Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSilvana Armenuliç əsl adı Zilxa Baryaktareviç (serb. Silvana Armenulić 18 may 1939, Doboy, Bosniya və Herseqovina – 10 oktyabr 1976) — Yuqoslaviya pop müğənnisi, xalq mahnılarının ifaçısı. Bacılarından ikisi də peşəkar müğənnilər idi: Mirsada "Miryana" Bayraktareviç və Hayrudina "Dina" Bayraktareviç.
| Silvana Armenuliç | |
|---|---|
 | |
| Doğum tarixi | 18 may 1939 |
| Doğum yeri | |
| Vəfat tarixi | 10 oktyabr 1976 (37 yaşında) |
| Vəfat səbəbi | yol-nəqliyyat hadisəsi |
| Dəfn yeri |
|
| Fəaliyyəti | müğənni, aktrisa |
| Fəaliyyət illəri | 1954-cü ildən |
 Vikianbarda əlaqəli mediafayllar | |
Zilxa Baryaktareviç 18 may 1939-cu ildə Doboy şəhərində müsəlman boşnakların böyük ailəsində anadan olmuşdur[1]. Atası şirniyyatçı işləyirdi[2].
Uşaqlıqdan Zilxa mahnı oxumağı çox sevirdi. Məktəbdə mandolin çalırdı. Professional müğənni olmağa qərar verəndə atası bu seçimi dəstəkləyir[3].
On altı yaşında Sarayevoda xalasının yanına köçür. Burada barlarda mahnı oxumağa başlayır. Bosniyada müəyyən bir şöhrət qazandıqdan sonra Belqrada köçür. Adını həqiqətən çox sevdiyi "Acı düyü" filmindəki italyan aktrisa Sordamas Manqanonun şərəfinə dəyişdir. 1961-ci ildə məşhur Yuqoslaviya tennisçisi Radmilo Armenuliç ilə evlənir. 1964-cü ildə onların bir qızı dünyaya gəlir[4]. Karyerası sürətlə inkişaf edir və qısa müddətdə Yuqoslaviyanın ən ticari uğur qazanan müğənnilərindən biri olur. Onun "Šta će mi život" ("Mənim həyatım nə olacaq"), "Moj dilbere" ("Sevgilim") və "Noćas mi srce pati" ("Ürəyim bu gecə əziyyət çəkir") mahnıları milli şöhrət qazanır. Onun repertuarına həm müasir xalq musiqisi, həm də Sevdalinkanın ənənəvi mahnıları daxil idi ("Sevdalinka Kraliçası" kimi tanınırdı[5][6][7]). 1970-ci illərin əvvəllərində bir neçə bədii və televiziya filmində rol alır. Silvana Armenuliç 10 oktyabr 1976-cı ildə Belqrad-Niş magistral yolunda, Smederevo yaxınlığındakı Kolari kəndi ərazisində yol qəzasında ölür. Onunla birlikdə bacısı Miryana Baryaktareviç və Belqrad Milli Radio və Televiziya Orkestrinin rəhbəri Miodraq Yaşareviç ölür. Silvana Armenuliç və bacısı Yeni Belqrad qəbiristanlığında dəfn edilir[8].
- ↑ "Silvana Armenulić Biografija". soundpower.nice-forum. 6 aprel 2017 tarixində arxivləşdirilib. İstifadə tarixi: 19 oktyabr 2012.
- ↑ "NEPOZNATI DETALJI IZ ŽIVOTA SLAVNE SILVANE ARMENULIĆ". Aua. 12 yanvar 2015. 4 aprel 2015 tarixində arxivləşdirilib. İstifadə tarixi: 17 yanvar 2015.
- ↑ "Silvana Armenulić biografija – Poznati.info". 1 noyabr 2014 tarixində orijinalından arxivləşdirilib. İstifadə tarixi: 19 may 2020.
- ↑ "Причај нешто народно: Силвана Арменулић" (ср). Радио-телевизија Републике Српске. 3. 6. 2012. İstifadə tarixi: 4. 6. 2012..[ölü keçid]
- ↑ "SVE O SILVANI ARMENULIĆ: Legenda čije pesme nikada neće umreti". Telegraf. 29 may 2013. 6 aprel 2017 tarixində arxivləşdirilib. İstifadə tarixi: 30 may 2013.
- ↑ "Knjiga o najvećoj zvezdi SFRJ". Vesti-Online. 27 noyabr 2011. 17 sentyabr 2017 tarixində arxivləşdirilib. İstifadə tarixi: 30 may 2013.
- ↑ "Godišnjica smrti Silvane Armenulić". Novosti. 9 oktyabr 2011. 5 noyabr 2021 tarixində arxivləşdirilib. İstifadə tarixi: 5 avqust 2013.
- ↑ "Mirsada Mirjana Bajraktarević (1951—1976)". riznicasrpska. 6 fevral 2011. 22 sentyabr 2013 tarixində arxivləşdirilib. İstifadə tarixi: 19 oktyabr 2012.