Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Sevinc Telman qızı Həsənova (15 mart 1971) — Azərbaycan iqtisadçısı, Azərbaycan Respublikasının Nazirlər Kabineti Aparatının İqtisadiyyat şöbəsinin müdiri (2024-cü ildən), Azərbaycan Respublikası iqtisadiyyat nazirinin sabiq müavini.
| Sevinc Həsənova | |
|---|---|
| 30 yanvar 2016 – 20 noyabr 2023 | |
| Nazir | Şahin Mustafayev Mikayıl Cabbarov |
  | |
| 13 mart 2014 – 15 yanvar 2016 | |
| Nazir | Şahin Mustafayev |
| |
| 6 iyul 2006 – 22 oktyabr 2013 | |
| Nazir | Heydər Babayev Şahin Mustafayev |
| Şəxsi məlumatlar | |
| Doğum tarixi | 15 mart 1971 (54 yaş) |
| Fəaliyyəti | dövlət xadimi |
Sevinc Həsənova 1993-cü ildə Azərbaycan Dövlət İqtisad İnstitutunun Maliyyə və kredit fakültəsini bitirib. Əmək fəaliyyətinə 1993-cü ildə Maliyyə Nazirliyinin Baş Büdcə İdarəsində iqtisadçı kimi başlayıb.[1]
1993–2006-cı illərdə Azərbaycan Respublikası Maliyyə Nazirliyinin Baş Büdcə İdarəsi və Baş Dövlət Xəzinədarlığında iqtisadçı, baş iqtisadçı, şöbə müdiri vəzifələrində çalışıb, Nazirliyin Makroiqtisadi Siyasət Qrupunun üzvü olub, beynəlxalq təşkilatların dövlət investisiyaları, inkişafın proqramlaşdırılması üzrə layihələrində iştirak edib.
Azərbaycan Respublikası Prezidentinin 6 iyul 2006-cı il tarixli Sərəncamı ilə Azərbaycan Respublikası iqtisadi inkişaf nazirinin müavini vəzifəsinə təyin olunub. Azərbaycan Respublikası Nazirlər Kabinetinin sərəncamı ilə 2008-ci ildə makroiqtisadi çərçivənin müəyyən olunması üzrə komissiyanın sədri olub.
Azərbaycan Respublikası Prezidentinin 13 mart 2014-cü il tarixli Sərəncamı ilə Azərbaycan Respublikası iqtisadiyyat və sənaye nazirinin müavini, 30 yanvar 2016-cı il tarixli Sərəncamı ilə Azərbaycan Respublikasının iqtisadiyyat nazirinin müavini vəzifəsinə təyin edilib.
Ailəlidir, 2 övladı var.
- ↑ "Arxivlənmiş surət". 2023-04-07 tarixində arxivləşdirilib. İstifadə tarixi: 2014-03-18.