Şahzadə Savcı Bəy (1362, Bursa – 1385, Bursa) — 3. Osmanlı padşahı I Muradın Füldanə Xatundan doğulan ən kiçik şahzadəsidir.
| Şahzadə Savcı bəy | |
|---|---|
| türk. Savcı Bey | |
| Şəxsi məlumatlar | |
| Doğum tarixi | |
| Doğum yeri | Bursa, Osmanlı imperiyası |
| Vəfat tarixi | |
| Vəfat yeri | |
| Atası | I Murad |
| Anası | Füldanə Xatun |
| Ailəsi | Osmanlı xanədanı |
Osmanlı ənənələrinə uyğun olaraq Bursada hakim təyin edilmişdir. Savcı bəyin dəlisov təbiəti və ətrafının təsirinə məruz qalması atasının gözündən qaçmadı və I Murad böyük oğlu Şahzadə Bəyazidə qardaşları haqqında məlumat toplamağı tapşırdı. Şahzadə Bəyazid verdiyi məlumatda ortancıl qardaşı Şahzadə Yaqubun çox səssiz və sakit olduğunu, kiçik qardaşı Şahzadə Savcı bəyin isə çox çılğın və dəlisov olduğunu qeyd edirdi.[1]
I Murad 1373-cü ildə Bizans imperatoru VII İohann Paleoloqla birlikdə Candaroğulları bəyliyi üzərinə səfərə çıxdı. İmperatorun böyük oğlu Andronikos kiçik qardaşı Manuellə taxt mübarizəsinə başlamış, atasının Konstantinopolda olmamasından istifadə edərək özünü imperator elan etmişdir. Bu vaxt Ədirnədə taxt vəkili olan Savcı bəy də eyni anda üsyana başladı. Hələ 14 yaşında olan Savcı bəy öz adına xütbə oxudaraq özünü sultan elan etdi. I Murad xəbəri alan kimi böyük bir qoşunla geri döndü və oğlunun Bizans qoşunlarıyla birləşmiş qüvvələrini darmadağın etdi. Savcı bəy dərhal Dimetokaya qaçdı ancaq burada ələ keçirildi. Paytaxta gətirilən Savcı bəyin gözlərinə mil çəkildi və daha sonra edam edildi.[2] Eyni aqibət imperatorun oğlu Andronikos üçün də baş tutdu. Ancaq tarixi mənbələrə görə, imperator oğluna daha mərhəmətli davrandı. Belə ki, Andronikosun gözlərinə qaynar sirkə töküldü və yarı kor vəziyyətə gətirildi.