kədəri bizim kədərimizdir", Ümümmilli Lider Heydər Əliyevin "Bir millət, iki dövlət" fəlsəfəsi ilə əsaslı təmələ sahib olan ölkələrimizin əlaqələri ilbəil daha da inkişaf etməkdədir. Müasir dövrdə Azərbaycanın etibarlı strateji tərəfdaşı olan Türkiyə ilə münasibətlərin möhkəmləndirilib daha da genişləndirilməsi Azərbaycan dövlətinin xarici siyasətinin çox mühüm tərkib hissəsidir. Tarixi köklərə və qardaşlığa söykənən, hər zaman həmrəylik nümayiş etdirən Azərbaycan və Türkiyə arasında əlaqələr siyasi, iqtisadi-ticarət, humanitar, hərbi və s. sahələrdə çox uğurla inkişaf edir.
Türkiyənin Azərbaycanda səfiri — Türkiyəni Azərbaycanda təmsil edən ən yüksək diplomatik vəzifəli şəxsdir. Azərbaycanın müstəqilliyini ilk tanıyan dövlət Türkiyənin Azərbaycandakı ilk səfiri Altan Karamanoğludur.[4]
- Naxçıvan Muxtar Respublikasında Baş konsulluq. Konsulluq 1992-ci ildə açılmışdır.[5] 15 dekabr 2022-ci il tarixində Asip Kaya Naxçıvana baş konsul təyin edilib.[6]
- Gəncədə Baş konsulluq. 2010-cu ildə Türkiyənin Gəncədə Baş konsulluğu açılıb.[5] [7]Rəcəb Öztop Türkiyənin Gəncədə Baş konsulu kimi fəaliyyət göstərir.[8]
- Lənkəranda fəxri konsulluq. 2012-ci il tarixində Türkiyə Lənkəranda konsulluq təsis etmiş və Mayıs Mənsimov konsul təyin edilmişdir.[5][9]
- Şuşada Türkiyə konsulluğunun açılması ilə bağlı Azərbaycan və Türkiyə Xarici İşlər Nazirlikləri arasında danışıqlar aparılır.[10][11]
- ↑ "İlham Əliyev Türkiyənin Azərbaycanda yeni təyin olunmuş səfirinin etimadnaməsini qəbul edib". 26 mart 2025 tarixində arxivləşdirilib. İstifadə tarixi: 7 avqust 2025.
- ↑ 1 2 Azərbaycan Respublikasının Türkiyə Respublikasındakı səfirliyi
- ↑ BAKIDA TÜRKİYƏ SƏFİRLİYİNİN YENİ BİNASININ AÇILIŞI OLMUŞDUR
- ↑ "İlhami Altan Karamanoğlu". Oktayaras.com. İstifadə tarixi: 29 iyun 2025.
- ↑ 1 2 3 İkitərəfli münasibətlər
- ↑ TÜRKİYE CUMHURİYETİ NAHÇIVAN BAŞKONSOLOSLUĞU
- ↑ TÜRKİYE CUMHURİYETİ GENCE BAŞKONSOLOSLUĞU
- ↑ Türkiyənin Gəncədəki yeni Baş konsulu fəaliyyətə başlayıb
- ↑ Lənkəranda Türkiyə Respublikasının fəxri konsulluğu fəaliyyətə başlamışdır
- ↑ Баку и Анкара обсуждают вопрос открытия турецкого консульства в Шуше
- ↑ Президент Реджеп Тайип Эрдоган: В Шуше откроется генеральное консульство Турции