Savalan Şərab Zavodu

Savalan Şərab Zavodu Azərbaycan Respublikasının Qəbələ rayonunda 2006-cı ilin dekabr ayında "ASPI Winery" brendi adı altında "ASPI AGRO" MMC yaradılmışdır. Açılış mərasimində Prezident İlham Əliyev də iştirak etmişdir. Şirkətin əsas fəaliyyət istiqaməti üzümün yetişdirilməsi və yüksək keyfiyyətli şərabların istehsalı olmuşdur.^[3]

Şirkətin Qəbələ rayonundakı üzüm bağlarında 21 texniki ("Şardone", "Pino Nuar", "Kaberne Saviqnon", "Merlot", "Grenaj", "Kaberne Frank", "Syrah", "Alikante Buşe", "Rislink", "Vioqnier", "Rebo", "Arinorno", "Verdeco", "Marselan", "Peti Vedro", "Muskat Blanko", Montepulucano Aliateko", "Traminer", "Mauvedro", "Fransız Kolumbard") və 14 süfrə ("İtaliya", "Mikele-Poleri", "Krimson", "Redjina", "Sultanina", "Prima Kardinal", "Viktoriya", "Matilve", "Muskat", "Qambruski", "Black Macig", "Alponse", "Qentenyal", "Danlas") üzüm sortları yetişdirilir. Riesling, Verdejo, Mosgato, Traminer markalı şərablar və s. istehsal edir.^[4][5]

2024-cü ilin 18 dekabr tarixində "SAVALAN – ASPI Winery" zavodunun şərab çəlləyi "Dünyanın ən böyük taxta şərab çəlləyi" olaraq "Ginnesin Rekordlar Kitabı"na daxil oldu. Unikal çəlləyin hazırlanması 5 ilə yaxın davam etmişdir. Əllidən çox yüksəkixtisaslı usta-bondarlar bu möhtəşəm mühəndislik layihəsinin dizaynına və istehsalına öz töhfəsini vermişdir. Ölçülərinə görə standart robot istehsal xətlərindən istifadə etmək mümkün olmadıgından çəlləyin hissələri əllə hazırlanmışdır. Çəllək 2024-cü ilin iyun ayında şərab zavodunun yeni muzey kompleksinin ərazisində quraşdırılaraq yerləşdirilmişdir.^{[6][7][8][9][10]}

2012-ci ildə "V Honkonq Şərab Sərgisi"ndə bürünc, həmin il İtaliyanın Verona şəhərində təşkil edilən "Vinitaliya" şərab və spirtli içkilərin sərgisində, Moskva Beynəlxalq Dequstasiya Sərgisində qızıl medala layiq görülüb. Bundan əlavə, Yaponiyada "Wine-2013", "LONDON Wine Fair-2014" beynəlxalq şərab sərgisində nümayiş olunan şirkətin şərabları 2014-cü ildə Gəncədə keçirilən "Salxım" II Beynəlxalq Dequstasiya Müsabiqəsində "Qran-Pri" mükafatına layiq görülüb.^[11] Həmçinin 2015-ci və 2016-cı illərdə Almaniyanın Düsserdolf şəhərində keçirilən "MUNDUS VINI" Beynəlxalq Şərab festivallarında zavodun "Petit Verdot" və "Kaberne Saviqnon" adlı şərabları qızıl medal, "Vioqnier" adlı şərab isə gümüş medal, 2016-cı ildə Çinin Qunaço vilayətində keçirilən "İnterwine" Beynəlxalq Şərab sərgisində "Syrah" adlı şərabı qızıl medal qazanıb. İtaliyanın Bolonya şəhərində Beynəlxalq Şərab Sərgisində "Savalan Merlot 2010" desert şərabı 5 qızıl tacdan 4+ əldə edib. Sərgidə "Ən yaxşı xarici şərab" kimi xüsusi mükafata layiq görülüb.

1. ↑ "Savalan şərab zavodu". 2024-08-06 tarixində arxivləşdirilib. İstifadə tarixi: 2025-07-31.
2. ↑ О, долина Савалан!
3. ↑ ""ASPİ AGRO" MMC-nin "Savalan" brendi ilə istehsal etdiyi müxtəlif çeşiddə şərablar xarici ölkələrə ixrac olunur". 2017-06-16 tarixində arxivləşdirilib. İstifadə tarixi: 2025-07-31.
4. ↑ Avropalı şərab ekspertləri "SAVALAN"nın zavodunda
5. ↑ Азербайджанские вина дегустируют в Москве. Репортаж "Москва-Баку"
6. ↑ "Винная бочка винодельни SAVALAN — ASPI Winery вошла в Книгу рекордов Гиннессa". 2025-03-17 tarixində arxivləşdirilib. İstifadə tarixi: 2025-07-31.
7. ↑ "AFchamber Member Company Savalan -ASPI Winery factory was entered into the Guinness World Records™ as the "World's Largest Wooden Wine Barrel"". 2025-05-18 tarixində arxivləşdirilib. İstifadə tarixi: 2025-07-31.
8. ↑ "SAVALAN — ASPI Winery" zavodunun şərab çəlləyi "Ginnesin Rekordlar Kitabı"na daxil oldu
9. ↑ SAVALAN – ASPI ŞARAPÇILIK GUINNESS REKORLAR KİTABINA GİRDİ
10. ↑ "SAVALAN — ASPI Winery" zavodunun şərab çəlləyi "Ginnesin Rekordlar Kitabı"na daxil oldu
11. ↑ "SAVALAN — ASPI Winery: "НАШЕ ВИНО УДОСТОИЛОСЬ ЗВАНИЯ ЛУЧШЕГО В СТАРОМ СВЕТЕ!"". 2025-07-11 tarixində arxivləşdirilib. İstifadə tarixi: 2025-07-31.