Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSeymur Vasif oğlu Talıbov (18 yanvar 1988, Naxçıvan) — Azərbaycan (Naxçıvan MR) siyasətçisi və sahibkar; Naxçıvan Muxtar Respublikası Ali Məclisinin V və VI çağırış deputatıdır.
| Seymur Talıbov | |
|---|---|
Vəzifədədir | |
| 2015-ci ildən | |
| Seçki dairəsi | 2015 — 25 saylı Naxçıvan şəhər 2020 — 25 saylı Naxçıvan şəhər |
| Əvvəlki | Ülviyyə Həmzəyeva |
| Şəxsi məlumatlar | |
| Doğum tarixi | 18 yanvar 1988 (37 yaş) |
| Doğum yeri | |
| Partiya | |
| Təhsili |
|
| Fəaliyyəti | siyasətçi |
| Atası | Vasif Talıbov[1] |
Naxçıvan Muxtar Respublikası Şahmat Federasiyasının sədri[2], Azərbaycan Şahmat Federasiyasının vitse-prezidenti olub.
Naxçıvan Ali Məclisinin sabiq sədri Vasif Talıbovun oğlu.
Seymur Vasif oğlu Talıbov 18 yanvar 1988-ci ildə Naxçıvan şəhərində anadan olmuşdur. 2003-cü ildə 15 yaşında[3][4] Bakı Dövlət Universitetinin Beynəlxalq hüquq və beynəlxalq münasibətlər ixtisasına qəbul olmuş, 2007-ci ildə həmin ixtisasın bakalavr pilləsini, 2007–2010-cu illərdə isə Bakı Dövlət Universitetinin Beynəlxalq hüquq magistratura pilləsini bitirmişdir. 2009–2010-cu illərdə magistratura təhsilini London City Universitetində Beynəlxalq siyasət üzrə davam etdirmişdir. O, 2013-cü ildə isə Böyük Britaniyanın Oksford Universitetində Said Biznes Məktəbinin Executive Eduation Liderlik və İdarəçilik proqramından məzunu olub.
2011-ci ilin yanvar ayından Naxçıvan Dövlət Universitetinin Beynəlxalq münasibətlər kafedrasında müəllim, 2013-cü ildən isə baş müəllim vəzifəsində çalışır. 2012-ci ildə NDU-da beynəlxalq hüquq ixtisası üzrə qiyabi doktorantura təhsili alıb.
2014-cü ildə "Regional enerji təhlükəsizliyinin beynəlxalq hüququi problemləri" mövzusunda dissertasiya müdafiə edərək hüquq üzrə fəlsəfə doktoru alimlik dərəcəsi almışdır.
2016-cı ildən 2023-cü ilə qədər Naxçıvan Dövlət Universitetinin beynəlxalq əlaqələr üzrə prorektoru olub[5]. 14 iyun 2017-ci ildən isə universitetin "Beynəlxalq münasibətlər" kafedrasının dosentidir.[6]
Naxçıvan Muxtar Respublikası Ali Məclisinin sabiq sədri Vasif Talıbovun kiçik oğlu, məmur Rza Talıbovun isə qardaşıdır.
Naxçıvan Muxtar Respublikasının sabiq daxili işlər naziri Fazil Ələkbərovun qızı ilə 2015-ci ildə nişanlanmış, 15 sentyabr 2017-ci ildə isə evlənmişdir.[7]
Yeni Azərbaycan Partiyası Naxçıvan Muxtar Respublika Təşkilatının Siyası Şurasının üzvüdür.
2024-cü ilə qədər Naxçıvan Muxtar Respublikası Şahmat Federasiyasının sədri[8], 2025-ci ilə qədər isə Azərbaycan Şahmat Federasiyasının vitse-prezidenti olub[9].
Naxçıvan Ali Məclisinin V və VI çağırışlarının deputatıdır.[10] O, 2020-ci ildə 25 saylı Naxçıvan şəhər seçki dairəsi üzrə seçicilərin 3942-nin və ya 91,1 faiz səsini toplayaraq deputat seçilmişdir.[11]
Hal-hazırda Naxçıvan Ali Məclisinin İnsan hüquqları, beynəlxalq münasibətlər və parlamentlərarası əlaqələr komitəsinin üzvüdür.[12]
OCCRP-nin 2022-ci il araşdırmasına görə, Seymur və qardaşı Rza Talıbovlar ofşor şirkətlər vasitəsilə 20 milyon dollardan çox şübhəli pul köçürməsi alıblar. Bu şirkətlər "Azərbaycan və Troika Laundromat" adlanan iki nəhəng çirkli pulların yuyulması sxeminin bir hissəsi olub. Qardaşlar Birləşmiş Ərəb Əmirlikləri və Gürcüstanda ümumi dəyəri 63 milyon dollar olan əmlaklara da sahib olublar.[13]
- ↑ https://cdn.occrp.org/projects/suisse-secrets-interactive/en/person/20/rza-and-seymur-talibov/.
- ↑ "Vasif Talıbovun oğlu Baku TV-nin kamerasına yaxalandı". baku.tv (az.). İstifadə tarixi: 3 oktyabr 2025.
- ↑ "Seymur Talıbov 15 yaşında BDU-ya necə qəbul olunub?". Baku.ws (az.). 19 yanvar 2023. İstifadə tarixi: 3 oktyabr 2025.
- ↑ "Seymur Talıbov və Röya Ayxan BDU-ya necə qəbul olub? - RƏSMİ". -Yeni Sabah- (az.). 26 yanvar 2023. İstifadə tarixi: 3 oktyabr 2025.
- ↑ "Seymur Talıbovun yerinə təyinat olub" (ingilis). 7 iyul 2023. İstifadə tarixi: 3 oktyabr 2025.
- ↑ "Arxivlənmiş surət". 19 mart 2022 tarixində arxivləşdirilib. İstifadə tarixi: 6 aprel 2022.
- ↑ "Arxivlənmiş surət". 6 iyun 2019 tarixində arxivləşdirilib. İstifadə tarixi: 6 aprel 2022.
- ↑ "Vasif Talıbovun oğlunun rəhbəri olduğu federasiya LƏĞV EDİLDİ". Oxu.az (az.). İstifadə tarixi: 3 oktyabr 2025.
- ↑ "Vasif Talıbovun oğlu daha bir vəzifəsini itirdi". Oxu.az (az.). İstifadə tarixi: 3 oktyabr 2025.
- ↑ "Seymur Talıbov yenidən deputat seçildi". 22.02.2020. 17.06.21 tarixində arxivləşdirilib. İstifadə tarixi: 17.06.21.
- ↑ Naxçıvan MR MSK. "Naxçıvan Ali Məclisinin deputatları". 22.02.2020. 01.05.2021 tarixində arxivləşdirilib. İstifadə tarixi: 23.08.2020.
- ↑ "Naxçıvan Ali Məclisinin komitələrinin sədrlərinin, sədr müavinlərinin və üzvlərinin seçilməsi haqqında Naxçıvan Muxtar Respublikasının Ali Məclisinin qərarı". 24.02.2020. 2020-08-22 tarixində arxivləşdirilib. İstifadə tarixi: 22.08.2020.
- ↑ "Sons of Azerbaijani Strongman Vasif Talibov Received Millions From Money Laundering Systems".
- Naxçıvan Muxtar Respublikası Ali Məclisinin rəsmi saytında — Seymur Talıbov