Tükəzban Göyüşova (tam adı: Tükəzban Nizami qızı Göyüşova; 6 dekabr 1972, Bakı) — arxeoloq, tarix üzrə fəlsəfə doktoru, dosent. AMEA Arxeologiya və Antropologiya İnstitutunun "Orta və son tunc dövrü arxeologiyası" şöbəsinin aparıcı elmi işçisi.[1] Azərbaycanın Qərb bölgəsinin, Gədəbəyin arxeoloji abidələrinin, qədim nekropollarının, siklopik tipli yaşayış yerlərinin — qalaçaların tədqiqatçısı.
| Tükəzban Göyüşova | |
|---|---|
| Tükəzban Nizami qızı Göyüşova | |
 | |
| Doğum tarixi | |
| Doğum yeri | Bakı şəhəri |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Elm sahəsi | arxeologiya |
| Elmi dərəcəsi | tarix üzrə fəlsəfə doktoru |
| Elmi adı | dosent |
| İş yerləri | AMEA Arxeologiya və Antropologiya İnstitutu [1] |
| Alma-mater | Azərbaycan Dövlət Mədəniyyət Universiteti |
| Təhsili | Azərbaycan Dövlət Mədəniyyət və İncəsənət Universiteti |
| Elmi rəhbəri | Hidayət Cəfərov |
| Tanınır | arxeoloq |
| Mühüm layihələri |
Azərbaycanın Qərb bölgəsinin arxeoloji abidələrinin tədqiqi Gədəbəyin arxeoloji abidələrinin, qədim nekropollarının, siklopik tipli yaşayış yerlərinin — qalaçaların öyrənilməsi |
| Üzvlüyü | |
 Vikianbarda əlaqəli mediafayllar | |
Tükəzban Göyüşova 1972-ci il dekabrın 6-da Bakı şəhərində anadan olmuş, 1989-cu ildə Xətai rayonu 260 saylı orta məktəbi bitirmişdir. 1989-1994-cü illərdə Azərbaycan Dövlət Mədəniyyət və İncəsənət Universitetinin "Mədəni-maarif işi" fakültəsində təhsil almışdır.[1]1995-ci ildən AMEA Arxeologiya və Etnoqrafiya İnstitutu, Yeni tikinti sahələrində arxeoloji tədqiqatlar şöbəsində baş laborant vəzifəsində, 2000-ci ildə kiçik elmi işçi vəzifəsində çalışmış, 2001-ci ildə elmi işçi, 2012-ci ildə isə böyük elmi işçi vəzifələrinə keçirilmişdir. 2014-cü ildən isə o, "Orta və son tunc dövrü arxeologiyası" şöbəsinin aparıcı elmi işçisidir. 2010-cu ildə "Azərbaycanın tunc kəmərləri" adlı dissertasiya işini müdafiə edərək tarix üzrə fəlsəfə doktoru alimlik dərəcəsini almışdır. 2019-cu ildə isə, Ali Attestasiya Komissiyası tərəfindən dosent elmi adına layiq görülmüşdür.[2] Elmi məsləhətçisi t.ü.f. doktoru Qoşqarlı Qoşqar, elmi rəhbəri isə t.e.d., prof. Cəfərov Hidayət olub. O, 50-dən çox elmi məqalənin, 15-dək elmi hesabatın, xaricdə çapdan çıxmış 10 elmi əsərin, o cümlədən "Azərbaycanın tunc kəmərləri" adlı monoqrafiyanın müəllifidir.[1]
Tükəzban Göyüşova evlidir və 1 övladı var.[3]
Tükəzban Göyüşova həmçinin, Qarabağın tanınmış ziyalı nəsli Göyüşovlar soyundandır.[4]
Tükəzban Göyüşova 2008-ci ildən Gədəbəy arxeoloji ekspedisiyasına rəhbərlik edir və o, son 35 ildə Azərbaycanda yeganə qadın ekspedisiya rəhbəridir.[5][6] O, əsasən Gədəbəyin siklopik tikililərində-qalaçalarında (son tunc-ilk dəmir dövrü yaşayış yerlərində), eyni zamanda qədim nekropollarda arxeoloji tədqiqatlar aparmışdır.[7] Onun əsas tədqiqat sahəsi Azərbaycanın Tunc dövrü arxeologiyası, xüsusilə də bu dövrə aid tətbiqi sənətin qədim köklərini, onların ən bariz nümunəsi olan üzəri təsvirli tunc kəmərlərin öyrənilməsidir. O, Gədəbəyin "Leşkər" və "Govdu" qalaçalarında geniş miqyaslı arxeoloji tədqiqatlar aparmış, Gədəbəydə var olan 80-dək siklopik tikintilərdən[8]İshaq Cəfərzadə tərəfindən Dəlmə qalaçası kimi qeydə alınmış qalaça, Tükəzban Göyüşova tərəfindən Leşkər qalaçası adı ilə elmi dövriyyəyə salınmışdır.[9]
T.Göyüşova Xocalı-Gədəbəy arxeoloji mədəniyyətinin ən yaxşı tədqiqatçılarındandır. O Xocalı-Gədəbəy arxeoloji mədəniyyətinin öyrənilməsində yeri olan Gədəbəyin Daryurd daş qutu qəbirlərinin, Leşkər, Govdu qalaçalarının, eyni zamanda Koroğlu, Qız qalası adlı orta əsr qalaları arxeoloji abidələrinin ilk tədqiqatçısıdır.[10] O, 2022-ci ildə Azərbaycan tarixində ilk dəfə olaraq Gədəbəyin orta əsr qalaları – Qalakənd kəndindəki Koroğlu qalası və Söyüdlü kəndindən 7-8 km aralıda yerləşən Qız qalasında arxeoloji qazıntı işləri aparmışdır. Gədəbəyin Ermənistanla həmsərhəd Şınıx və Göyəlli kəndlərində eramızdan əvvəl XIV-VIII əsrlərə aid qədim abidələrin aşkar edilməsində Tükəzban Göyüşovanın rolu böyükdür. Hörükdaş və Axçaçıxan adlanan abidələr son tunc dövrünə aid siklonik abidələrdir.[11] Qazıntılardan əldə edilmiş minlərlə artefakt elmi tədqiqatdan sonra Gədəbəy Tarix-Diyarşünaslıq Muzeyinə təhvil verilmiş, bununla da muzeyin elmi fondu xeyli zənginləşmişdir.[3]
T.Göyüşova 1997-1998-ci illərdə Bakı-Supsa neft kəməri çəklişləri zamanı kəmərlərin əhatə etdiyi ərazilərdə aparılan arxeoloji tədqiqat işlərində fəal iştirak etmişdir. 2000-ci ildən etibarən Naxçıvan, Şəmkir, Tovuz, Gədəbəy, Ağstafa, Goranboy və digər yerlərdə fəaliyyət göstərən arxeoloji ekspedisiyaların tərkibində çalışmışdır.
2001-ci ildə Tükəzban Göyüşova, İlyas Babayevin rəhbərliyi altına Azərbaycan-Amerika beynəlxalq ekspedisiyanın tərkibində, 2007 və 2014-cü illərdə Fransa Milli Elmi Araşdırmalar Mərkəzinin mütəxəsislərini birləşdirən beynəlxalq tərkibli (Gədəbəy və Ağstafada) beynəlxalq ekspedisiyaların tərkibində fəaliyyət göstərmişdir.
T.Göyuşova hazırda professor H.Cəfərovun rəhbərliyi ilə "Kiçik Qafqazın maldar əhalisinin maddi-mənəvi mədəniyyəti" mövzusunda doktorluq dissertasiyası üzərində işləyir.
Tükəzban Göyüşova fəaliyyətə başladığı ildən etibarən dünyanın bir çox ölkəsində keçirilmiş beynəlxalq konfranslarda məruzləri ilə çıxış edərək, Azərbaycanı layiqincə təmsil etmişdir. O, konfranslardan bir çoxu aşağıda sadalanmışdır:
O, 2002-ci ildə Tiflis şəhərində keçirilən "Qafqazın arxeologiyası və etnologiyası" adlı beynəlxalq elmi konfransda "Cənubi Qafqazın tunc kəmərlərinin tədqiqi tarixi"; 2005-ci il dekabrın 15-də Azərbaycan Milli Elmlər Akademiyasında keçirilən və Rusiya, Gürcüstan alim və mütəxəssisləri ilə yanaşı, Bakı-Tbilisi–Ceyhan əsas ixrac neft kəməri boyunca aparılan arxeoloji qazıntılarda iştirak edən ABŞ arxeoloqlarınında iştirak etdiyi "Qafqazın arxeologiyası, etnologiyası, folkloru" mövzusunda beynəlxalq konfransda "Mingəçevirdən tapılmış tunc ornamentli kəmər"[12]; 2011-ci ildə Qazaxıstanın Almatı şəhərində təşkil edilmiş "Müstəqillik dövründə Qazaxıstan arxeologiyası: nəticələr, perspektivlər: Qazaxıstan Respublikasının müstəqilliyinin 20 illiyinə və A.X.Marqulan adına Arxeologiya İnstitutunun 20 illiyinə həsr olunmuş beynəlxalq elmi konfransda "Gədəbəy rayonunun arxeoloji abidələri (2008-2010-cu illərdə aparılan qazıntılar əsasında)" mövzusunda;[13] 2012-ci ildə Qəbələdə keçirilən "Azərbaycanın Qədim Şəhər Mədəniyyəti Dünya Urbanizasiya Kontekstində" mövzusunda beynəlxalq elmi konfransında "Gədəbəy rayonunda siklopik tikililərdə aparılmış son tədqiqatlar"; 2013-cü ilin 10-14 noyabr tarixlərində "Azərbaycan arxeologiya və etnoqrafiya elmləri müstəqillik illərində" mövzusunda təşkil edilmiş beynəlxalq konfransda[14] "Gədəbəy rayonunun arxeoloji abidələrinin tədqiqi tarixi və rayonda aparılan son tədqiqatlar haqqında"; 2015-ci il sentyabrın 22-də Qazaxda "Azərbaycan multikulturalizmi və Qafqaz Albaniyası (udilər)" mövzusunda keçirilən beynəlxalq konfransda "Qafqaz Albaniyası və arxeoloji qazıntılar" barədə çıxış etmiş[15]; 2016-cı ilin 25-27 aprel tarixlərində Moskvada keçirilmiş, Mariya Nikolayevna Poqrebovanın 90 illik xatirəsinə həsr olunmuş "Son tunc-ilk dəmir dövründə Cənubi Qafqaz və çölü" beynəlxalq elmi konfransında "Gədəbəydən tapılmış bir tunc kəmər haqqında";[16] 2016-cı il noyabrın 28-də AMEA-nın əsas binasında Arxeologiya və Etnoqrafiya İnstitutunun təşkilatçılığı ilə keçirilən "Qarabağın arxeoloji irsi" mövzusunda beynəlxalq elmi konfransda;[17] 2022-ci il 17-19 may tarixlərində Ağdam rayonunun Quzanlı qəsəbəsində təşkil edilmiş V beynəlxalq "Həmzə Nigari" simpoziumunda "Gədəbəyin orta əsr arxeoloji abidələri"[18] məruzələri ilə çıxış etmişdir.[19]
Tükəzban Göyüşova 16-18 may 2025-ci il tarixlərində Qarabağ Universiteti, Ankara Hacı Bayram Veli Universiteti, Azərbaycan Mədəniyyət və İncəsənət Universiteti, Azərbaycan Turizm və Menecment Universitetinin müvafiq fakültələrinin birgə təşkilatçılığı ilə "Mədəni irs və Türk mirası" mövzusunda keçirilən VI Beynəlxalq Səyahət və Turizm Dinamikası Konfransında iştirak etmişdir.[20]
- Mingəçevirin tunc kəmərləri. Elmi axtarışlar ВЫЫ топлу. Бакы, 2002, s. 185-188
- К истории изучения бронзовых поясов Южного Кавказа. Международная Научная Конференция. Археология, Этнология и фольклористика Кавказа. Тбилиси, 2002. s. 67-69
- 2002-ci ildə Culfa rayonu ərazisində aparılmış arxeoloji tədqiqatlar haqqında. Arxeologiya və Etnoqrafiya institutunun 10 illiyinə həsr olunmuş elmi konfransın materialları. Bakı, 2003. s. 39-41
- Бронзовые пояса в музейных коллекцияхАзербайджана. Международная Научная Конференция. Археология, Этнология и фольклористика Кавказа. Tбилиси, 2004. s. 54-55
- Бронзовый орнаментированный пояс из Мингечаура. Международная научная конференция. Археология, Этнология и фольклористика Кавказа. Баку, 2005
- Орнаменты и сюжеты на бронзовых поясах из Азербайджана и их параллели на изделиях кобанской культуры. 2003-2004-ъц иллярдя апарылмыш археоложи вя етнографик тядгигатларын йекунларына щяср олунмуш елми сессийанын материаллары. Бакы, 2005. с. 111-113
- Gədəbəy-Daryurd nekropolu. Azərbaycan Arxeologiya və Etnoqrafiyası 2005 №2. AMEA Arxeologiya və Etnoqrafiya İnstitutu. Бakı, 2006s. 13-18
- 2006-cı ildə Gədəbəy rayonunda aparılmış arxeoloji tədqiqatlar. 2006-2007-ci illərdə Azərbaycanda aparılmış arxeoloji və etnoqrafik tədqiqatların yekunları. A.A Abbasovun anadan olmasının 70 illiyinə həsr olunmuş elmi sessiyanın materialları. Bakı, 2007. s. 66-68
- Azərbaycanın tunc kəmərlərinin oöyrənilmə tarixinə dair. Azərbaycan Arxeologiya və Etnoqrafiyası 2007 № 1. AMEA Arxeologiya və Etnoqrafiya İnstitutu. Bakı, 2008, s. 68-75
- О бронзовом поясе из Апшерона. Международная Научная Конференция. Археология, Этнология и фольклористика Кавказа. Шамкир, 2008. s.167-172
- XIX əsrin sonlarında və XX əsrin əvvələrində Şəmkir rayonu ərazisində aparılan arxeoloji qazıntılar. Şəmkir arxeoloji irsi tarixi və memarlığı. Birinci Respublika elmi praktiki konfransının materialları. Şəmkir 2007, Bakı, 2008, s. 221-225.
- Gədəbəy rayonunun Daryurd nekropolunda arxeoloji tədqiqatlar. AMEA Arxeologiya və Etnoqrafiya İnstitutu. Azərbaycanda arxeoloji qazıntılar 2008. Bakı, 2008, s. 49-52
- Xocalının tunc kəmərləri. Qarabağın tarixi, arxeologiyası, etnoqrafiyası və Bərdə şəhərinin 3000 illiyi. Elmi Praktik Konfransının materialları. Bakı, 2009. s.55
- Астральные изображения на бронзовых поясах, выявленных в Азербайджане. «Научное Обозрение» Ежеквартальный сборник статей выпуск № 46. Махачкала, 2009. s.3-8
- Образ рыбы в изобразительном искусстве Азербайджана. Международная Научная Конференция. Археология, Этнология и фольклористика Кавказа. Тбилиси, 2009. s. 120-123
- Azərbaycanda maral kultu (son tunc – ilk dəmir dövrü materialları əsasında) AMEA-nın Xəbərləri, Tarix, fəlsəfə və hüquq seriyası 2010, s. 82-97
- Daryurd nekropolları, AMEA Arxeologiya və Etnoqrafiya İnstitutu. Azərbaycanda arxeoloji qazıntılar 2009. Bakı, 2010, s. 113-119
- Технология изготовления бронзовых поясов в эпоху поздней бронзы Азербайджана. Кавказ и мир Международный научный журнал № 7. Тибилиси 2010, c..149-159
- Govurqala alban şəhərinin xarabalığıdır Antik və orta əsr Azərbaycan şəhərləri: arxeoloji irsi, tarixi və memarlığı. 27-28 oktyabr 2010. Azərbaycan-Şəmkir-Gədəbəy. Beynəlxalq elmi konfransın materialları, s. 205-213
- Gədəbəydə arxeoloji tədqiqatlar. AMEA Arxeologiya və Etnoqrafiya İnstitutu. Azərbaycanda Arxeoloji tədqiqatlar 2010. Bakı 2011, s. 112-118
- Azərbaycanın tunc kəmərləri. Gənc Alimlərin I respublika İnnovativ İdeya yarmarkası. 18-23 noyabr. Bakı 2010. s. 95-96
- Археологические памятники Кедабекского района(по материалам раскопок 2008-2010гг.). Комитет науки Министерства образования и науки Республики Казахстан. Институт Археологии им. А.Х.Маргулана. Материалы международной научной конференции: «Археология Казахстана в эпоху независимости: итоги, перспективы», посвященной 20 –летию Института Археологии им.А.Х.Маргулана. 12-15 декабря 2011 г., Алматы Том I. Алматы-2011 Стр.380-388
- Геометрические фигуры на бронзовых поясах из Азербайджана. AMEA Arxeologiya və Etnoqrafiya İnstitutu. Azərbaycan Arxeologiyası və Etnoqrafiyası 2011. № I. s.71-75
- Gədəbəydə arxeoloji tədqiqatlar. AMEA Arxeologiya və Etnoqrafiya İnstitutu. AZərbaycanda Arxeoloji tədqiqatlar 2011. Bakı 2012. s. 346-351
- Gədəbəy rayonunda aparılmış arxeoloji tədqiqatlar. Azərbaycan Milli Elmlər Akademiyası Arxeologiya və Etnoqrafiya İnstitutu. Azərbaycanda arxeoloji Tədqiqatlar 2012. Bakı-2013. s.145-149
- К истории изучения Археологических памятников Гядабейского района и последние исследования в регионе. Azərbaycan Milli Elmlər Akademiyası, Arxeologiya və etnoqrafiya İnstitutu.İnstitutun yaradılmasının 20 illiyinə həsr olunmuş “Azərbaycan Arxeologiya və Etnoqrafiya Elmləri müstəqillik illərində” Beynəlxalq Elmi Konfrans materialları. Bakı,10-14 Noyabr 2013, s.109-110
- Gədəbəy rayonunda Siklopik tikililərdə aparılmış son tədqiqatlar. Qədim şəhər mədəniyyəti dünya urbanizasiya konteksində adlı Beynəlxalq elmi konfransın Tezisleri 06-10 noyabr 2012-ci il.Qəbələ şəhəri, s.118-119
- Xocalı-Gədəbəy mədəniyyəti abidələrinin öyrənilməsində yeni mərhələ: Gədəbəydə son araşdırmaların nəticələri. Tarix, İnsan və Cəmiyyət 2021, 2 (32), s.120-128[21]
- "Azərbaycanın şima-şərq bölgəsinin arxeoloji abidələrinin tədqiqində arxeoloq alim Qəhrəman Ağayevin rolu", 4-5 iyun 2025-ci il. Quba şəhəri, Gənc Etnoqrafların I Respublika Forumu.[22]
- ↑ 1 2 3 4 "Alıyeva Tükəzban Nizami qızı" (az.). https://science.gov.az/. 20 Nov 2024. 4 Jul 2025 tarixində arxivləşdirilib. İstifadə tarixi: 4 Jul 2025.
- ↑ "О технологии изготовления бронзовых поясов в древнем Азербайджане" (az.). https://azerhistory.com. 11 Jul 2025 tarixində arxivləşdirilib. İstifadə tarixi: 11 iyl 2025.
- ↑ 1 2 "Gədəbəyin uca dağlarındakı sirli qalaları və qədim yaşayış yerlərini dirçəldən,gizli sirlərinin kaşifi Tükəzban Alıyeva -(Göyüşova )" (az.). https://amidtv.az. 27 İyun 2025. 28 iyn 2025 tarixində arxivləşdirilib. İstifadə tarixi: 28 iyn 2025.
- ↑ "Əvəzsiz alim Ziyəddin Göyüşov fəlsəfəsinin işığı ilə" (az.). https://science.gov.az. 04.06.2020. 15 Jul 2025 tarixində arxivləşdirilib. İstifadə tarixi: 15 iyl 2025.
- ↑ "NEKROPOL AŞKAR EDİLMİŞDİR" (az.). https://azertag.az. 29.09.2008. 11 Jul 2025 tarixində arxivləşdirilib. İstifadə tarixi: 11 iyl 2025.
- ↑ "Arxeoloyi qazıntılar - 2009" (az.). https://hafta.az/. 16.10.2009. İstifadə tarixi: 17 iyl 2025.
- ↑ İradə SARIYEVA. "Dünyanın ünlü muzeylərində saxlanan Azərbaycanın əntiq əşyaları" (az.). http://anl.az. 2011. 17 Jul 2025 tarixində arxivləşdirilib. İstifadə tarixi: 17 iyl 2025.
- ↑ "Leşkər qalaçasında arxeoloji qazıntılar öz nəticəsini verib" (az.). https://news.milli.az/. 20 iyn 2025 tarixində arxivləşdirilib. İstifadə tarixi: 20 iyn 2025.
- ↑ "Gədəbəydə aparılan qazıntı zamanı qədim maddi-mədəniyyət abidələri aşkar edilmişdir" (az.). https://azertag.az. 12.09.2012. 11 Jul 2025 tarixində arxivləşdirilib. İstifadə tarixi: 11 iyl 2025.
- ↑ "Professor Abbas Seyidov Gədəbəydə aparılan arxeoloji qazıntılarla tanış olub" (az.). https://azertag.az. 18.07.2022. 14 Jul 2025 tarixində arxivləşdirilib. İstifadə tarixi: 14 iyl 2025.
- ↑ "Gədəbəyin Şınıx və Göyəli kəndlərində e. ə. XIV-VIII əsrlərə aid qədim abidələr aşkar olunub" (az.). http://old.xalqqazeti.com/. 11 Jul 2025 tarixində arxivləşdirilib. İstifadə tarixi: 11 iyl 2025.
- ↑ "BAKIDA QAFQAZIN ARXEOLOGİYASI, ETNOLOGİYASI, FOLKLORU" MÖVZUSUNDA BEYNƏLXALQ KONFRANS İŞƏ BAŞLAMIŞDIR" (az.). https://azertag.az. 15.12.2005. 14 Jul 2025 tarixində arxivləşdirilib. İstifadə tarixi: 14 iyl 2025.
- ↑ "Археология Казахстана в эпоху независимости: итоги, перспективы.Материалы международной научной конференции,посвящённой 20-летию независимости Республики Казахстан и 20-летию Института археологии им. А.Х. Маргулана КН МОН РК" (rus). http://kronk.spb.ru. Archived from the original on 22 April 2025. İstifadə tarixi: 15 iyl 2025.
- ↑ "Azərbaycan arxeologiya və etnoqrafiya elmləri müstəqillik illərində mövzusunda beynəlxalq konfrans işə başlamışdır" (az.). http://www.azhistorymuseum.gov.az. 12.11.2013. 14 Jul 2025 tarixində arxivləşdirilib. İstifadə tarixi: 14 iyl 2025.
- ↑ X.Hüseynova. "Qafqaz Albaniyasına səyahət – öyrənilməmiş səhifələrin izi ilə" (az.). https://www.yeniazerbaycan.com. 12.11.2015. 11 Jul 2025 tarixində arxivləşdirilib. İstifadə tarixi: 11 iyl 2025.
- ↑ "КАВКАЗ И СТЕПЬ НА РУБЕЖЕ ЭПОХИ ПОЗДНЕЙ БРОНЗЫ И РАННЕГО ЖЕЛЕЗ" (PDF) (rus). https://book.ivran.ru. 25-27.04.2016. 15 Jul 2025 tarixində arxivləşdirilib (PDF). İstifadə tarixi: 15 iyl 2025.
- ↑ Müşfiq BORÇALI. "Bakıda "Qarabağın arxeoloji irsi" mövzusunda beynəlxalq elmi konfrans təşkil edilib" (az.). https://zim.az. 1 декабря 2016. 9 iyl 2025 tarixində arxivləşdirilib. İstifadə tarixi: 9 iyl 2025.
- ↑ Göyüşova-Alıyeva, Tükəzban; Babayeva, Təranə. "GƏDƏBƏYİN ORTA ƏSR ARXEOLOJİ ABİDƏLƏRİ" (PDF). V BEYNƏLXALQ HƏMZƏ NİGARİ SİMPOZİUMU MATERİALLARI. 5. 17–19 may 2022: 439–445.
- ↑ "Şuşa ilinə həsr edilən V beynəlxalq "Həmzə Nigari" simpoziumu keçirilib" (az.). https://science.gov.az. 20.05.2022. 9 Jul 2025 tarixində arxivləşdirilib. İstifadə tarixi: 9 iyl 2025.
- ↑ "6. Uluslararası Seyahat ve Turizm Dinamikleri Kongresi Başladı" (türk). https://hacibayram.edu.tr. 16.05.2025. 14 Jul 2025 tarixində arxivləşdirilib. İstifadə tarixi: 14 iyl 2025.
- ↑ Göyüşova, Tükəzban; Seyidov, Abbas. "Xocalı-Gədəbəy mədəniyyəti abidələrinin öyrənilməsində yeni mərhələ: Gədəbəydə son araşdırmaların nəticələri" (PDF). Tarix, İnsan və Cəmiyyət. 2021: 120–128. 11 Jul 2025 tarixində arxivləşdirilib (PDF). İstifadə tarixi: 11 Jul 2025.
- ↑ "Gənc Etnoqrafların I Respublika Forumu keçirilib" (az.). https://science.gov.az. 06.06.2025. Archived from the original on 20 June 2025. İstifadə tarixi: 15 iyl 2025.
- “Qaladan Qala” - Gədəbəy–Tarixi Abidələr Diyarı | Sənədli Film
- Кавказская Албания: Опаздавшие истины - документальный фильм
- Sevda Əskər. "3 min ildən sonra skeletin ürəyindəki oxu çıxardım – TÜKƏZBAN GÖYÜŞOVA" (az.). https://www.bayraqdar.info. 11 YANVAR 2022. 21 iyn 2025 tarixində arxivləşdirilib. İstifadə tarixi: 21 iyn 2025.
- Günel Mövlud. "TÖVLƏYƏ ÇEVRİLMİŞ MƏBƏDLƏR... – REPORTAJ - FOTOSESSİYA" (az.). https://simsar.az. 02 okt 2012. 24 iyn 2025 tarixində arxivləşdirilib. İstifadə tarixi: 24 iyn 2025.
- "Dünyadan 3 km yuxarıda: meyitsiz qəbirlər, gizlənmiş dəfinə, Həzrəti Əlinin atı..." (az.). https://www.lent.az. 29.10.2010. 16 Jul 2025 tarixində arxivləşdirilib. İstifadə tarixi: 16 iyl 2025.