Sona Əli qızı Hüseynova (20 fevral 1925, Çivə) — Ermənistan SSR Ali Sovetinin deputatı.[1]
| Sona Hüseynova | |
|---|---|
| Doğum tarixi | 20 fevral 1925 (100 yaş) |
| Doğum yeri | |
| Fəaliyyəti | tütünçü, deputat |
20 fevral 1925-ci ildə Dərələyəz mahalının Çivə kəndində doğulub. 1932-ci ildə Çivə kənd yeddi illk məktəbini 1939-cu ildə 7-ci sinfi fərqlənmə ilə bitirib.[2]
Məktəbi bitirdikdən sonra, ailəsinə kömək məqsədilə sovxozda işləyib. Tütünçülük üzrə manqa başçısı kimi kimi 1950-ci ildə Ermənistan SSR Ali Sovetinə Mikoyan rayonunun Qovuşuq, Ağkənd, Ələyəz, Qabaxlı, Gədikvəng, Gülüdüz kəndlərinin kolxozçuları özlərinin seçkiqabağı yığıncaqlarında 229 nömrəli Şadin seçki dairəsindən Ermənistan SSR Ali Sovetinə deputatlığa namizəd göstərilmişdir. 1951-ci il fevral ayının 29-da Ermənistan SSR Ali Sovetinə deputat seçilmişdir.[3]
1951-ci ilin sonlarında, Stalinin 4083 nömrəli məlum qərarı ilə, ailəsi ilə birlikdə Azərbaycanına deportasiya olunmuşdur. Bərdə rayonunun İmirli kəndində bir müddət yaşadıqdan sonra, ailəsinin iqlim şəraitinə uyğunlaşmaması səbəbindən yenidən Çivə kəndinə qayıtmışdır. Bir müddət Çivə kəndində işlədikdən sonra, 1976-cı ildə Azərbaycanına qayıdır. 1979-cu ildə Gəncə şəhərində məskunlaşırlar.
Hal-hazırda Bərdə rayonunun İmirli kəndində yaşayır. 3 övladı, 8 nəvəsi, 16 nəticəsi var.
- ↑ R. Əsgərov, A. Ağayev. Xalqın ləyaqətli qızı // Sovet Ermənistanı. 1950.
- ↑ Vəkilov Səməd. Qərbi Azərbaycandan deportasiya. İmirlidə məskunlaşma. Bakı: Red N Line MMC. 2023. səh. 222.
- ↑ Vəkilov, Səməd; Calalova, Leyla. "Dərələyəzdən deportasiya edilmiş deputat Sona Hüseynovanın həyat həqiqətləri" (az.). Bakı: https://qht.az/. 2025-02-20. İstifadə tarixi: 2025-02-20. (#missing_name)