Simon Mdivani (gürc. სიმონ მდივანი; 20 oktyabr 1876, Xoni, İmereti – 13 dekabr 1937, Soşo[d]) — Gürcüstan Sosialist-Federalist İnqilab Partiyasının üzvü olan gürcü siyasətçi. Qızıl Ordunun Gürcüstanı işğal etməsindən sonra Türkiyəyə, daha sonra Fransaya köçmüş və 13 dekabr 1937-ci ildə So kommunasında vəfat etmişdir.
| Simon Mdivani | |
|---|---|
| gürc. სიმონ (სვიმონ) მდივანი | |
 | |
| Şəxsi məlumatlar | |
| Doğum tarixi | 20 oktyabr 1876 |
| Doğum yeri | |
| Vəfat tarixi | 13 dekabr 1937(61 yaşında) |
| Vəfat yeri |
|
| Fəaliyyəti | diplomat |
 Vikianbarda əlaqəli mediafayllar | |
O, Milli Şuranın və Gürcüstan Müəssislər Məclisinin üzvü, vitse-prezidenti, sonra Gürcüstan Demokratik Respublikasının Türkiyədəki səfiri olub.
Həyatı
Simon (Svimon) 20 oktyabr 1876-cı ildə Xonidə yerli zadəganların (aznauri) varisi Qurgen Mdivaninin ailəsində anadan olmuşdur. O, növbə ilə ibtidai məktəbdə, Kutaisi Liseyində, Ukraynanın Odessa Universitetinin Təbiət Elmləri Fakültəsində təhsilini davam etdirib. Ali təhsil diplomunu aldıqdan sonra Odessa şəhər idarəsində kimyaçı kimi işə düzəlir və çarizmə qarşı siyasi mövqe tutur.
O, Batumidə Gürcüstan Sosialist-Federalist İnqilab Partiyasına qoşulub. Gündəlik "Çermorskoe Exo" qəzetinin redaktoru olub, 1906-cı il dekabrın 14-də məqaləsinə görə həbs edilib və qəzeti bağlamağa məcbur edilib. O, yerli bölmənin prezidenti, sonra Gürcüstan Sosialist-Federalist İnqilab Partiyasının mərkəzi komitəsinin üzvü seçilib.
1918-ci il mayın 26-da Gürcüstanın müstəqillik aktını imzalayan, Gürcüstan Milli Şurasının, sonra isə Gürcüstan Müəssislər Məclisinin üzvü olub, 1919-cu il martın 12-də sosial-federalistlər tərəfindən vitse-prezident seçilib. O, Xarici Əlaqələr Komitəsinin sədri, Hərbi Komitənin və Büdcə Komitəsinin katibi vəzifələrində çalışıb.
27 dekabr 1920-ci ildə Türkiyəyə səfir təyin edilib. Kamalist rejimi tanıyan ilk xarici səfir olub.
Qızıl Ordu Gürcüstanı işğal etdikdən sonra İstanbula mühacirət edib. 1926-cı ildə o, Sovet Rusiyasını zəiflətmək məqsədilə Polşada Yozef Pilsudskinin başlatdığı Prometey hərəkatında iştirak etmiş və bu səbəbdən mühacirətdə olan Qafqaz Konfederasiyası Şurasının (Gürcüstan, Azərbaycan, Şimali Qafqaz və Ukrayna) üzvü olmuşdur. 1928-ci ildə Fransaya köçüb.
İstinadlar
- ↑ Simon Mdivani // (pol.).
- . archive.ge (gürcü). 2023-04-06 tarixində . İstifadə tarixi: 2023-04-06.
- . www.conflicts.rem33.com. 2021-02-27 tarixində . İstifadə tarixi: 2023-04-06.
- Anahtar Kelimeler. . RSS Studies. İstifadə tarixi: 22 November 2020. [ölü keçid]
- Roin Kavrelishvili. . Dergikaradeniz. 1 October 2020 tarixində . İstifadə tarixi: 22 November 2020..
- Hiroaki Kuromiya; Georges Mamoulia. The Eurasian Triangle : Russia, The Caucasus and Japan, 1904-1945. De Gruyter. 2016. səh. 120.