Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSeyfəddin Rüstəmov (d.17 iyun 1962, Qusar, Azərbaycan SSR, SSRİ) — Rusiya milyarderi, iqtisadçı, “Metafraks” şirkətinin prezidenti.[1][2]
| Seyfəddin Rüstəmov | |
|---|---|
| Doğum tarixi | |
| Doğum yeri | Qusar, Azərbaycan SSR, SSRİ |
| Vətəndaşlığı |
 SSRİ Rusiya |
| Fəaliyyəti | iş adamı |
Seyfəddin Rüstəmov 17 iyun 1962-ci ildə Qusar rayonunda anadan olub. Rusiya Sosial-Humanitar İnstitutunu bitirib. İxtisaca iqtisaçıdır.[2] Hərbi xidməti başa vurduqdan sonra Rusiyaya üz tutub və o zamandan Moskvada yaşayır.[3]
Əvvəllər kiçik sahibkarlıq fəaliyyəti ilə məşğul olan S.Rüstəmov 2000-ci ildən biznes sərhədlərini böyüdüb və energetika fondlarına, kommersiya və yaşayış təyinatlı daşınmaz əmlaka investisiya yatırmağa başlayıb. Rus mətbuatının verdiyi məlumatlara görə, xeyriyyəçilik fəaliyyəti ilə məşğul olur.[4]
Hazırda “Metrafaks” Açıq Səhmdar Cəmiyyətinin majoritar səhmdarı olan “MetaHolding” şirkəti də onun idarəçiliyi altındadır.[2] 2014-cü ildə “Metafraks”ın faktiki sahibi olub. Həmçinin “MetaHoldinq”in də Rusiyanın "Metafrax" şirkətinin əsas səhmdarı Seyfəddin Rüstəmovun rəhbərliyi altındadır.[5]
“Metrafaks” 2017-ci ildə Rusiyanın Perm və Moskva vilayətlərində, habelə Avstriyanın Krems şəhərində istehsalat güclərinə malik olan hərtərəfli şirkətlər qrupuna çevrilib.[5] O, Rusiyada və Avropada ən iri metanol, formalin və sintetik qatranlar istehsalçısıdır.[2]
“Metrafaks”ın illik hasilatı 40 milyard rubldan (700 milyon dollara yaxın) çoxdur. Şirkətlər qrupunun illik investisiya həcmi 5 milyard rubla yaxındır.[2] Şirkətin zavodları metanol, formalin, pentaeritrit, urotropin, sintetik qatran və digər adda kimya sənayesi məhsulları istehsal edir. Məhsullarını dünyanın 50-dən çox ölkəsinə satır. Büdcəyə ildə 2 milyard rubldan çox vergi ödəyir.[5]
- ↑ "Rusiya milyarderləri siyahısında beş azərbaycanlı". 19 aprel 2019 tarixində arxivləşdirilib. İstifadə tarixi: 19 aprel 2019.
- ↑ 1 2 3 4 5 "Сейфеддин Рустамов". 27 iyul 2021 tarixində arxivləşdirilib. İstifadə tarixi: 19 aprel 2019.
- ↑ "Energetika və kimya sənayesi sahəsində peşəkarı". 19 aprel 2019 tarixində arxivləşdirilib. İstifadə tarixi: 19 aprel 2019.
- ↑ ""Metafraks" şirkətinin sahibi". 19 aprel 2019 tarixində arxivləşdirilib. İstifadə tarixi: 19 aprel 2019.
- ↑ 1 2 3 ""Metafraks" şirkətinin sahibi". 19 aprel 2019 tarixində orijinalından arxivləşdirilib. İstifadə tarixi: 19 aprel 2019.