Siddiqə Rza qızı Qədimova (1912, İrəvan – 1986) — azərbaycanlı jurnalist[1], tərcüməçi[2], SSRİ Ali Sovetinin deputatı[3][4][5].
| Siddiqə Qədimova | |
|---|---|
| Siddiqə Mirzə Rza qızı Qədimova | |
| Doğum tarixi | 1912 |
| Doğum yeri | |
| Vəfat tarixi | 1986 |
| Atası | Mirzə Rza Qədimov |
| Anası | Fatma xanım |
| Təhsili |
|
| Üzvlüyü | |
İrəvan radiosunda Azərbaycanca verilişlər redaksiyasının ilk rəhbəri olub[4][6]. "Sovet Ermənistanı" qəzetinin jurnalisti və tərcüməçisi kimi fəaliyyət göstərib[4].
Siddiqə Rza qızı Qədimova 1912-ci ildə İrəvan şəhərində anadan olub. İrəvanda azərbaycanlı məktəbinin 5-ci sinfini bitirdikdən sonra, 1926-cı ildə Bakı Pedaqoji Texnikumunda təhsil almağa göndərilib. Təhsilini başa vurduqdan sonra bir müddət Ordubadda müəllim kimi fəaliyyət göstərib.
Siddiqə Qədimova 1930-cu illərdən başlayaraq fəaliyyətini Ermənistan SSR-də Azərbaycan mətbuatı və radiosuna yönəldib. 1937-ci ildə İrəvanda Azərbaycan dilində nəşr olunan "Kommunist" qəzetində çalışmağa başlayıb, daha sonra "Sovet Ermənistanı" qəzetində jurnalist və tərcüməçi kimi fəaliyyət göstərib. 1949-cu ildən etibarən pedaqoji fəaliyyətinə davam edən Siddiqə Qədimova 1950-ci ildə SSRİ Ali Sovetinə deputat seçilib. 1970-ci ildən isə azərbaycan dilində radionun redaksiyasında böyük redaktor kimi çalışıb.
Siddiqə Qədimova təkcə jurnalistika ilə deyil, bədii tərcümə sənəti ilə də məşğul olub. Onun bir tərcüməsi Cəfər Cabbarlı adına İrəvan Azərbaycan Dövlət Dram Teatrında səhnələşdirilib.
Siddiqə Qədimova SSRİ Jurnalistlər İttifaqının üzvü olmuş və "Əməkdar jurnalist" fəxri adına layiq görülmüşdür. Fəaliyyəti boyunca bir çox fəxri fərman və medallarla təltif edilmişdir.
Siddiqə Rza qızı Qədimova 1986-cı ildə vəfat etmişdir.
- ↑ Qurbansoy, Firudin. "Kövrək xatirələrin krimatoriyası". edebiyyatqazeti.az.
- ↑ "İrəvanda Azərbaycan dilində nəşr olunan mətbuatın tarixi – ARAŞDIRMA – III YAZI".
- ↑ "Депутаты, избранные в Совет Национальностей (окончание)" (PDF). Красное знамя (№ 55): 4. 17 марта 1950. 2023-03-19 tarixində arxivləşdirilib (PDF). İstifadə tarixi: 2025-03-12.
- ↑ 1 2 3 Allahverdiyev, Cəlal. "Siddiqə Qədimova". qerbiazerbaycan.com.
- ↑ ЗЕЙНАЛОВ, АСКЕР. ЭРИВАНСКАЯ ИНТЕЛЛИГЕНЦИЯ (PDF). Баку: МУТАРДЖИМ. 2011. səh. 396.
- ↑ Мустафа, Назим. "Пресса". iravan.preslib.az.