Simane tayfası

Simane tayfasında yüksək təbii artım tempi ilə 3%-lik artım göstəricisinə sahibdir və tayfası təqribi yarısının yaşı 15-ın altındadır.

Müayinəsi aparılmış yaşı 40-94 olan 705 simane hindusunun 90%-nin damarlarında xolesterin qalıqları aşkar olunmamış, ürək-damar sistemi xəstəliklərinin riski yalnız yaşı 75-dən yuxarı olan əhalinin 8%-də qeydə alınmışdır. Tayfa nümayəndələrində hipertoniya, sürətləndirilmiş nəbz, qanda şəkərin və xolesterinin yüksək miqdarı çox az halda müşahidə olunur.

9-13 min nümayəndədən ibarət tayfanın əhalisi 80-85 xırda kəndlərdə yerləşmişdir. Simane tayfası əhalisinin ürək-damar sisteminin yaxşı vəziyyətdə olması, tədqiqatçıların fikrincə, onların yaşam tərzi və qidalanmaları ilə bağlıdır. Burada kişilər gündə 6-7 saat, qadınlar isə 4-6 saat fiziki işlərlə - ovçuluq, balıq tutma, əkinçilik, qida məhsullarının toplanması - məşğul olurlar. Onların qidası mürəkkəb karbohidratlardan - düyü, plantan (bananların şirnisiz tərəvəz növü), qarğıdalı, qoz və meyvələrdən ibarətdir. Ət zülalları və yağlar rasionun 14-15%-ni təşkil edir. Tütündən istifadə etmirlər^[2], arabir maniokadan pivə düzəldilib içilir.^[3]

Simane tayfasının qidalanmasında ovçuluq mühüm yer tutur. Onlar balıq, Braziliya tapiri, maral və müxtəlif növ meymun ovlayır.

Tarixləri boyu simanelər qonşuluqdakı başqa tayfalar (yurakare, trinitarios, takanas, reyesanos və başqaları) ilə zaman-zaman əlaqədə olsa da, əsasən qapalı cəmiyyət olduqlarından simane dilindəki leksik və qrammatik xüsusiyyətlərdə izolyasiya aydın seçilir, başqa dillər ilə oxşarlıq çox cüzi səviyyədədir^[4]. Sadəcə qonşuluqdakı mosetan tayfası ilə oxşarlıq müşahidə olunur. Tayfadakı insanların əksəriyyəti simane dilində ünsiyyət saxlayır və ikidilli təhsil siyasəti ilə birlikdə ispan dili də istifadə olunur^[5].

Mədəni irs nümunələri şifahi yolla nəsildən-nəslə ötürülür.