Bu məqaləni vikiləşdirmək lazımdır. |
Sayad Zeynalabdin oğlu Zeynalov (30 avqust 1886, Ağköynək, Qazax qəzası – 1942) — Birinci Dünya müharibəsinin iştirakçısı.[1]
| Sayad bəy Zeynalov | |
|---|---|
| Şəxsi məlumatlar | |
| Doğum tarixi | 30 avqust 1886 |
| Doğum yeri | |
| Vəfat tarixi | 1942 |
Poruçik Sayad Zeynalabdin oğlu Zeynalov 1908-ci ilin noyabrında Gəncədəki podpraporşiklər məktəbini bitirib. Birinci dünya müharibəsində Qafqaz Yerli Atlı Diviziyasının Tatar süvari alayında xidmət edib. SSRİ Mərkəzi Dövlət Hərbi Arxivindəki sənəddə onun haqqında belə yazılıb:
"30 avqust 1886-cı ildə anadan olub. Yelizavetpol quberniyasındakı Qazax qəzasının vətəndaşıdır. 1914-cü ildə könüllü olaraq Tatar süvari alayına daxil olub. 1915-ci ildə uryadnik, 1916-cı ildə praporşik, sonra isə yunker rütbəsi alıb."
1914-cü il sentyabrın iyirmisindən Avstriya-Macarıstan və Almaniyaya qarşı döyüşlərin iştirakçısı olub. 1914–1916-cı illərdə cəbhələrdə göstərdiyi qeyri-adi qəhrəmanlığa görə Ağköynəkli praporşik Sayad bəy Zeynalabdin oğlu imperiyanin ən şərəfli Müqəddəs Georgi ordeninin bütün dörd dərəcəsi ilə təltif olunmuşdur. "Müqəddəs Georgi" ordeninin bütün dörd dərəcəsinə yalnız "fövqəladə dərəcədə fərqlənən, xüsusi rəşadət, mərdlik, əla əsgəri rəşadət göstərən hərbi qulluqçular layiq görülürdülər".[1][2]
1917-ci ildə vətənə qayıdan Səyad Zeynalov 1918-ci ildən Milli Orduda, əvvəlcə birinci Tatar-Azərbaycan alayında, sonra isə üçüncü Şəki süvari alayında xidmət edib. Qarabağda, Göyçayda və Bakıda daşnak-bolşeviklərə qarşı döyüşlərin fəal iştirakçısı olub. 3 sentyabr 1918-ci ildə Məcidiyyə ordeni ilə təltif edilmiş 7 Azərbaycan zabitindən biri idi.[3]
1920-ci il 28 aprel çevrilişindən sonra Qazax milis şöbəsinin rəisi ,"El yardımı komitəsi"nin sədri və Gəncə milis idarəsinin rəisi kimi məsul vəzifələrdə işləyib. 1937-ci ildə Müsavat zabiti kimi həbs olunub və sürgünə göndərilib. 1942-ci ildə sürgündə dünyasını dəyişib.[4]
- ↑ 1 2 Назирли, Шамистан. Саяд бек Зейналов // Расстрелянные генералы Азербайджана (PDF) (rus). Баку: BİZİM KİTAB. 2015. 564–571.
- ↑ Ахмедов, Сабухи. "Азербайджанцы на фронтах Первой мировой войны: Татарский конный полк". savash-az.com (rus). İstifadə tarixi: 2024-12-10.
- ↑ "Азербайджанцы, награждённые орденами и медалями Османской империи". 1news.az (rus). 2020-07-01. İstifadə tarixi: 2025-02-09.
- ↑ "Зейналов Саяд Зейналабдин оглы (1886)". Открытый Список (rus). İstifadə tarixi: 2025-02-09.