Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

She and Her Cat

  • Məqalə
  • Müzakirə

She and Her Cat və ya Yaponiyada tanınan adı ilə Kanojo to Kanojo no Neko (彼女と彼女の猫?, azərb. O və onun pişiyi‎) – Makoto Şinkay tərəfindən çəkilmiş və 1999-cu ildə buraxılmış tək seriyalıq anime OVA-sı. Their standing points (azərb. Onların ayaqda durma nöqtələri‎) altbaşlığı ilə buraxılmışdır. 5 dəqiqəlik OVA bir pişik ilə onun qadın sahibi münasibət haqqındadır və hekayə pişiyin baxış bucağından nəql olunur. Şinkay animeni sevgi bəslədiyi birinin çətin situasiyanın öhdəsindən gəlməsinə kömək etmək üçün yaratmışdır və onun balaca mənzildə yaşamaı hekayəni məüyyən etmişdir. Şinkay anime üçün öz çəkdiyi çizimlərdən istifadə etmiş, 3D görüntüləri Adobe After Effects proqramı ilə yerinə yetirmişdir. Şinkay pişiyi də səsləndirmiş və sadəcə 3 şəxslə əməkdaşlıq etmişdir.

She and Her Cat
Üzlük.
彼女と彼女の猫
(Kanojo to Kanojo no Neko)
azərb. O və onun pişiyi‎
Janr dram, həyat dilimi, romantika
Anime
RejissorMakoto Şinkay
BəstəkarTenmon
StudiyaCoMix Wave Films
Vaxt5 dəq.
Manqa
ManqakaTsubasa Yamaquçi
NəşriyyatKodansha
Tərcüməçi nəşriyyat
ŞA
Vertical
JurnalMonthly Afternoon
Demoqrafiyaseynen
Nəşr tarixi25 fevral 2016 – 25 may 2016
Cildlər1
Anime
Kanojo to Kanojo no Neko: Everything Flows
RejissorKazuya Sakamoto
SsenaristNaruki Naqakava
BəstəkarTo-Mas Soundsight
Fluorescent Forest
StudiyaLiden Films
KanalTokyo MX
Buraxılış tarixi4 mart 2016 – 25 mart 2016
Seriyalar4
  Anime və manqa portalı

Əsəri tamamladıqdan sonra Şinkay animeni CD-R formatında və elektron poçt yolu ilə buraxmış və anime tədbirlərində 5000 nüsxə satmışdır. Şinkayın bu işi yaxşı qiymətləndirilmişdir. O, 2000-ci ildə DoGA CG Animasiya Müsabiqəsini qazanmış və CoMix Wave Films-in diqqətini cəlb etmişdir. Studiya animeni CD-ROM formatında yenidən buraxmış və Şinkayı işə almışdır. 2016-cı ildə anime serialı və manqa adaptasiyaları buraxılmışdır.

Mündəricat

  • 1 Məzmun
  • 2 İstehsal
  • 3 Buraxılış və qəbul
  • 4 İrs
  • 5 İstinadlar
    • 5.1 Kitab
  • 6

Məzmun

Hekayə bütöv bir ili əhatə edir.[1] Yağışlı yaz günlərinin birində O küçədə Çobini tapır və onu evinə gətirir. O mehriban və gözəl olduğundan Çobi öz sahibinə vurulur. Yayda Çobinin Mimi adlı sevgilisi olur. Mimi Çobi ilə evlənmək istəyir, amma Çobi Onu sevdiyinə görə Miminin təklifini qəbul etmir. Bir payız günündə O telefonda uzun danışıq aparır, bundan sonra ağlayır və depresiyaya düşür. Çobi söhbətin nədən getdiyini və nəyin baş verdiyini anlamır, amma Onun günahı olmadığı qərarına gəlir. Çobi Onun yanına gəlir və onu sakitləşdirir. Vaxt keçir və qış gəlir, O işə gedir və həyatını davam etdirir. Ən sonda, O və Çobi birlikdə yaşadıqları üçün xoşbəxtdirlər və birlikdə "Mən düşünürəm ki, bu dünyanı sevdik" deyirlər.

İstehsal

"She and Her Cat" Makoto Şinkay tərəfindən yazılmış və çəkilmişdir. Pişiyi də o səsləndirmişdir.[1] Onda bu ideya 1997-ci ildə yaransa da,[2] 1998-ci ildə Falcom adlı videooyun şirkətində işləyərkən layihə üzərində işləməyə başlamışdır.[3][4] İşi ilə əlaqədar kompüter qrafikası haqqında təcrübəsi[4] olduğundan kompleks prosedurları azaltmaq istəyirdi.[3] Nəhayət sonda ağ-qara animasiya yaratmaq qərarına gəlmişdi, çünki rəngli animasiyası ağ-qara animasiyadan 3 dəfə çox kompüterində yaddaş tutacaqdı.[3] Bundan əlavə, işin tez başa çatmasını istəyirdi. Bu vaxt bir rol oyunu üzərində işlədiyindən bu janrın "çox zəngin və ətraflı" olduğunu bilirdi və bunu animenin arxaplanına tətbiq etmək qərarına gəldi.[5] Bundan əlavə, küçələrin və şəhərin şəkillərini çəkdi və əllə çəkilmiş animasiya üçün əsas kimi istifadə etdi.[6] Şinkay 3D səhnələr üçün Adobe After Effects proqramından, digər effektlər üçün Shade, Illustrator və LightWave proqramlarından istifadə etmişdir.[2]

Şinkay bunu "şəxsi film" adlandırmışdır, çünki animeni sevdiyi bir qızın üzləşdiyi problemlərin öhdəsindən gəlməsinə kömək etmək üçün yaratmışdr.[7] Bu zaman elektrik xətləri ilə əhatə olunmuş kiçik mənzil də yaşaması da ssenariyə təsir etmişdir. Bunlar "çirkin şeylər" olsa da, o, "animenin ətraflı görünməsini və bu cür situasiyada yaşamağın problem yaratmadığını ifadə etmək istəyirdi".[5] O, "yaşamağın qeyri-müəyyən tənhalığı", "bezdirici ağrı", "səmimi istilik" kimi hislərin animedə əksini tapmasını arzulayırdı[2] və bunun sadəcə sözlərlə etməyin çətin olduğunu düşündüyündən, şəkil və səslərə üstünlük vermişdir. Şinkay deyir: "Mən animasiyanın öz-özünə danışmasına icazə verdim. Onun sadəliyi məni məmnun etdi".[8]

Film demək olar ki, ancaq Şinkay tərəfindən istehsal olunsa da, onun üç köməkçisi var idi: Mika Şinohara Onu səsləndirmiş və bir neçə illüstrasiya çəkmişdir. Tenmon musiqi bəstələmişdir. Bundan əlavə, "Rabraris" istehsalçı heyətdə göstərilmişdir.[2]

Buraxılış və qəbul

Şinkay 1999-cu ildə animeni tamamladıqdan[2] sonra CD-R formatında nüsxələr hazırlamış, Comiket tədbirlərində və saytı vasitəsilə elektron poçtdan 5.000 nüsxə satmışdır.[9] Anime müsbət tənqidlər almış və 2000-ci ildə DoGA CG Animasiya Müsabiqəsində qalib gəlmişdir.[9] Anime's müəllifləri Kolin Odell və Mişel Le Blenk animeni "sadə, haqqını verən, gözyaşardan" adlandırmışdırlar.[1] Mania.com saytından Kris Beveric animenin 3 versiyasını izləmiş və demişdir: "hər biri möhtəşəm və hekayənin sadə olması gözəldir".[10] 2017-ci ildə Anime News Network saytından Anna Laurenrot animeni Şinkayın ən yaxşı 9-cu işi (11-dən) kimi göstərmiş və mənzərəyə səmimi gözəllik qatan "işıqlandırmasına" və "diqqətlə yerləşdirilmiş detallarına" görə tərifləmişdir.[11]

"She and Her Cat" Makoto Şinkayı məşhur edən və onun CoMix Wave Films studiyasında işləməsinə yol açan əsərdir.[4] O, əvvəlcə şirkətdən əsərlə bağlı tənqidi yazı olan "çox uzun mesaj" qəbul etmişdir. Daha sonra isə şirkət onu işə almışdır.[9] Əsər Mangazoo (daha sonra CoMix Wave-in parçası) şirkətinin də diqqətini çəkmiş və onlar animeni CD-ROM formatında buraxmışdırlar.[12] Buraxılışa saundtrek və filmin üç versiyası daxil idi: tam beş dəqiqəlik versiya, üç dəqiqəlik versiya, dəqiqə yarımlıq versiya.[13] Anime daha sonra "Voices of a Distant Star" anime filminin əlavəsi kimi onun DVD buraxılışına daxil edilmişdir.[13] ABŞ-da buraxılan yeganə versiyası "Voices of a Distant Star"la birlikdə buraxılan subtitrlı versiyasıdır (ADV Films tərəfindən 2003-cü ilin iyununda).[10][14] DVD filmin 3 fərqli versiyasından ibarətdir.[10]

İrs

2016-cı ilin yanvarında Kadokawa Shoten nəşriyyatının "Newtype" jurnalının fevral buraxılışında "Everything Flows" adlı anime serialı anons edilmişdir.[15][16] Kazuya Sakamotonun rejissoru olduğu film Liden Films studiyası tərəfindən çəkilmişdir. Hərəsi 7 dəqiqə çəkən 4 seriyadan ibarət anime 4 martdan 25 mart 2016-cı ilə kimi Tokyo MX kanalı vasitəsilə yayımlanmışdır.[15][17] Crunchyroll Asiya regionu istisna olmaqla anime serialını bütün dünyada yayımlamışdır.[18] Anime serialının DVD / BD buraxılışı 18 may 2016-cı ildə buraxılmışdır. Buraxılışa əlavə material və 90 saniyəlik açılış səhnəsi daxil edilmişdir.[19] Bu buraxılış daha sonra Tokionun Şimokitava rayonundakı Tollivud kinoteatrında 21 maydan 27 may 2016-cı ilə kimi göstərilmişdir.[20] DVD və BD cildləri uyğun olaraq 230 və 1521 nüsxə satmış, Oricon-un ən yaxşı satanlar siyahısında uyğun olaraq 18-ci və 6-cı yerlərdə peyda olmuşdur.[21][22]

Anime serialı əsasında Tsubasa Yamaquçinin manqa adaptasiyası Kodansha nəşriyyatının "Monthly Afternoon" jurnalının 2016-cı il mart buraxılışında anons edilmişdir.[23] Manqa jurnalın 2016-cı il aprel buraxılışında nəşr olunmağa başlamışdır. May ayında isə başa çatmışdır.[24] 23 avqust 2016-cı ildə Kodansha tərəfindən tək cildi buraxılmışdır.[25] 2017-ci ilin yanvarında Vertical manqanı Şimali Amerika üçün lisenziyalaşdırmış[25] və həmin ilin 1 avqustunda cildi buraxılmışdır.[26]

İstinadlar

  1. ↑ 1 2 3 Odell, Le Blanc, 2013. səh. 40
  2. ↑ 1 2 3 4 5 "彼女と彼女の猫" (Japanese). Makoto Shinkai official website. 23 dekabr 2017 tarixində arxivləşdirilib. İstifadə tarixi: 22 aprel 2017.
  3. ↑ 1 2 3 Fitch, Alex; Miyata, Hanako; Williams, Tim; Johnson, Justin. "Interview with Makoto Shinkai". Electric Sheep. 1 iyun 2008. 23 dekabr 2017 tarixində arxivləşdirilib. İstifadə tarixi: 22 aprel 2017.
  4. ↑ 1 2 3 Bendazzi, 2015. səh. 237
  5. ↑ 1 2 Spaziani, Scott. "Interview: Makoto Shinkai". Otaku in Review. 19 oktyabr 2010. 23 dekabr 2017 tarixində arxivləşdirilib. İstifadə tarixi: 22 aprel 2017.
  6. ↑ Alverson, Brigid. "Anime Director Makoto Shinkai Finds the Beauty in Everyday Life". MTV Geek. 24 oktyabr 2011. 16 sentyabr 2019 tarixində arxivləşdirilib. İstifadə tarixi: 22 aprel 2017.
  7. ↑ Dong, Bamboo. "Makoto Shinkai Q&A - Anime Expo 2013". Anime News Network. 8 iyul 2013. 9 fevral 2017 tarixində arxivləşdirilib. İstifadə tarixi: 22 aprel 2017.
  8. ↑ "Makoto Shinkai – The Place Promised in Our Early Days Director". ActiveAnime. 27 sentyabr 2005. 19 iyun 2017 tarixində arxivləşdirilib. İstifadə tarixi: 23 aprel 2017.
  9. ↑ 1 2 3 Alverson, Brigid. "Makoto Shinkai: Making Anime for One Person at a Time". MTV Geek. 31 oktyabr 2011. 2 noyabr 2015 tarixində arxivləşdirilib. İstifadə tarixi: 16 fevral 2012.
  10. ↑ 1 2 3 Beveridge, Chris. "Voices of a Distant Star". Mania.com. 31 may 2003. 25 may 2011 tarixində arxivləşdirilib. İstifadə tarixi: 11 noyabr 2010.
  11. ↑ Lauenroth, Anne. "The Best (and Worst) Works of Makoto Shinkai". Anime News Network. 13 dekabr 2017. 13 yanvar 2021 tarixində arxivləşdirilib. İstifadə tarixi: 23 dekabr 2017.
  12. ↑ Pinon, Matthieu. "Shinkai Makoto: la naissance d'une étoile". Animeland (French). 1 may 2003. 4 dekabr 2020 tarixində arxivləşdirilib. İstifadə tarixi: 23 aprel 2017.
  13. ↑ 1 2 "「彼女と彼女の猫」Movies and Soundtracks" (Japanese). Makoto Shinkai official website. 15 mart 2018 tarixində orijinalından arxivləşdirilib. İstifadə tarixi: 23 aprel 2017.
  14. ↑ Kamen, Matt. "Movies of a Rising Star". Neo. 1 avqust 2013. 23 aprel 2017 tarixində orijinalından arxivləşdirilib. İstifadə tarixi: 22 aprel 2017.
  15. ↑ 1 2 "Makoto Shinkai's She and Her Cat Short Gets TV Anime in March". Anime News Network. 6 yanvar 2015. 15 yanvar 2019 tarixində arxivləşdirilib. İstifadə tarixi: 6 yanvar 2016.
  16. ↑ "Makoto Shinkai's She & Her Cat TV Anime Previewed in Promo Video". Anime News Network. 28 fevral 2016. 8 may 2019 tarixində arxivləşdirilib. İstifadə tarixi: 28 fevral 2016.
  17. ↑ "彼女と彼女の猫 -Everything Flows-". Media Arts Database (Japanese). Agency for Cultural Affairs. 29 dekabr 2018 tarixində orijinalından arxivləşdirilib. İstifadə tarixi: 22 aprel 2017.
  18. ↑ Luster, Joseph. "Crunchyroll to Simulcast "She and Her Cat -Everything Flows-" Anime". Crunchyroll. 3 mart 2016. 9 noyabr 2020 tarixində arxivləşdirilib. İstifadə tarixi: 22 aprel 2017.
  19. ↑ "She and Her Cat Complete Edition Adds New Footage". Anime News Network. 30 aprel 2016. 25 yanvar 2021 tarixində arxivləşdirilib. İstifadə tarixi: 22 aprel 2017.
  20. ↑ Chapman, Paul. ""She and Her Cat -Everything Flows-" Gets Limited Theatrical Release". Crunchyroll. 30 aprel 2016. 11 aprel 2019 tarixində arxivləşdirilib. İstifadə tarixi: 22 aprel 2017.
  21. ↑ "Japan's Animation DVD Ranking, May 16–22". Anime News Network. 24 may 2016. 25 yanvar 2021 tarixində arxivləşdirilib. İstifadə tarixi: 22 aprel 2017.
  22. ↑ "Japan's Animation Blu-ray Disc Ranking, May 16–22". Anime News Network. 24 may 2016. 25 yanvar 2021 tarixində arxivləşdirilib. İstifadə tarixi: 22 aprel 2017.
  23. ↑ "Makoto Shinkai's She and Her Cat Anime Gets Manga Adaptation". Anime News Network. 25 yanvar 2015. 30 dekabr 2018 tarixində arxivləşdirilib. İstifadə tarixi: 25 yanvar 2016.
  24. ↑ "She and Her Cat Manga Inspired by Makoto Shinkai's Short Ends Next Month". Anime News Network. 25 aprel 2016. 8 noyabr 2020 tarixində arxivləşdirilib. İstifadə tarixi: 25 aprel 2016.
  25. ↑ 1 2 "Vertical Comics Licenses She and Her Cat Manga". Anime News Network. 28 yanvar 2017. 11 noyabr 2020 tarixində arxivləşdirilib. İstifadə tarixi: 22 aprel 2017.
  26. ↑ "North American Anime, Manga Releases, July 30-August 5". Anime News Network. 1 avqust 2017. 11 noyabr 2020 tarixində arxivləşdirilib. İstifadə tarixi: 22 dekabr 2017.

Kitab

  • Bendazzi, Giannalberto. Animation: A World History: Volume III: Contemporary Times. CRC Press. 2015. ISBN 1317519884.
  • Berra, John. Directory of World Cinema: Japan 2. Intellect Books. 2012. ISBN 184150551X.
  • Odell, Colin; Le Blanc, Michelle. Anime. Oldcastle Books. 2013. ISBN 1842435884.

  • kanoneko.com — Anime serialının rəsmi saytı  (yap.)
  • She and Her Cat (anime) Anime News Network Ensiklopediyasında
Mənbə — "https://az.wikipedia.org/w/index.php?title=She_and_Her_Cat&oldid=8214955"
Informasiya Melumat Axtar