Suuryarv (Suryarv; est. Suurjärv[2] — « Böyük göl»[3], Rõuge Suurjärv, Nõiajärv) — Estoniyanın cənub-şərqində yerləşən şirin sulu göl. Buzlaq mənşəli olan bu göl Rıuqe çayı üzərində yerləşir. Suuryarv gölü Rıuqe inzibati ərazisində, Vırumaa uezdinin mərkəzindədir. Göl Haanya yüksəkliyinin qərbində yerləşib bu bölgənin yeddi ən dərin göllərindən biridir. Suuryarv sonuncu buzlaşma epoxası zamanı, buzlağın geri çəkilməsi zamanı ərimiş buzlaqların suyu ilə formalaşmışdır.[4][3]
| Suuryarv gölü | |
|---|---|
| est. Suurjärv | |
 | |
| Ümumi məlumatlar | |
| Mütləq hündürlüyü | 115 m |
| Eni | 300 m[1] |
| Uzunluğu |
|
| Sahəsi |
|
| Yerləşməsi | |
| 57°43′40″ şm. e. 26°55′20″ ş. u.HGYO | |
| Ölkə | |
  Suuryarv gölü |
|
 Vikianbarda əlaqəli mediafayllar | |
Estoniyanın ən dərin gölüdür. Dərinliyi 38 metrdir. Gölün dərinliyini ilk dəfə 1907-ci ildə müəyyənləşdirmişdir: 41 metr. 1962-ci ildə A. Mäemetsin ölçmələrinə əsasən dərinlik 38 metr olmuşdur.[5] Orta dərinlik — 11,9 metr (Estoniya gölləri içində ikinci yer).[6] Göl suyunun şəffaflıq göstəricisi 7,1 metrdir. Gölün sahəsi 14,6 hektardır. Gölün sutoplayıcı hövzəsinin sahəsi — 25,8 km²-dir.[7]
Göl Haanya landşaft qoruğunun ərazisinə daxildir. Suuryarv gölü kənd tipli Rıuqe qəsəbəsinin inzibat ərazisindədir (Rõuge alevik). Göl şimal-qərbdən - cənub-şərq istiqamətdədir və uzunluğu 858 metrə qədərdir. Maksimum eni 300 metr olub düzgün olmayan oval formasına malikdir.[7] Qonşu göllərlə çay vasitəsi ilə əlaqəlidir: cənub-şərqdən Liynyarv və Valqyarv, şimal-qərbdən Kausyarv və Ratasyarv.
Ölkənin populyar istirahət mərkəzlərindən biridir. Ümumi istifadəyə açıq çimərlik var. Hər yay göldə Su bayramı və Qayıq yarışması keçirilir. Göl sahilində Rıuqe qəsəbəsi, Müq.Mariya kilsəsi (XVIIIəsr) var. Yaxınlıqda VI-XI əsrlərə aid olunan Rıuqe yaşayış məntəqəsinin xarabalığı var.
Göl suyunda bir çox balıq növlərinə rast gəlinir. Ən geniş yayılmış balıq növləri: xanı və durna balığıdır.
- ↑ 1 2 Estonian Environmental Register.
- ↑ Suurjärv KNAB; Eesti Keele Instituudi kohanimeandmebaas Arxivləşdirilib 2021-04-25 at the Wayback Machine
- ↑ 1 2 "Озеро Сууръярв в Рыуге". 2019-05-05 tarixində arxivləşdirilib. İstifadə tarixi: 2020-04-27.
- ↑ Э. Ф Вареп, В. Ю Тармисто. Советский Союз. Эстония. — М.: Мысль, 1967. — С. 46, 186. — (Советский Союз. Географическое описание в 22 томах). — 80 000 экз.
- ↑ http://www.eestigiid.ee/index.php?SCat=38&CatID=0&ItemID=1008
- ↑ Наиболее глубокие озера / В Эстонии // Альфа и Омега : Краткий справочник : [пер. с эстонского] = A ja O. Taskuteatmik / Редакторы: Т. Бурилова, И. Коробов, А. Юрна. — Таллин : Издательство «Валгус», 1987. — С. 102. — 60 000 экз.
- ↑ 1 2 Suurjärv (Rõuge Suurjärv)