Sibiu Əczaçılıq Tarixi Muzeyi (rum. Muzeul de Istorie a Farmaciei din Sibiu) – Rumıniyanın Sibiu şəhərində yerləşən əczaçılıq və tarix muzeyi. Brukental Milli Muzeyinin tərkib hissəsinə daxildir.
| Sibiu Əczaçılıq Tarixi Muzeyi | |
|---|---|
| Muzeul de Istorie a Farmaciei din Sibiu | |
 | |
 | |
| Əsası qoyulub | 1972 |
| Ölkə | |
| Yerləşir | Sibiu, Sibiu[d][1] |
| 45°47′54″ şm. e. 24°09′07″ ş. u.HGYO | |
 Vikianbarda əlaqəli mediafayllar | |
Rumıniya ərazisində ilk aptek 1494-cü ildə Sibiu şəhərində açılmışdır. Sibiu Rumıniyada əczaçılıq ənənələrinə görə tanınan şəhərdir. Muzey şəhərin əczaçılıq keçmişini nümayiş etdirmək üçün 1972-ci ildə açılmışdır.[2] Muzeyin orijinal kolleksiyası 1950–1951-ci illərdə Səhiyyə Nazirliyinin regionun əczaçılıq tarixini qorumaq barədə olan dekretindən sonra yaradılmışdır.[3] Muzey 1568-ci ildə tamamlanmış və qotik üslubda olan tikilidə yerləşir. Tarixi abidə statusunda olan bu tikilidə 1600-cü ildə "La Ursul Negru" (hərf. Qara Ayı) adlı aptek fəaliyyət göstərməyə başlamışdır.[2]
120 m² sahəni əhatə edən muzey XVIII əsrin Şərqi Avropasında əczaçılığın vəziyyətinə və inkişafına həsr olunmuşdur.[4] Muzeyin 6700-dən çox eksponatdan ibarət kolleksiyası 70 aptekdən, tibb institutlarından və şəxsi kolleksiyalar götürülmüşdür.[3] Muzey sərgisi üç bölmədən ibarətdir: Ofis, homepatiya bölməsi və laboratoriya. Ofis əczaçılıq məhsullarının sərgiləndiyi yerdir. Otağın mebelləri 1902-ci ildə Vyanada yerləşən "La Vulturul Negru" (hərf. Qara kərkəs) adlı keçmiş bir aptekdən gətizdirilmişdir. Burada dərmanların saxlanıldığı keramika, gil, şüşə, taxtadan hazırlanmış qablar, dərmanların hazırlanmasında istifadə olunmuş tərəzilər və həvənglər sərgilənir. Muzeydə sərgilənən ən qədim dərman hazırlama aləti 1597-ci ilə aid edilən bürünc həvəngdir. Sərgi XVII əsrdən XX əsrin birinci yarısına qədər olan dövrü əhatə edir. XVIII əsrə aid olan taxta qab kolleksiyasında üzərisində əlkimya işarələri olan qablara rast gəlmək olar.[5]
Muzeyin mərkəzi otağındakı kimyaçı laboratoriyasında şüşə retortalar və qablar, həvənglər, əzici maşınlar, həb hazırlama üçün ləvazimatlar, ərimə qazanları, ölçü qabları, süzgəclər mis tərəzilər və dəmir çəkilər nümayiş olunur. Burada həb hazırlamaq üçün nəzərdə tutulmuş XVIII əsrə aid xüsusi maşın sərgilənir.[6]
Arxa otaqda yerləşən homepatiya bölməsi Sibiu şəhərinin homepatiya ənənəsinə və homepatiyanın atası Samuel Hanemana həsr olunmuşdur. Hanemanın homepatiya üçün ilkin ideya və fikiləri 1777–1779-cu illərdə Sibiu şəhərində irəli sürdüyü iddia olunur. Onun orijinal alətləri və planları muzeydə sərgilənir. Homepatiya kolleksiyasına 2910[3] eksponatdan ibarətdir və hamısı Sibiuda yerləşən keçmiş "La Înger" aptekindən götürülmüşdür.[7]
- ↑ 1 2 3 Wiki Loves Monuments monuments database. 2017.
- ↑ 1 2 "Muzeul de istorıe a farmaciei". Brukenthalmuseum.ro (rumınca). 12 may 2025 tarixində arxivləşdirilib. İstifadə tarixi: 12 may 2025.
- ↑ 1 2 3 "History of Pharmacy Museum". Romanian Museums and Collections Database (ingiliscə). 12 may 2025 tarixində arxivləşdirilib. İstifadə tarixi: 12 may 2025.
- ↑ "Pharmacy Museum of Sibiu". Atlas Obscura (ingiliscə). 23 avqust 2009. İstifadə tarixi: 12 may 2025.
- ↑ "Oficina". Brukenthalmuseum.ro (rumınca). 12 may 2025 tarixində arxivləşdirilib. İstifadə tarixi: 12 may 2025.
- ↑ "Laboratorul". Brukenthalmuseum.ro (rumınca). 12 may 2025 tarixində arxivləşdirilib. İstifadə tarixi: 12 may 2025.
- ↑ "Sectorul Homeopatiei". Brukenthalmuseum.ro (rumınca). 12 may 2025 tarixində arxivləşdirilib. İstifadə tarixi: 12 may 2025.
- brukenthalmuseum.ro/sectoare/farmacie — rəsmi saytı