Sara Əzimova Nurəddin qızı (12 aprel 1986, Naxçıvan) - Azərbaycan jurnalisti və redaktoru. Naxçıvan MR Ali Məclisinin orqanı olan "Şərq qapısı" qəzetinin baş redaktoru (2023-ci ildən). Naxçıvan Mətbuat Şurası İdarə Heyətinin üzvü (2011-2016), Naxçıvan Muxtar Respublikasının Televiziya və Radio Şurasının üzvü (2016-2023). "Naxçıvan Muxtar Respublikasına xidmətlərə görə" nişanı, "Azərbaycan milli mətbuatının 150 illiyi (1875–2025)" yubiley medalı və "Tərəqqi" medalı laureatı.
| Sara Əzimova | |
|---|---|
| Sara Əzimova Nurəddin qızı | |
 | |
Vəzifədədir | |
| 26 dekabr 2023-cü ildən | |
| Əvvəlki | Mehriban Sultanova |
| Şəxsi məlumatlar | |
| Doğum tarixi | |
| Doğum yeri | Naxçıvan şəhəri |
| Vətəndaşlığı |
 Azərbaycan |
| Təhsili | Naxçıvan Dövlət Universiteti, Azərbaycan Turizm və Menecment Universiteti |
| Fəaliyyəti | Jurnalist və redaktor |
| Təltifləri |
   |
Əzimova Sara Nurəddin qızı 12 aprel 1986-cı ildə Naxçıvan şəhərində anadan olmuşdur. 2007-ci ildə Naxçıvan Dövlət Universitetinin Tarix-filologiya fakültəsinin bakalavriat səviyyəsini bitirmişdir. Hazırda Azərbaycan Turizm və Menecment Universitetinin Menecment ixtisası üzrə təhsil alır.[1]
Əmək fəaliyyətinə 2005-ci ildə Şərq qapısı qəzetində müxbir kimi başlamışdır. 2008–2011-ci illərdə həmin qəzetdə məsul katib, 2011–2016-cı illərdə isə şöbə müdiri vəzifələrində çalışmışdır. 26 dekabr 2023-cü il tarixli sərəncamla “Şərq qapısı” qəzetinin baş redaktoru vəzifəsinə təyin edilmiş[2][3] və hazırda həmin vəzifədə fəaliyyətini davam etdirir.[4][5][6]
2007–2011-ci illərdə Naxçıvan şəhər 8 nömrəli, 2011–2016-cı illərdə isə Naxçıvan şəhər 12 nömrəli tam orta məktəblərində Azərbaycan dili və ədəbiyyat müəllimi kimi çalışmışdır. 2011–2016-cı illərdə Naxçıvan Mətbuat Şurasının İdarə Heyətinin üzvü olmuşdur.[7][8][9][10]
Naxçıvan Muxtar Respublikasının Televiziya və Radio Şurasına 31 avqust 2016-cı il tarixli sərəncamla 4 il müddətinə üzv seçilmiş, 2 sentyabr 2020-ci il tarixli sərəncamla bu vəzifəyə yenidən 4 il müddətinə təyin edilmişdir.[11]
07 mart 2014-cü ildə “Naxçıvan Muxtar Respublikasına xidmətlərə görə” nişanı, 20 iyul 2015-ci ildə “Tərəqqi” medalı ilə təltif olunmuşdur.[12][13] 21 iyul 2025-ci ildə Naxçıvan Muxtar Respublikasının Əməkdar jurnalisti fəxri adına layiq görülmüşdür.[14] Azərbaycan Respublikasının Prezidenti İlham Əliyevin 20 fevral 2025-ci il tarixli Fərmanı ilə təsis edilmiş “Azərbaycan milli mətbuatının 150 illiyi (1875–2025)” yubiley medalı ilə Azərbaycan Respublikasının Medianın İnkişafı Agentliyi tərəfindən təltif olunmuşdur.[15]
2007-ci ildən Yeni Azərbaycan Partiyasının üzvüdür. 2005-ci ildə Bakı şəhərində keçirilən Azərbaycan Gənclərinin IV Forumunun iştirakçısı olmuş, Azərbaycan Qadınlarının IV və VI qurultaylarına nümayəndə seçilmişdir.
Sara Əzimova "Come to Nakhchivan" və "100 ilin qəhrəmanları" layihələrinin rəhbəri olub.[16][17][18]
İki övladı var.
- ↑ "Haqqımızda - Redaksiya heyəti". Şərq qapısı.
- ↑ "Naxçıvan Muxtar Respublikası Ali Məclisi sədrinin sərəncamı: Sara Əzimovanın "Şərq qapısı" qəzetinin baş redaktoru təyin edilməsi" (PDF). alimajlis.gov.az. Naxçıvan Muxtar Respublikası Ali Məclisi. 26 Dekabr 2023.
- ↑ ""Şərq qapısı" qəzetinə yeni baş redaktor təyin olunub". APA.az. 26 Dekabr 2023.
- ↑ "Sara Əzimova baş redaktor təyin olundu". Musavat.com.
- ↑ "NDU‑da "Şərq qapısı" qəzetinin baş redaktoru ilə görüş olub". AZƏRTAC – Azərbaycan Dövlət İnformasiya Agentliyi. 15 Oktyabr 2025.
- ↑ "Baş redaktor: Azərbaycan mediası müharibə bölgəsində fəaliyyəti ilə də öz sözünü deyib". AZƏRTAC – Azərbaycan Dövlət İnformasiya Agentliyi. 30 may 2025.
- ↑ "Haqqımızda - Redaksiya heyəti". Şərq qapısı.
- ↑ "Sara Əzimovaya vəzifə verildi – SƏRƏNCAM". Pravda.az (az.).
- ↑ "Qəzet əməkdaşı Naxçıvan Televiziya və Radio Şurasının üzvü təyin olunub". Report.az. 1 sentyabr 2016.
- ↑ "Naxçıvan Televiziya və Radio Şurasına üzv təyin edildi – SƏRƏNCAM". Modern.az. 2 sentyabr 2020.
- ↑ "Naxçıvanın Televiziya və Radio Şurasına üzv təyin edildi". Report.az.
- ↑ "Azərbaycan Respublikasının kütləvi informasiya vasitələri nümayəndələrinin təltif edilməsi haqqında Azərbaycan Respublikası Prezidentinin Sərəncamı". President.az. 20 iyul 2015.
- ↑ ""Şərq qapısı" qəzetinə yeni baş redaktor təyin olundu". Kulis.az.
- ↑ ""Şərq qapısı" qəzetinin baş redaktoru Sara Əzimova Naxçıvan Muxtar Respublikasının Əməkdar jurnalisti fəxri adına layiq görülüb". Şərq qapısı.
- ↑ "Naxçıvanın media nümayəndələri də təltif edilib". Sozcu.info. 22 iyul 2025.
- ↑ ""100 ilin qəhrəmanları" kitabının təqdimatı keçirildi". Müdafiə Nazirliyi (mod.gov.az).
- ↑ ""100 ilin qəhrəmanları – zəfərin əbədiyaşar xatirələri"". Azerbaijan‑News.az. 13 Fevral 2026.
- ↑ ""Come to Nakhchivan" fotoalbomu təqdim olunub". Nuhçıxan.az. 12 may 2023.