Sayoko Yamaquçi (山口小夜子, Yamaquçi Sayoko?, 19 sentyabr 1949[1], Yokohama – 14 avqust 2007[2], Tokio) – Yaponiya modeli, aktrisası və dizayneri. Yaponiyanın ilk moda ikonalarından biridir.
| Sayoko Yamaquçi | |
|---|---|
| yap. 山口小夜子 | |
 | |
| Doğum tarixi | 19 sentyabr 1949[1] |
| Doğum yeri | |
| Vəfat tarixi | 14 avqust 2007[2] (57 yaşında) |
| Vəfat yeri | |
| Fəaliyyəti | aktrisa, model[d], fotomodel[d], dəb dizayneri |
Sayoko Yamaquçi 1949-cu ildə Yokohamada doğulmuşdur.[3][4] Suqino dərziçilik məktəbindən məzun olduqdan sonra model kimi işləməyə başlamışdır.[4] O, 1971-ci ildə Paris kolleksiyası üçün podiuma çıxan ilk yapon model olmuş və bu çıxışından sonra tanınmış Asiya modellərindən birinə çevrilmişdir.[3] 1974-cü ildə "Newsweek" jurnalı onu "dünyanın ən yaxşı dörd modelindən biri" adlandırmışdır.[3] 1970 və 1980-ci illərdə Nyu-York və Parisdə modellik etmişdir.[4]
Yamaquçi Kenzo Takada və Kansay Yamamoto kimi Yaponiya modelyerlərinin şoularında çıxış etmişdir.[4] Yamamoto müsahibələrinin birində bildirmişdi ki, "o, Yaponiya qadınlarının gözəl olduğunu hiss etdirən ilk şəxs olmuşdur".[4] Yamaquçinin kare saç düzümü və uzun dar gözləri Qərb dünyasında Asiya gözəlliyinin simvollarına çevrilmişdir.[4]
Yamaquçi 2007-ci ildə pnevmoniyadan ölmüşdür.[4]
Tokio Müasir İncəsənət Muzeyində ona həsr olunmuş sərgi təşkil olunmuşdur.[3]
- ↑ 1 2 IMDb (ing.). 1990.
- ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 3 4 "'Sayoko Yamaguchi: The Wearist, Clothed in the Future'". The Japan Times (ingiliscə). 7 aprel 2015. 23 oktyabr 2021 tarixində arxivləşdirilib. İstifadə tarixi: 29 sentyabr 2022.
- ↑ 1 2 3 4 5 6 7 "Renowned model Yamaguchi dies". The Japan Times (ingiliscə). 21 avqust 2007. 29 may 2016 tarixində arxivləşdirilib. İstifadə tarixi: 29 sentyabr 2022.
- Sayoko Yamaquçi — IMDb səhifəsi