Siqaret fetişizmi — siqaret və tütün məhsulları çəkən şəxslərə və ya siqaretlə əlaqəli obyektlərə qarşı cinsi və ya emosional cazibə hissi ilə xarakterizə olunan fetişizm növü.

Bu fetişin növlərinə siqaret çəkən şəxslərə və onların davranışlarına qarşı cazibə (məsələn, siqareti bədəndə söndürmək və ya tüstünü zorla çəkməyə məcbur edilmək və s.), siqaretin özünə qarşı həvəs və siqaretlə bağlı aksesuarların (məsələn, siqaret qutusu, külqabı və s.) fetişi daxildir.
Siqaret fetişinin səbəbləri arasında sosial və mədəni təsirlər, siqaretin simvolik olaraq azadlıq və təhqir kimi qəbul edilməsi və fərdin erkən yaşda siqaretlə tanış olması yer alır. Psixoloji araşdırmalar göstərir ki, bəzi insanlar siqaretin tabu və cəmiyyət tərəfindən məhdudlaşdırılması səbəbindən ona qarşı xüsusi maraq göstərirlər. Siqaret fetişi digər fetişlər kimi müxtəlif formalarda özünü göstərə və şəxsi münasibətlərdə rol oynaya bilər.
Bu fetiş qeyri-adi cinsi təcrübə hesab olunur və fetişistlərin bir çoxu bu davranış onların gündəlik həyatlarına güclü şəkildə müdaxilə etmədikcə tibbi yardıma müraciət etmirlər. İnsanların əksəriyyəti sadəcə olaraq öz fetişlərini qəbul etməyi öyrənir və müvafiq şəkildə həzz almağı bacarırlar.[1]
2003-cü ildə aparılan bir araşdırma fetişin əvvəllər akademik araşdırma mövzusu olmadığını, lakin "bir neçə qəzetdə" ondan bəhs edildiyini göstərmişdir.[2]
- ↑ "Treatments for Capnolagnia". İstifadə tarixi: 2010-04-22.
- ↑ Ribisl KM, Lee RE, Henriksen L, Haladjian HH, "A content analysis of Web sites promoting smoking culture and lifestyle", Health Educ Behav. 2003 Feb;30(1):64-78