Sunami daşı – Yaponiyada güclü zəlzələdən sonra potensial sunami barədə insanları xəbərdar etmək üçün qoyulmuş daş abidələr.[2] Sunami daşları Yaponiyanın sahilyanı ərazilərində qoyulmuşdur. Bu daşların bəziləri sadəcə xəbərdarlıq funksiyası daşısa da, kütləvi məzarlıqların yanında qoyulmuş daşlar ölüm sayı haqqında məlumat verir. Bəzi daşlar isə evlərin harada tikilməli olduğu barədə məlumat verir.
.svg)
Sunami daşları düz daşlar olub 3 metr hündürlüyə malik ola bilir. Bəzi daşların 600-dən çox yaşı var və bəzi daşlar o qədər qədimdir ki, üzərində yazılan işarələr yox olmuşdur. Sunami daşlarının çoxu 1896-cı ildə baş vermiş zəlzələ və iki sunamidən sonra qoyulmuşdur.[3] Aneyoşi kəndində yerləşən bir sunami daşında bu sözlər qeyd olunmuşdur:
|
Hündürlükdə yerləşən yaşayış məskənləri nəslimizin davamı üçün harmoniya və sülh deməkdir. ... Böyük sunamilərin fəlakətini unutma. Bu nöqtədən daha alçaq yerdə ev tikmə.[2] | 
|
Sunami daşlarının əsas funksiyası insanlara sunaminin dağıdıcı təsirlərini unutdurmamaqdadır. Tohoku Universitetinin professoru Fumiko İmamuranın sözlərinə görə "üç nəsilin keçməsi insanların unutması üçün bəs edir. Fəlakət təcrübəsi uşaqlara, ordan da nəvələrə keçsə də, daha sonra unudulur".[2] Sahilyanı qəsəbələr müasirləşdikcə və bəndlər tikildikcə, insanlar bu daşları görməzdən gəlməyə başlamışdır.[4]
Bir çox yapon bu daşların köhnəldiyini düşünür. 2011-ci ildə baş verən Tohoku zəlzələsi və sunamisi fəlakətindən sonra sunami nəticəsində dağılmış bəzi tikililərin xəbərdarlıq kimi saxlanılması təklif olunmuşdur.[3]
- ↑ "13年ぶりに新しい地図記号 「自然災害伝承碑」掲載へ". 朝日新聞デジタル. 15 March 2019. 16 March 2019 tarixində orijinalından arxivləşdirilib. İstifadə tarixi: 4 February 2025.
- ↑ 1 2 3 "Ancient stone markers warned of tsunamis - CBS News". CBS News (ingilis). 2011-04-06. 5 February 2025 tarixində arxivləşdirilib. İstifadə tarixi: 4 February 2025.
- ↑ 1 2 "Tsunami Warnings, Written in Stone". The New York Times. 20 April 2011. 10 May 2018 tarixində arxivləşdirilib. İstifadə tarixi: 12 December 2024.
- ↑ "These Century-Old Stone "Tsunami Stones" Dot Japan's Coastline". Smithsonian Magazine. 31 August 2015. 30 January 2025 tarixində arxivləşdirilib. İstifadə tarixi: 4 February 2025.
Vikianbarda Sunami daşı ilə əlaqəli mediafayllar var.
