Spaldinq Müharibə Memorialı — İngiltərənin şərqində yerləşən Linkolnşir, Spaldinqdəki Ayskofi Zalında Birinci Dünya müharibəsi memorialıdır. Memar Ser Edvin Lütyens tərəfindən dizayn edilmişdir. Spaldinqdən müharibədə ölənlərin xatirəsinə memorial ucaldılması təklifini 1918-ci ilin yanvarında Barbara Maklaren etmişdir. Onun bölgə parlamentinin üzvü olan həyat yoldaşı da müharibə zamanı hava qəzasında öldürülmüşdü. Barbara mövcud ailə əlaqələri vasitəsiylə Lütyenslə təmas qurdu və memar ortasında xaç olacaq, dairəvi hovuzla əhatələnən memorial monastır üçün layihə hazırladı.
Memorial yerli bölgə şurasının sahib olduğu rəsmi Akskofi bağçalarında inşa edilməli idi. Barbara bu təklifi şuraya bildirdiyi zaman icma daxilində ciddi müzakirələrə səbəb oldu və çoxlu sayda müxtəlif planlar təklid edildi. 1919-cu ildə reallaşan ictimai yığıncaqdan sonra Barbaranın təklifinin kiçildilmiş versiyası qəsəbənin taxıl mübadilə binasında bir saatla birlikdə üstün tutulan seçim kimi formalaşdı.
Memorialın hazırlanmasına ümumi 3.500£ lazım idi. Barbara və qayınatası bu məbləğın 1.000£-u qarşıladı, onun qayını isə bir cüt rənglənmiş daş bayraqlar bağışladı. Məbləğın yerdə qalanı isə könüllü iştirak ilə 1922-ci ilə qədər toplandı. Memorial bağçanın cənub qurtaracağında yerləşən kərpic pavilyondan və Xatirlama Daşından ibarətdir. Bunların hər ikisi də XVIII əsrdən kanalının qalıqlarını özündə cəmləşdirən uzun əks etdirici hovuzun başında yerləşir. Memorial 1922-ci ilin 9 iyununda mərasimlə istifadəyə verildi. Lütyens bir çox Qərb Cəbhəsi qəbiristanlığında sığınacaq binaları üçün olan pavilyon üslübundan istifadə etməyə davam etdi, lakin o digər işlərinin heç birində bu dizaynı izləmədi və memorial bir qədər qeyri-müəyyənləşdi. Lütyensin müharibə memoriallarının "milli kolleksiya" elan edilməsi və onun bütün işlərinin siyahılanmış bina statusu aldıqdan və ya statusları bərpa edildikdən sonra Spaldinq Müharibə Memorialı da I dərəcəli siyahılanmış bina olmuşdur.