Sarit Hadad

Sarit Hadad 1978-ci il sentyabrın 20-si İsrailin Afula şəhərində anadan olub. Əsl adı Sara Xudadatovadır. Onun ailəsi 1976-cı ildə İsrailə köçmüş, əslən Dərbənddən olan dağ yəhudiləridir. Özündən böyük 3 bacısı və 4 qardaşı var. Saranın 3 yaşı olan zaman ailə Hadera şəhərinə köç edir. Uşaq yaşlarından musiqiyə maraq göstərmiş, lakin dağ yəhudiləri olaraq valideynləri onun müğənni olmaq istəyinə qarşı çıxmışdı. 10 yaşında gənc istedadlılar arasında keçirilmiş yarışda iştirak edir, orada fortepianoda ifa edir. O həmçinin orqan, gitara, akkordion və dabrukada da ifalar etmişdi. Gecələr klublarda konsert vermək üçün gizlincə evdən qaçmış, buna görə dəfələrlə ailəsi tərəfindən cəzalandırılmışdı. Sərt cəzalara baxmayaraq, valideynlər Saranın arzusunun həyata keçməsinə mane ola bilməmişdilər. 15 yaşında ikən o, "Hadera gəncləri" adlı qrupun tərkibində musiqi yarışlarında iştirak edir. Bu yarışların birində (Netaniya şəhərində keçirilən zaman) Avi Queta adlı prodüser gənc Saranı kəşf edir və onunla müqavilə imzalayır 16 yaşında Sara orta məktəbdə təhsilini yarımçıq qoyur və Sarit Hadad adını götürərək müğənni kimi fəaliyyətə başlayır. Qısa zaman ərzində o, İsrailin ən tanınmış və sevilən müğənnilərindən biri olur. O, ivrit, ərəb, ingilis, rus, yunan, türk, bolqar dillərində mahnılar ifa etmiş, həmçinin bu dillərdə olan mahnıları ivrit dilinə tərcümə edib oxumuşdu. O, dünyanın müxtəlif ölkələrindən olan tanınmış ifaçılarla, məsələn: İbrahim Tatlısəs, Nikos Vertis (yunan), Sotis Volanis (yunan), Ayan Babakişiyeva, Alisia (bolqar) ilə duetlər ifa edib 2002 Estoniya Tallin şəhərində keçirilən Avroviziya Mahnı Müsabiqəsində iştirak etmiş və 12-ci yerə çıxmışdı 2009 Sarit Hadad İsrailin 2000-ci illərinin ən yaxşısı müğənnisi seçilmişdi

Heç vaxt ailəli olmayıb. 2017-ci ildə Noya, 2020-ci ildə isə Şira adlı qızı dünyaya gəlib. Qızların atasının kimliyini açıqlamaq istəməyən müğənni 19 sentyabr 2021-ci ildə "Ahava kmo shelanu" (Bizim sevgimiz kimi sevgi) adlı yeni çıxan mahnısı ilə kominq-aut etdi. Burada o, xanım sevgilisini—bəstəkar Tamar Yahalomini də təqdim etdi. 2022-ci ildə cütlüyün Adel Ester adlı daha bir qız övladı dünyaya göz açdı.

• Nitzoz hachaim (1995)
• Haderech she'bacharti (1997)
• Chok hachaim (1998)
• Kemo Cinderella (1999)
• Laashot ma sheba li (2000)
• Ashlayot metukot (2001)
• Yaldah shel ahavah (2002)
• Rak ahavah tavi ahavah (2003)
• Chagigah (2004)
• Miss Music (2005)
• Nesicha shel simcha (2006)
• Ze shomer alay (2007)
• Meroz hachaim (2009)
• 20 (2011)
• Yamim shel simcha (2013)
• Sarit Hadad (2015)
• Sarah shara (2017)
• 24 (2022)

ru:Хадад, Сарит

last.fm https://www.last.fm › music › +wiki Возраст, родной город, биография Sarit Hadad - Last.fm

wikidata.org https://m.wikidata.org › wiki Sarit Hadad - Wikidata