Spoyler (ing. spoiler) — film, televiziya serialı, kitab, oyun və digər yaradıcı əsərlərin süjetindəki əsas hadisələrin, gərgin məqamların və ya sonluğun öncədən açıqlanması.[1] Bu məlumatlar əsərin tamaşaçı və ya oxucusu üçün sürpriz olan hissələri qabaqcadan bildirdiyi üçün əsərin marağını və zövqünü azalda bilər.[2] Spoylerlər xüsusilə süjetin gərginliyini və marağını qorumaq məqsədilə geniş yayılan media məhsullarında qeyd olunur və onlardan istifadə edərkən xəbərdarlıq edilməsinə üstünlük verilir.
İnternetdə spoyler xəbərdarlığı sistemləri, gizli mətnlər və ya xüsusi işarələr vasitəsilə istifadəçilərin istəmədikləri halda spoyler məlumatı ilə qarşılaşmasının qarşısı alınmağa çalışılır. Spoylerlərdən yaranan təsirlərin qarşısını almaq məqsədilə izləyicilər və oxucular müzakirə və rəy bölmələrində spoyler ehtiva edən məzmundan yayına bilərlər.
- ↑ SPOILER Definition & Meaning - Merriam-Webster
- ↑ Levine, William H.; Betzner, Michelle; Autry, Kevin S. "The Effect of Spoilers on the Enjoyment of Short Stories". Discourse Processes (ingilis). 53 (7). 2016-10-02: 513–531. doi:10.1080/0163853X.2016.1141350. ISSN 0163-853X.
- Spoiler.io — təsadüfi spoilərlər təqdim edən sayt.
- The Movie Spoiler — filmlərin təsvirlərini verən sayt.