Seymur Nəsirov

Seymur Nəsirov Rahim oğlu 1976-cı ildə Astara rayonunun Şuvi kəndində anadan olmuşdur. 1994-cü ildə A. İbrahimov adına Şüvi kənd orta məktəbini, 1998-ci ildə Bakı İslam Universitetini, 2002-ci ildə isə Əl-Əzhər Universitetinin İslamşünaslıq və Ərəb dili fakültəsini bitirmişdir. 2006-cı ildə Misir Fətva İdarəsində dörd il təhsil aldıqdan sonra, keçmiş SSRİ ölkələri arasında ilk dəfə fətva vermək icazəsini qazanmışdır. 2011-ci ildə Qahirədə Açıq Amerika Universitetində Ərəb dili və ədəbiyyatı ixtisası üzrə magistratura təhsilini fərqlənmə ilə başa vurmuşdur. Magistr dissertasiya işi Azərbaycanda ərəb dili və ədəbiyyatının öyrənilmə tarixinin tədqiqi olmuşdur.

S. Nəsirov 2020-ci ildə Qahirədə Açıq Amerika Universitetində Ərəb dili və ədəbiyyatı ixtisası üzrə doktorluq təhsilini fərqlənmə ilə başa vurmuşdur. Tədqiqat mövzusu "Ərəb elminə xidmətdə azərbaycanlı alimlərin səyləri" olmuşdur. S. Nəsirovun elmi işinə Əl-Əzhər Universitetindən dəvət olunmuş alimlər rəhbərlik etmişdir.

Ailəlidir, iki övladı var.

2003-cü ildən xarici ölkələrdən Misirdə təhsil almaq üçün gələn tələbələrə rəhbərlik edir. 2007-ci ildə "İrsi canlandırma və yerli inkişaf üzrə Halqa Fondunun təsisçilərindən biri və baş direktorudur. 2008-ci ildən "Qavafil əl-Xeyr və əl-Əməl" xeyriyyə cəmiyyətində xarici tələbələrin işi üzrə baş rəhbərdir. 2011-ci ildən Misir əl-Xeyr fondunun xarici tələbələrin işi üzrə baş rəhbəridir. 2017-ci ildən Qahirə Universitetinin Ədəbiyyat fakültəsində Azərbaycan dili müəllimidir. 2017-ci ildə təsis etdiyi "Vətənpərvər"- Azərbaycaycanın Misirdə Diaspor Təşkilatları Birliyinin sədri olub. 2019-cu ildə, təşəbbüskarı və təsisçilərindən biri olduğu "Misir-Azərbaycan Dostluq Cəmiyyətinin" sədridir.^[1] S. Nəsirov Dünya Azərbaycanlı Alimlər Birliyinin (DAAB) həmtəsisçisi (2022) və 2024-cü ildə həmsədri seçilmişdir.^[3][4]

S. Nəsirovun Azərbaycan mədəniyyətinə gətirdiyi əsas töhfələrdən biri Qurani-Kərimdə "Azərbaycan" sözünün və Bakı neftinin yer aldığını elmi əsaslarla sübut etməsidir. Nizami Gəncəvinin Azərbaycanın Gəncə şəhərindən olduğunu göstərən dəlilləri də ərəb mənbələrində ilk araşdıran məhz S. Nəsirov olub. Həmçinin, o, Xəmsənin 6 əlyazma nüsxəsini Misir kitabxanalarında aşkarlamışdır. Orta şərqi, o cümlədən Tunisdən Yəmənə qədər böyük bir ərazini işğaldan azad edən və bir neçə əsr sultanı olmuş Əyyubilərin əslən azərbaycanlı olduğunu da ərəb mənbələrində üzə çıxarmış və ermənilərin Əyyubilərin özlərinə nisbət edib yazdıqları məqalələrdəki istinad etdikləri 10 cildlərlə ensiklopedik mənbələri yenidən araşdıraraq, onların yalanını ifşa etmişdir.^[1]

2016–2017-ci illərdə Qahirə Universitetinin Ədəbiyyat fakültəsində Azərbaycan dilinin tədrisinə başlayıb. 2017–2024-cü illərdə 1500-dən çox misirli tələbəyə Azərbaycan dilini tədris etmişdir. Hər il yüzlərlə tələbəyə Azərbaycan dilini tədris edir. 2020-ci ildə Qahirə Universitetinin Ədəbiyyat fakültəsində tədris etdiyi tələbələrdən birinə elmi rəhbər təyin olunmuşdur. Hədəfi misirlilər arasında Azərbaycan dilini tədris edə bilən mütəxəssislər yetişdirməkdir. 2014-cü ildə təsis etdiyi Azərbaycan diasporu mərkəzində, Azərbaycan dili ilə yanaşı müxtəlif fənnlər tədris olunur. Hal-hazırda dünyanın müxtəlif ölkələrindən yüzlərlə tələbə, aralarında azərbaycanlılar da olmaqla ödənişsiz təhsil alır.

Seymur Nəsirov 1998-ci ildən bəri ərəb mənbələrində Azərbaycan və azərbaycanlılar haqqında könüllü tədqiqat aparır. Bu müddətdə yüzlərlə əslən azərbaycanlı olan alimlərin əlyazmalarını Misir kitabxanalarında üzə çıxarmağa müvəffəq olmuşdur. Onun bu araşdırmalarından ərsəyə gəlmiş, "Ərəb mənbələrində azərbaycanlıların həyat və yaradıcılıqları" adlı ilk əsəri çap edildikdən sonra Misirin tanınmış universitetlərində təqdimatı keçirilmişdir. O, ilk kitabında yüz azərbaycanlı alim və ədiblər haqqında yazmışdır. Təlif etdiyi ikinci kitabında isə yüz əlli azərbaycanlı alim haqqında yazmışdır. Seymur Nəsirovun bu mövzuda, müxtəlif qəzetlərdə, elmi və publisistik jurnallarda, Ərəb və Azərbaycan dillərində çoxsaylı məqalələri dərc olunmuşdur.^[1]

"METAFİZİKA" beynəlxalq fəlsəfi və fənlərarası araşdırmalar jurnalının 15-ci sayından jurnalın "Filologiya və Pedaqogika elmləri" üzrə redaksiya heyətinin üzvüdür.^[5] Dünya Azərbaycanlı Alimlər Birliyinin (DAAB) həmtəsisçisi və həmsədridir.

• Misirin Ayn-Şəms Universitetinin Ədəbiyyat fakültəsində "Azərbaycanla Misir arasında tarixi əlaqələr" mövzusunda keçirilən konfrans (2011-ci il)^[6]
• Qahirə Universitetinin Ədəbiyyat fakültəsində təşkil olunmuş "Azərbaycanı tanı" mövzulu simpozium (2011-ci il) ^[7]
• Əzhər Universitetində "Azərbaycan ilə Misir arasında diplomatik əlaqələrin qurulmasının 20 illiyi: nailiyyətlər və perspektivlər" mövzusunda konfrans (2012-ci il)^[8]
• Qahirə Universitetinin Siyasi elmlər və İqtisadiyyat fakültəsində "Azərbaycanın bu günü və gələcəyi" adlı konfrans (2014-cü il)
• Bakıda Dünya Azərbaycanlılarının IV Qurultayı (2016-cı il)
• Ərəb Ölkələri Liqası, UNESCO və Əl-Əzhər Universiteti ilə birgə təşkil etdiyi "Radikalizmlə birgə mübarizə və dialoqun gücləndirilməsi" mövzusunda beynəlxalq forum (2017-ci il) ^[9]
• “2017-İSLAM HƏMRƏYLİYİ İLİ: DİNLƏRARASI VƏ MƏDƏNİYYƏTARASI DİALOQ” beynəlxalq konfransı (Bakı, 2017-ci il)
• “VI BAKI BEYNƏLXALQ HUMANİTAR FORUMU” (Bakı, Azərbaycan 2018-ci il)
• “DİNLƏRARASI VƏ SİVİLİZASİYALARARASI” beynəlxalq konfrans (Berlin, Almaniya 2018-ci il)
• “DİNLƏRARASI VƏ SİVİLİZASİYALARARASI ƏMƏKDAŞLIQDAN İNSAN HƏMRƏYLİYİNƏ” beynəlxalq konfrans (Vyana, Avstriya, 2019-cU il)
• “DÜNYA DİNİ LİDERLƏRİNİN II BAKI ZİRVESİ” (Bakı, Azərbaycan 2019-cU il)
• Qahirə Universitetinin Ədəbiyyat fakültəsinin Şərq dilləri və ədəbiyyatı kafedrasının illik beynəlxalq konfransı (Qahirə, Misir, 2020-ci il)
• “Ərəb Ölkələri üzrə Azərbaycanlıların Koordinasiya Şurasının Təsis Toplantısı” (Dubay, BƏƏ, 2021-ci il)
• “DÜNYA AZƏRBAYCANLILARININ V QURULTAYI” (Şuşa, Azərbaycan 2022-ci il)
• “DÜNYA AZƏRBAYCANLILARI ELM XADİMLƏRİNİN GÖRÜŞÜ” (Həmin tədbirdə “Dünya Azərbaycanlı Alimlər Birliyi” (DAAB) təsis edilib) (İstanbul, Türkiyə, 2022-ci il)
• İslam Araşdırmaları üzrə “MDB ölkələrində - Müasir Çağırışlar Kontekstində” beynəlxalq forum (Bakı, Azərbaycan 2022-ci il)
• “İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar” adlı beynəlxalq konfrans (Bakı, Azərbaycan 2023-cü il)^[10]
• “Müxtəlifliyin qorunması: 2024-cü ildə İslamofobiya ilə mübarizə” mövzusunda beynəlxalq konfrans (Bakı, Azərbaycan 2024-cü il)
• “MƏDƏNİYYƏTLƏRARASI DİALOQ ÜZRƏ VI DÜNYA FORUMU” (Bakı, Azərbaycan 2024-cü il)
• “XARİCDƏ YAŞAYAN AZƏRBAYCANLI ALİMLƏRİN” 1-ci beynəlxalq forumu (Bakı, Şuşa, Azərbaycan 2024-cü il)
• “COP29 ÇƏRÇİVƏSİNDƏ DİNi LİDERLƏRİN QLOBAL ZİRVƏSİ” - “DÜNYA DİNLƏRİ YAŞIL PLANET ÜÇÜN” (Bakı, Azərbaycan 2024-cü il)

• Ümummilli Lider Heydər Əliyevin 100 İlliyinə həsr edimliş məqalə Misir, Mərakeş, Əlcəzair, Səudiyyə Ərəbistanı, İordaniya, Suriya, Livan, Bəhreyn, Oman, Sudan, Yəmən və İraqın 100-ə yaxın qəzet, jurnal və xəbər portallarında dərc edilib.(ərəbcə)^[11][12]
• Misir, Mərakeş, Əlcəzair, Səudiyyə Ərəbistanı, İordaniya, Suriya, Livan, Yəmən və İraqın qəzet və portallarında 28 may Müstəqillik Gününə həsr olunmuş məqalələri dərc edilib.(ərəbcə)^[13][14]
• Hər il ərəb mətbuatında Xocalı soyqırımı ilə bağlı məqalələri dərc edilir.(ərəbcə) ^[15]
• Hər il ərəb mətbuatında 20 Yanvar faciəsi ilə bağlı məqalələri dərc edilir.(ərəbcə) ^[16][17]
• "Ərəb dilinin yayılmasında Azərbaycanın töhfələri" sərlövhəli elmi məqalə. Qahirə Universiteti Ədəbiyyat fakültəsinin elmi jurnalı. avqust 2020. (ərəbcə)
• "Misirdə Azərbaycan dahilərinin rolu" sərlövhəli məqalə. Misir Ərəb Respublikasının siyasi və diplomatik çevrəsində tanınan nüfuzlu "Diplomatiya" qəzetində. may 2017. (ərəbcə)
• Ərəb mənbələrində Azərbaycan və azərbaycanlılar. Bakı Dövlət Universitetinin Dil və Ədəbiyyat fakültəsinin beynəlxalq elmi-nəzəri jurnalı, Bakı, 2015. (azərbaycanca)
• Ərəb dilinə xidmətdə azərbaycanlı alimlərin rolu. İrs jurnalı, yay-1. 2015. (ərəbcə)
• Nizami Gəncəvi ərəb mənbələrində. İRS jurnalı, qış-2, 2014; AzərTac, 28.01.2015;. Xalq qəzeti, 15.03.2015. (azərbaycanca)
• Azərbaycan və azərbaycanlılar ərəb mənbələrində. Xalq qəzeti, 04.09.2014. (azərbaycanca)
• Misirlə Azərbaycan arasında tarixi əlaqələr. Əzhər Universitetinin və tərcümə fakültəsinin beynəlxalq elmi jurnalı, 7-ci buraxılış 2014. (ərəbcə) Misir və Azərbaycan arasında tarixi əlaqələr. EgAz jurnalı İskəndəriyyə, oktyabr- dekabr 2013. (ərəbcə)
• Ərəb mənbələrində bizə dair çox şey var. Ayna qəzeti, 03.03.2012. (azərbaycanca)
• Ərəblərdə azərbaycanlıların yeri. İrs jurnalı, bahar-yay 1, 2012. (ərəbcə)
• Ərəb dilinin inkişafında Azərbaycanın rolu. MƏR-dəki Azərbaycan Səfirliyi nəzdində çap olunmuş Azərbaycan qəzeti, 2008. (ərəbcə)
• Azərbaycanda Qurban bayramı. MƏR-dəki Azərbaycan Səfirliyi nəzdində çap olunmuş Azərbaycan qəzeti, 2-ci buraxılış 2007. (ərəbcə)

• “Ərəb mənbələrində azərbaycanlı alim və ədiblər (VII-XVII əsrlər)” adlı kitab (2023)^[18]

Seymur Nəsirov Azərbaycan həqiqətlərini mütəmadi olaraq Misirdə tanıdır. Eyni zamanda o, 2003-cü ildən etibarən Misirdə 100-dən çox ölkədən təhsil almağa gələn 1000-lərlə tələbəyə rəhbərlik etmiş və onların vasitəsilə Azərbaycan həqiqətlərini dünyada təbliğ etməkdədir. Hazırda dünyanın 65 ölkəsindən Misirdə təhsil alan 2000 dən çox tələbəyə rəhbərlik edir.^[19]

2017-ci ilin aprel ayında MƏR-dəki Azərbaycan səfirliyinə, ümumi Misir Azərbaycanlıların diaspor sədri seçmək üçün toplanan azərbaycanlılar, Seymur Nəsirovu yekdilliklə ümumi Misir Azərbaycan diasporunun sədri seçiblər.

2017-ci ilin may ayının 10-da, "Vətənpərvər"- Azərbaycaycanın Misirdə Diaspor Təşkilatları Birliyini yaratmışdır. O, azərbaycanlılarla mütəmadi əlaqə saxlayır, vaxtaşırı iclas keçirir və lazimi dəstək verir. 2017-ci ilin may və iyul aylarında Qahirə və Aynu-şəms Universitetlərində təhsil alan tələbələr arasında "Mən Azərbaycan haqqında nə bilirəm" səfirliklə bir yerdə iki müsabiqə keçirmişdir.

2019-cu ilin sentyabr ayının 29-u, onun təşəbbüsü ilə, Azərbaycana yaxın olan böyük nüfuza malik olan, Misirdə və dünya tanınmış misirlilərlə birgə, Misir-Azərbaycan Dostluq Cəmiyyətini təsis etmişdir. Təsisçilərin yekdil rəyi ilə cəmiyyətin sədri seçilmişdir.^[19]

• Azərbaycan Respublikasının Prezidenti Cənab İlham Əliyevin 2017-ci il 28 dekabr tarixli sərancamı ilə xalqlar arasında dostluğun möhkəmləndirilməsi və Azərbaycan diasporunun inkişafı sahəsindəki xidmətlərinə görə "Tərəqqi" medalı ilə təltif olunmuş;
• Misirlə Azərbaycan arasında mədəni və elmi əlaqələrin inkişafında göstərdiyi müstəsna xidmətlərinə görə, 2018-ci il 18 iyul tarixində "Misir Təhsil Nazirliyinin medalı" ilə təltif olunmuş;
• 2019-cu ildə Misirdə yaşayan Özbəkistan diasporuna verdiyi dəstəyə görə, Özbəkistanın Misirdəki səfirliyi tərəfindən mükafatlandırılmış;
• 2019-cu ildə Misirlə Azərbaycan arasında əlaqələrin inkişafında göstərdiyi müstəsna xidmətlərinə görə, Misirdə Seyyidlərin həmkarlar ittifaqı tərəfindən mükafatlandırılmışdır.^[2]
• 2020-ci ildə ölkəmizin diaspor siyasətinə verdiyi böyük töhfələrə görə "Diaspor fəaliyyətində xidmətə görə" medalı ilə təltif olunub.^[20]
• 2024-cü ildə əl-Əzhər Universitetində təhsil alan Ərəb Ölkələri Tələbələr Birliyi (ƏÖTB) tərəfindən fəxri mükafatla təltif olunub.^[21]
•   — 2024-cü ildə Azərbaycançılıq ideyasının həyata keçirilməsində, dünya azərbaycanlılarının həmrəyliyinin möhkəmləndirilməsində xidmətlərinə görə "Heydər Əliyevin 100 illiyi (1923-2023)" yubiley medalı ilə təltif edilib.

• Misir Diasporu haqqında عن الجالية الأذربيجانية في مصر Seymur Nəsirov, سيمور نصيروف
• Quranda AZƏRBAYCANIN adı keçən ayə
• Azərbaycanın MƏR-dəki diasporanın fəal üzvü Seymur Nəsirov
• Nizami Gəncəvinin əlyazmaları tapıldı
• Misirdə yaşayan azərbaycanlı alimdən araşdırma: "Quran"ın hansı surəsində Bakı neftindən bəhs edilir
• Qurani Kərimdə Azərbaycan sözü və Bakı nefti?
• Seymur Nəsirov Misir- Azərbaycan سيمور نصيروف مصر -أذربيجان
• Nasirov. Nİle tv. Azərbaycan haqqında سيمور نصيروف أذربيجان