Sona xanım İsgəndər bəy qızı Axundov (16 oktyabr 1898, Bakı – 19 oktyabr 1971) — İsgəndər bəy Axundovın qızı, Qara Qarayevin anası.
| Sona xanım Axundov | |
|---|---|
| Sona xanım İsgəndər bəy qızı Axundov | |
 | |
| Doğum tarixi | 16 oktyabr 1898 |
| Doğum yeri | |
| Vəfat tarixi | 19 oktyabr 1971 (73 yaşında) |
| Vətəndaşlığı |
 Rusiya imperiyası→ AXC→ SSRİ |
| Həyat yoldaşı | Əbülfəz Qarayev |
| Uşaqları |
Qara Qarayev, Mürsəl Qarayev |
| Atası | İsgəndər bəy Axundov |
| Anası | Züleyxa xanım Bayraməlibəyova |
| Milliyyəti | azərbaycanlı |
| Fəaliyyəti | şair |
Sona xanım 1898-ci ildə Bakı şəhərində dünyaya gəlib. On üç yaşında ikən valideynləri onu Bakı Şəhər Bələdiyyə İdarəsi yanında qız məktəbinə qoyurlar. Bu məktəbi bitirib "Müqəddəs Nina" məktəbinin Bakı bölməsində təhsilini davam etdirir. Daha sonra fortepiano ifaçılığı üzrə musiqi təhsili də alır.[1]
Sonra Rusiyada ali təhsil alıb Bakıya dönən tanınmış həkim Əbülfəz Qarayevlə ailə qurur. Lakin bundan sonra bədii yaradıcılıqla məşğul olmayıb. Həyatını ailə qayğılarına həsr edib. Dünya şöhrətli bəstəkar Qara Qarayev, görkəmli həkim, gözəl insan Mürsəl Qarayev kimi övladlar böyüdüb. Ondan soruşulanda ki, nə üçün yaradıcılıqla məşğul olmursunuz? O deyərmiş: "Xalq üçün, cəmiyyət üçün faydalı övladlar böyütmək yaradıcılıq deyilmi!"[2]
2018-ci il sentyabrın 16-da Azərbaycan Yazıçılar Birliyi Sona xanım Axundova‑Garayevaya həsr olunmuş “A Memorial Book” (Azərbaycanca, ingiliscə, rusca) kitabını Qara Qarayevin ev‑muzeyində təqdim edib
Cəmiyyət üçün, xalq üçün görüləcək hər bir işi yaradıcılıq hesab edən Sona xanım Axundova 1971-ci ildə vəfat edib.[3][4]
- ↑ ""Elə ailələr, elə sülalələr var ki..." Sona Axundova-Qarayeva". Edebiyyatqazeti.az.
- ↑ "Maarifçiliyə Yol açan - Sona xanım İsgəndər bəy qızı Axundov". News.milli.az.
- ↑ "Ziyalı Qadın - Sona xanım Axundova". www.azerbaijan-news.az.
- ↑ "Fədakar qadın, şairə ana: Sona xanım Axundova". www.anl.az/.