Siyasət İdris oğlu Alıyev (25 dekabr 1954, Canəhməd, Basarkeçər rayonu) — Azərbaycan hüquqşünası, Azərbaycan Respublikası Hərbi prokurorunun birinci müavini — Hərbi prokurorun səlahiyyətlərini icra edən (2000–2003).
| Siyasət Alıyev | |
|---|---|
  | |
| 2000 – aprel 2003 | |
| Əvvəlki | Ramiz Rzayev |
| Sonrakı | İlham Məmmədov (i. e.) |
| Şəxsi məlumatlar | |
| Doğum tarixi | 25 dekabr 1954 (70 yaş) |
| Doğum yeri | |
| Təhsili | |
| Rütbəsi | Ədliyyə polkovniki |
| Təltifləri |
 |
Siyasət İdris oğlu Alıyev 25 dekabr 1954-cü ildə Ermənistan SSR Basarkeçər rayonunun Canəhməd (Günəşli) kəndində anadan olmuşdur. 1982-ci ildə Azərbaycan Dövlət Universitetinin Hüquq fakültəsini bitirmişdir.[1]
Siyasət Alıyev 1983-cü ildən Əsgəran rayon prokurorunun köməkçisi, 1989-cu ildən isə DQMV Prokurorluğunda böyük müstəntiq vəzifəsində çalışmışdır. 1991-ci ilin sonlarında Ağdamda xidməti ezamiyyətdə olarkən ermənilər tərəfindən bıçaqlanmış, müalicə olduqdan sonra Naxçıvan Muxtar Respublikası Sədərək rayonunun prokuroru vəzifəsinə keçirilmişdir.[2] Daha sonra, 1992-ci ildən Xanlar rayon prokurorunun köməkçisi, 1993-cü ildən Samux rayon prokurorunun müavini, 1995-ci ildən Gəncə şəhəri Nizami rayon prokurorunun müavini vəzifələrində işləmişdir. Daha sonra Gədəbəy rayonunun prokuroru kimi təyin olunmuş, 1996-cı ildən Qusar rayonunun, 1999-cu ildən isə Xaçmaz rayonunun prokuroru vəzifələrində çalışmışdır.[1]
Siyasət Alıyev 2000-ci ildə Azərbaycan Respublikası Hərbi prokurorunun birinci müavini təyin edilmiş[1] və həmin tarixdən 2003-cü ilin aprel ayınadək hərbi prokurorun səlahiyyətlərini icra etmişdir.[3] 2001-ci ildə Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü təyin olunmuşdur.[4]
Siyasət Alıyev 2012-ci ildə son yaş həddi ilə əlaqədar olaraq prokurorluq orqanlarından təqaüdə çıxaraq Dövlət Miqrasiya Xidmətində Təşkilat-Nəzarət Baş İdarəsinin rəis müavini (əvəzi) və attestasiya komissiyasının üzvü təyin edilmişdir. Azərbaycan Respublikası Prezidentinin 17 mart 2014-cü il tarixli Sərəncamı ilə "Miqrasiya orqanlarında qulluqda fərqlənməyə görə" medalı ilə təltif olunmuşdur.[5]
Ailəlidir, 2 övladı var.
- ↑ 1 2 3 Alıyev Siyasət İdris oğlu // Azərbaycanda kim kimdir? – 2001 (Ensiklopedik sorğu kitabı). Bakı: "Azərbaycan Milli Ensiklopediyası" nəşriyyatı. 2001. S. 365. ISBN 5-89600-332-3.
- ↑ Məhərrəmov, Z. Sözün yaddaşı əbədidir. Bakı: Günəş. 2003. səh. 67–70.
- ↑ "Hərbi Prokurorluq | Tarixi". Azərbaycan Respublikasının Baş Prokurorluğu. İstifadə tarixi: 19 may 2025.
- ↑ "Əsir və itkin düşmüş, girov götürülmüş vətəndaşlarla əlaqədar Dövlət Komissiyası haqqında Azərbaycan Respublikası Prezidentinin Sərəncamı". e-qanun.az. 1 mart 2001. İstifadə tarixi: 19 may 2025.
- ↑ "Azərbaycan Respublikası Dövlət Miqrasiya Xidmətinin əməkdaşlarının "Miqrasiya orqanlarında qulluqda fərqlənməyə görə" medalı ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 17 mart 2014. İstifadə tarixi: 19 may 2025.