Bu məqalənin ensiklopedik tələblərə cavab vermədiyinə dair şübhələr var. |
Bu məqalə və ya bölmə reklam xarakteri daşıyır. |
"Soliton LTD" (Soliton chain of stores) — mağazalar şəbəkəsi məişət texnikaları, elektronika məhsulları satışını həyata keçirməklə yanaşı müştərilərə satış sonrası quraşdırma və texniki xidmət də göstərir. Solitonun əsas ofisi Bakida yerləşir. 2020-ci ilədək 2000 işçi sayı ilə 80-ə yaxın mağazasını açaraq fəaliyyətini davam etdirir.
| Soliton | |
|---|---|
 | |
| Ümumi məlumatlar | |
| Tipi | MMC |
| Məhsulları | Elektronika və məişət texnikası |
| Təsis tarixi | 1992-ci il |
| Baş qərargahın yeri | Bakı şəhəri, Tbilisi prospekti 1058 |
| soliton.az | |
1992-ci ildə fəaliyyətə başlamış Soliton Mağazalar Şəbəkəsi məişət texnikası və elektronika məhsullarının satışı, quraşdırılması və texniki xidməti ilə fəaliyyətini davam etdirməkdədir. İlk mağazasını 28 May metrosu yaxınlığında açmışdır. Bu Mağazalar Şəbəkəsi şəhərin 20 Yanvar, Memar Əcəmi, Elmlər Akademiyası, Xalqlar Dostluğu, Qara Qarayev və digər metro stansiyaları yaxınlığında fəaliyyət göstərməyə başlamışdır. Şəbəkə olaraq yalnız Bakı şəhərində deyil, həmçinin Quba, Xaçmaz, İsmayıllı, Mingəçevir, Zaqatala, Gəncə, Cəlilabad və Azərbaycanın digər bölgərində də fəaliyyətini göstərir.
Soliton Mağazalar Şəbəkəsi dünyanın məşhur markalarının satışını və satış sonrası servisini həyata keçirir. Avropanın ən böyük ikinci bəyaz əşya istehsalçısı olan Beko, kompüter, səs və görüntü sistemləri sektorunun qabaqcıl markalarından olan Grundig, 1 əsrdən artıq tarixə malik Alman markası Blomberg, Türkiyənin məşhur kompüter markası Casper və digər dünya markalarının məhsulları kimi məişət və elektronika məhsullarını təklif edir.
2004-cü ildə məhsulların saxlanılması üçün 10.000 kv.m-dən qapalı anbar sahəsi, ehtiyat hissə anbarı, malların təmiri üçün böyük servis mərkəzi və ofis binası tikilərək istifadəyə verilmişdir. Məhsulların çatdırılması ilə məşğul olan daşıyıcı maşınları, çatdırılma və quraşdırılma, satış sonrası bölmələri həm Bakıda, həm də Azərbaycanın bölgələrində fəaliyyət göstərir.
2006-cı ildə Beko şirkəti tərəfindən ən layiqli 10 distribütordan biri kimi mükafatlandırılan Soliton 2006–2007-ci illərdə isə Beko markası ilə "Caspian Energy Integration Award-2006" və "Caspian Energy Integration Award-2007" mükafatları ilə "İlin Brendi", 2007 və 2011-ci illərdə Consulting&Business jurnalının təsis etdiyi "National Business Award" mükafatları ilə "İlin şirkəti"və "İlin Mağazalar Şəbəkəsi" nominasiyasına layiq görülmüşdür.