Xetaq Qazyumov (d. 24 aprel 1981) — 2003–2007-ci illərdə Rusiyanı, 2007–2016-cı illərdə isə Azərbaycanı təmsil edən sərbəst güləşçi, güləş mütəxəssisi. Xetaq Qazyumov 2008-ci ildə Çində baş tutan XXIX Yay Olimpiya Oyunlarında və 2012-ci ildə Birləşmiş Krallıqda baş tutan XXX Yay Olimpiya Oyunlarında bürünc medallara, 2016-cı ildə Braziliyada baş tutan XXXI Yay Olimpiya Oyunlarında isə gümüş medala sahib olub. 2010-cu ildə Rusiyada Dünya Çempionatının qalibi olan Xetaq Qazyumov, üç dəfə (2009, 2013 və 2014) Dünya Çempionatlarının final görüşlərində məğlub olaraq gümüş medallara sahib olub. 2015-ci ildə I Avropa Oyunlarının da qalibi olan Xetaq Qazyumov, 2009, 2010 və 2011-ci illərdə ardıcıl üç dəfə Avropa Çempionatının qızıl medalını qazanıb. Karyerası ərzində 34 beynəlxalq turnirdə mübarizə aparan Xetaq Qazyumov, onların 21-də qızıl, 7-də gümüş, 6-da isə bürünc medala sahib olub. (Davamı...)

Neyera (e. ə. IV əsr – e. ə. IV əsr) — qədim Yunanıstan heterası. O, e.ə. 343–340-cı illər arasında Afina vətəndaşı ilə qeyri-qanuni evlənməkdə və öz qızını yalandan Afina vətəndaşı kimi təqdim etməkdə günahlandırılaraq məhkəmə qarşısına çıxarılmışdır. Apollodorun bu məhkəmədə Neyeraya qarşı çıxış etdiyi nitq Demosfenin əlli doqquzuncu nitqi olaraq qorunub saxlanılır. Buna baxmayaraq, sözügedən çıxış çox vaxt Apollodorun verdiyi bir çox nitq üzərində işləmiş Psevdo-Demosfenə aid edilir. Çıxış antik dövrün fahişələri haqqında digər mənbələrdən daha çox təfərrüat verir və nəticədə qədim yunan şəhər dövlətlərində (polis) seks ticarəti haqqında çoxlu məlumat təmin edir.

(Davamı...)

On iki imam — İslamın On iki imamçı şiə və ələvi qollarında Məhəmməd peyğəmbərin dini və siyasi xəlifələridirlər. On iki imamçıların dini nəzəriyyələrinə görə, on iki imam təkcə cəmiyyəti ədalətlə idarə edən şəxslər yox, həmçinin şəriəti (İslam hüquq sisteminin) və Quranın ezoterik (sirli, yalnız seçilmiş şəxslərə məxsus) mənalarını qoruyan və təfsir (izah) edən nümunəvi insan fərdləridir. Məhəmmədin və imamların sözləri və əməlləri cəmiyyət üçün bələdçi və nümunə rolunu oynayır. Bu səbəbdən də onlar səhv və günahlardan uzaq olmalıdırlar (dini terminologiyada "ismət" və ya "məsumluq" adlanır) və Məhəmmədin əli ilə ilahi hökmlə, və ya nəsslə təyin edilməlidirlər.

(Davamı...)

• Arxiv

• Türkiyənin Balıkəsir ilində 6.1 maqnitudalı zəlzələ baş verib.
• ABŞ-nin vasitəçiliyi ilə Vaşinqtonda (şəkildə) Azərbaycan və Ermənistan arasında sülh bəyannaməsi imzalanıb.
• Rusiyanın Amur vilayətində içərisində 49 nəfərin olduğu An-2 təyyarəsi qəzaya uğrayıb.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

(bax •  • tarixçə)

• Arxiv
• Məqalə təklif et

• Quran ilk dəfə Azərbaycan dilinə tərcümə olunduqdan sonra onun bir nüsxəsi Yusif Ziya Talıbzadə (şəkildə) vasitəsilə Osmanlı sultanı və xəlifə II Əbdülhəmidə hədiyyə kimi göndərilmişdir.
• Azərbaycan–Ermənistan dostluq münasibətlərindən bəhs edən "Dostluq" mahnısının sözləri Zeynal Cabbarzadə, musiqisi Andrey Babayevə məxsusdur.
• Birinci rus inqilabı zamanı Perm işçilərini qoruyan Sigizmund Kosetskinin ləqəbi "İblis" idi.
• İnsan həyatı və ölümü üzərində sosial-siyasi gücün tətbiq olunması nekrosiyasət adlanır.
• Vikipediya yeni yarandığı vaxtlarda ilk inzibatçılar Cimmi Vels tərəfindən müəyyən olunmuşdur.

17 avqust:

1502 — Xristofor Kolumb Hondurası İspaniya ərazisi elan etdi.

1892 — Fransa və Rusiya arasında gizli hərbi konvensiya imzalandı.

1945 — Sukarno və Məhəmməd Hatta İndoneziyanın Niderlanddan müstəqilliyini elan etdilər.

1960 — Qabon Fransadan müstəqillik qazandı.

1988 — Pakistan prezidenti Məhəmməd Ziyaülhaqq təyyarə qəzasında həlak oldu.

1999 — Türkiyədə 7,2 ballıq zəlzələ 17 min insanın ölümünə, 44 min insanın yaralanmasına səbəb oldu.

2008 — Maykl Felps (şəkildə) bir Olimpiya oyunlarında 8 qızıl medal qazanan ilk idmançı oldu.

Digər günlər: 16 avqust – 17 avqust – 18 avqust