«Serbiya Dəmir Yolları» (serb. Железнице Србије) — Serbiyada dəmir yolu nəqliyyatı ilə yük və sərnişin daşıyan yeganə dəmiryolu daşıyıcısı olan dövlət şirkəti.
| Serbiya Dəmir Yolları | |
|---|---|
| |
| Ölkə: | 
|
| Tipi: | Qapalı Səhmdar Cəmiyyəti |
| Qərargahı: | Belqrad |
| Təsis etmə tarixi: | 1881 |
| Veb-saytı: | zeleznicesrbije.com |
Serbiya Dəmir Yolları şirkətinin balansında 4347 kilometrlik Avropa rels standartına uyğun olan dəmir yolu vardır. Yolların 32 % elektrikləşdirilmişdir.
Serbiya dəmir yollarının tarixi 1881-ci ilə aiddir. Bu zaman Serbiya kralı Milan IV Obrenoviç Serbiya Dəmir yollarının təşkili barəsində fərman imzalamışdır. İlk qatarın, 23 avqust 1884-cü ildə Belqraddan Nişə göndərilməsi şirkətin rəsmi təsis tarixi hesab edilir.
1920-ci illərdən Yuqoslaviyanın süqutuna qədər «Yuqoslaviya dəmir yolları» adı ilə fəaliyyət göstərmişdir. Şirkətin hazırkı rəhbəri Draqolyub Simonoviçdir[1] Dəmir yollarının elektrikləşdirilməsinə 1970-ci ildə başlanılmışdır.
Dəmir yolları Serbiyanın dünyanın digər dövətləri, ən əsası isə Avropa dövlətləri ilə əlaqənın mühüm vastələrindən biridir[2]. Əsas dəmir yol şəbəkəsi şimal-qərbdən cənub-şərqə uzanır: Macarıstanla sərhəddən — Subotisa — Novi-Sad — Belqrad — Lapovo — Niş, sonrakı uzantısı: Niş — Preşevo — Makedoniya sərhəddinə qədər və Niş — Dimitrovqrad — Bolqarıstan sərhəddinə qədər. Bu əsasən istiqamətdən dörd xətt uzanır:
- Stara-Pazova — Şid — Xorvatiya sərhəddinə qədər
- Belqrad — Valevo — Ujise — Monteneqro sərhəddinə qədər
- Belqrad — Pançevo — Vrşas — Rumıniya sərhəddinə qədər
- Lapovo — Kralevo — Kosovka-Mitrovisa — Kosovo-Pole — Makedoniya sərhəddinə qədər
Belqrad şəhərində Belqrad şəhər ətrafı elektrikli dəmir yolu mövcuddur. Şarqan səkkizliyi adlanan ayrıca ensiz dəmir yolu xətti vardır ki, oda bu şirkətin balansındadır. Turistik məqsədlər üşün istifadə edilən xəttin ümumi uzunluğu 15,5 km-dir.
«Serbiya Dəmir Yolları» şirkətinin vaqon deposuna ЭР31 və Stadler FLIRT elektrikli qatarları, 441, 444 və 461 seriyalı elektrovozlar, Teplovoz EMD 661, 662, 643, 642, 644, 645 və 666 seyialı teplovozlar, 710, 711, 712 və 812/816 seriyalı dizel vaqonları daxildir.
- ↑ "ŽELEZNICE SRBIJE - Predsednik Odbora direktora - Generalni direktor". 2013-04-05 tarixində arxivləşdirilib. İstifadə tarixi: 2013-04-01.
- ↑ "SERBIAN RAILWAYS - General information". 2013-05-25 tarixində orijinalından arxivləşdirilib. İstifadə tarixi: 2019-04-09.