Sumire Uesaka (上坂すみれ, Uesaka Sumire?, 19 dekabr 1991[1], Kamakura, Kanaqava prefekturası) – Yaponiya seyyusu və müğənnisi. 2012-ci ilə seyyu kimi, 2013-cü ildə müğənni kimi debüt etmişdir. Ruspərəstliyinə və animelərdə səsləndirdiyi rus personajlarına görə tanınır.
| Sumire Uesaka | |
|---|---|
| yap. 上坂すみれ | |
 | |
| Doğum tarixi | 19 dekabr 1991[1] (33 yaş) |
| Doğum yeri | |
| Təhsili |
|
| Fəaliyyəti | seyyu, müğənni, tarento[d], radioaparıcı[d], televiziya prodüseri[d], boyakar[d] |
| Fəaliyyət illəri | 2009-cu ildən |
|
voicekit.jp/talent/uesak… king-cr.jp/artist/uesaka… |
|
 Vikianbarda əlaqəli mediafayllar | |
Sumire Uesaka 1991-ci ildə Kanaqava prefekturasından doğulmuşdur. 9 yaşında ingilis dili üzrə EIKEN imtahanından qayıdanda "Space Craft Junior Commercial Talent" agentliyi tərəfindən kəşf edilmişdir. Lisey illərində izlədiyi "Nurse Witch Komugi" animesində baş qəhrəmanı səsləndirən Haruko Momoidən təsirlənərək seyyuluqla maraqlanmağa başlamışdır. 2012-ci ildə seyyu kimi debüt etmişdir. 2013-cü ildə ilk sinqlı olan "Nanatsu no Umi yori Kimi no Umi" mahnısını buraxmışdır.[2] 2016-cı ildə "Ən yaxşı yeni qadın seyyu" kateqoriyası üzrə Seyyu Mükafatının qalibi olmuşdur.[3]
Uesaka rus dili təhsili aldığı üçün animelərdə bir sıra rus personajları səsləndirmişdir. 2012-ci ildə "Girls und Panzer" animesinin rus personajı Nonnanı səsləndirmiş, anime üçün "Katyuşa" mahnısının bir versiyasını ifa etmişdir.[4] 2013-cü ildə Moskvada keçirilən "J-Fest" tədbirinin qonağı olmuşdur.[5] O, 2024-cü ildə yayımlanmağa başlayan "Alya Sometimes Hides Her Feelings in Russian" anime serialının baş qəhrəmanı Alyanı səsləndirir. Uesaka personajın rus dilindəki dialoqlarını daha şirin səsləndirmək üçün rus dili üzrə supervayzerlə məsləhətləşmişdir.[6]
Uesaka Rusiya mədəniyyətinə və dilinə böyük marağı var. Liseyin birinci sinfində oxuyarkən internetdən dinlədiyi SSRİ himnindən təsirlənmiş və Rusiya ilə maraqlanmağa başlamışdır. O, Sofiya Universitetinin rusşünaslıq kafedrasına daxil olmuş, rus dilində teatr sənətini öyrənmək üçün Moskvaya getmişdir. Uesaka müsahibələrinin birində fəaliyyəti ilə Rusiya və Yaponiya xalqlarını yaxınlaşdırmaq istədiyini bildirmişdir. Əsas arzularından birinin Rusiya cizgi filmində çıxış etmək olduğunu açıqlamışdır.[5] 2014-cü ilin martında universitetdən məzun olmuşdur.[7] O, öz fanatlarını "yoldaşları" adlandırır. Onun rəsmi fanat klubu "Kolxoz soğan tarlası" (コルホーズの玉ねぎ畑?) adlanır.[8]
Uesakanın CD kolleksiyası var, 1980-ci illərin texno-pop və metal-rok musiqisinə qulaq asmağı sevir. Müsahibələrin birində Akina Nakamorinin fanatı olduğunu bildirmişdir.[2]
- ↑ 1 2 Sumire Uesaka // Česko-Slovenská filmová databáze (çeş.). 2001.
- ↑ 1 2 "上坂すみれワールドへようこそ♥ 生粋のサブカル女子にノックアウトされちゃえ♥". Livedoor News (yaponca). 28 dekabr 2015. 3 yanvar 2016 tarixində arxivləşdirilib. İstifadə tarixi: 5 fevral 2025.
- ↑ "10th Seiyu Award Main Prize Winners Announced". Crunchyroll (ingiliscə). 12 mart 2016. İstifadə tarixi: 5 fevral 2025.
- ↑ "Girls und Panzer episode 8 censored?". Japanator (ingiliscə). 12 iyun 2012. 9 dekabr 2012 tarixində arxivləşdirilib. İstifadə tarixi: 5 fevral 2025.
- ↑ 1 2 "Студентка и актриса Сумирэ Уэсака стремится наладить российско-японские отношения". Inosmi (rusca). 2 yanvar 2014. 2025-02-05 tarixində arxivləşdirilib. İstifadə tarixi: 5 fevral 2025.
- ↑ "Alya Sometimes Hides Her Feelings in Russian: Interview with Sumire Uesaka as Alya". Anime News Network (ingiliscə). 1 oktyabr 2024. 2025-01-14 tarixində arxivləşdirilib. İstifadə tarixi: 5 fevral 2025.
- ↑ "学部学位授与式に出席してきました！大学の100周年の年に卒業を迎えたのも何かのご縁だと感じております。今後とも邁進し立派な人生にしたいです！あとすごい袴の人の数！". Twitter (yaponca). 26 mart 2014. 8 aprel 2014 tarixində arxivləşdirilib. İstifadə tarixi: 5 fevral 2025.
- ↑ "上坂すみれ「コル玉開墾式典」で屯田兵（仮）に新玉ねぎを配給す". Music Natalie (yaponca). 30 may 2015. İstifadə tarixi: 5 fevral 2025.
- voicekit.jp/talent/uesak…
king-cr.jp/artist/uesaka… — rəsmi saytı