Sasankva kameliyası

Sasankva kameliyası
Sasankva kameliyası
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Dəstə: Erikaçiçəklilər Fəsilə: Çaykimilər Cins: Kameliya Növ: Sasankva kameliyası
Beynəlxalq elmi adı
	Camellia sasanqua Thunb., 1784;
ITIS	506118
NCBI	182300
EOL	484987

Sasankva kameliyası (lat. Camellia sasanqua) — bitkilər aləminin erikaçiçəklilər dəstəsinin çaykimilər fəsiləsinin kameliya cinsinə aid bitki növü.

Təbii yayılması

Şərqi və Cənubi-Şərqi Asiyanın tropik və subtropiklərində bitir.

Botaniki təsviri

Hündürlüyü 250-300 sm, şaxələnmiş budaqlı həmişəyaşıl kol və ya kiçik ağacdır. Cavan zoğları tükcüklü, qonur-yaşıl və ya qonurdur. Yarpaqları dərili, parlaq, növbəli, qısa saplaqlı, dişli, tünd yaşıl, mərkəzi damarcıqda tükcülüdür. Çiçəkləri iri, oturaq, zoğların uclarında və ya qoltuqda yerləşir. Kasacığı tökülən, beş, açıq yaşıl, qısa tükcüklü kasayarpaqlardan ibarət, çiçək tacı beş, bəzən altı ləçəkli, ləçəkləri yumru-uzunsov, kənarları bütöv və ya zəif oyuqlu, ağdır. Erkəkcikləri çoxsaylıdır. Toxumları müxtəlif formalı, iti künclü, tünd qonur və ya təxminən qaradır. Sentyabr-dekabrda çiçəkləyir, meyvələri gələn ilin oktyabr-noyabrında yetişir.

Ekologiyası

Dağ yamaclarında, göllərin sahillərində, kolluqlarda bitir.

Azərbaycanda yayılması

Park və bağlarda mədəni şəraitdə becərilir.

İstifadəsi

Bir çox ölkələrdə toxumlarından texniki və qida yağının alınması məqsədi ilə və dekorativ bitki kimi becərilir. Yarpaqlarda 1% efir yağı toplanır, əsas komponenti evqenoldur (95%-dək). Ədviyyat kimi istifadə edilir.

Sinonimləri

Homotipik sinonimləri

Thea sasanqua (Thunb.) Nois. ex Cels
Thea sasanqua var. thunbergii Pierre

Heterotipik sinonimləri

Sasanqua malliflora Raf.
Sasanqua odorata Raf.
Sasanqua vulgaris Nees
Camellia miyagii (Koidz.) Makino & Nemoto
Camellia sasanqua var. angustifolia Miq.
Camellia sasanqua var. fujikoana Makino
Camellia sasanqua var. lanceolata Miq.
Camellia sasanqua var. latifolia Miq.
Camellia sasanqua var. longifolia Miq.
Camellia sasanqua var. obtusifolia Miq.
Camellia sasanqua var. serrata (Siebold ex Kochs) Masam.
Camellia sasanqua var. thunbergii Pierre
Camellia tegmentosa (Koidz.) Makino & Nemoto
Thea miyagii Koidz.
Thea sasanqua var. serrata Siebold ex Kochs
Thea tegmentosa Koidz.