Metasilikat və ya Silikat turşusu H2SiO3.
Silisium 4-oksid suda həll olmur və onunla reaksiyaya girmir. Ona görə də silikat turşusu H2SiO3 dolayı yolla- onun həll olan duzlarının məhlullarına turşu ilə təsir etməklə alınır:
Na2SiO3 + 2HCl = 2NaCl + H2SiO3 ↓
Silikat turşusunun tərkibini göstərən H2SiO3 formulu şərtidir. Əslində x SiO2 . y H2O və ya (H2SiO3)n tərkibli silikat turşuları qarışığı - polisilikat turşusu əmələ gəlir. qızdırıldıqda polisilikat turşusu suyunu tədriclə itirib bərk silisium 4-oksidə çevrilir.
H2SiO3 = SiO2 + H2O
Silikat turşusu H2SiO3 zəif, ikiəsaslı turşudur. Suda həll olmur və indikatorun rəngini dəyişdirmir. qismən susuzlaşdırılmış H2SiO3 - bərk, ağ, məsaməli, yüksək adsorbsiya xassəli kütlə - silikagel adlanır.
Silikat turşusunun duzlarına silikatlar deyilir. çox vaxt onların formulları oksidlər şəklində, məsələn, CaSiO3 - Ca . SiO2, Na2SiO3 - Na2O . SiO2, K2SiO3 - K2O . SiO2 kimi göstərilir. Natrium silikat Na2SiO3 və kalium silikat K2SiO3 həll olan şüşə, onların suda qatı məhlulları isə maye şüşə adlanır. Zəif turşunun duzu kimi onların suda məhlulu qələvi reaksiya verir. Natrium silikat daha böyük əhəmiyyət kəsb edir.
Bu məqalə qaralama halındadır. Məqaləni edərək Vikipediyanı zənginləşdirə bilərsiniz. |