Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSarıcalı — Azərbaycan Respublikasının Qarabağ iqtisadi rayonunun[3] Ağdam rayonunun Sarıcalı kənd inzibati ərazi dairəsində kənd, Sarıcalı kənd inzibati ərazi dairəsinin mərkəzi.[4][5][6] Hazırda bu kənd heç bir bələdiyyəyə aid edilməyibdir[7][8][9].
| Sarıcalı | |
|---|---|
 | |
| 40°00′11″ şm. e. 46°59′10″ ş. u. | |
| Ölkə |
 Azərbaycan |
| Region | Qarabağ iqtisadi rayonu |
| Rayon | Ağdam rayonu |
| Tarixi və coğrafiyası | |
| Saat qurşağı | |
| Əhalisi | |
| Əhalisi | |
| Rəsmi dili | |
  Sarıcalı | |
 Vikianbarda əlaqəli mediafayllar | |
Azərbaycan SSR-nın 1977-ci il üçün inzibati ərazi bölgüsünə görə, Sarıcalı kəndi Ağdam rayonunun Ağdamkənd kənd Sovetinə daxil idi. Həmin il üçün, Ağdamkənd kənd Sovetinə həmçinin Ağdamkənd, Qaradağlı, Qarazeynallı və Qullar kəndləri də daxil idi.[10][11]
Azərbaycan SSR prezidenti Mütəllibovun 6 iyun 1990-cı il tarixli fərmanı ilə, Ağdam rayonu üzrə Sarıcalı kəndi mərkəz olmaqla Sarıcalı kənd Sovetinin yaradılması qərara alınmışdı. Bu fərman ilə, Sarıcalı, Qarazeynallı, Qullar kəndlərinin Ağdamkənd kənd Sovetinin tərkibindən Sarıcalı kənd Sovetinin tərkibinə verilməsi, Ağdamkənd kənd Soveti yaşayış məntəqələrinin Ağdam şəhərinə qovuşması ilə əlaqədar olaraq Ağdamkənd kənd Sovetinin ləğv edilməsi, ləğv edilmiş Ağdamkənd kənd Sovetinin Ağdamkənd və Qaradağlı kəndləri isə Ağdam şəhəri ilə qovuşduğuna görə rayonun yaşayış məntəqələri siyahısından çıxarılması qərara alınmışdı.[12] Bu fərman Azərbaycan SSR Ali Sovetinin 26 iyun 1990-cı il tarixli qərarı ilə təsdiq edilmişdi[13]. Hal hazırda, Sarıcalı, Qarazeynallı və Qullar kəndləri Azərbaycanın Ağdam rayonunun Sarıcalı kənd inzibati ərazi dairəsinə daxildirlər, Sarıcalı kəndi də bu kənd inzibati ərazi dairəsinin mərkəzidir, keçmiş Ağdamkənd kənd Sovetinin təkibində olmuş Ağdamkənd və Qaradağlı isə Ağdam rayonunun yaşayış məntəqələri siyahısanda qeyd olunmur[4][5][6].
Sarıcalı kəndi Birinci Qarabağ müharibəsində 1993-cü il iyulun 23-də[14] ağır döyüşlər nəticəsində Ermənistan SQ tərəfindən Rusiya 4-cü ordusunun köməyi ilə işğal olunmuşdur.
İkinci Qarabağ müharibəsində Azərbaycanın Qələbəsi nəticəsində imzalanmış Üçtərəfli Bəyanata əsasən[15], Ağdam rayonunun bütöv ərazisi 20 noyabr 2020-ci il tarixində Azərbaycana qaytarılmışdı[16].
27.03.2025-ci il tarixindən (Novruz bayramı ilə əlaqədar qeyri-iş günləri) Ağdama Böyük Qayıdış Sarıcalı inzibati ərazi dairəsindəki Sarıcalı kəndindən başladı[17].
Sarcalı kəndinin adı Cavanşirlərdən Sarı Alının adından götürülmüşdür, çox sarı olduğu üçun ona Sarıca Alı deyiblər və toponim də buradan yaranmışdır. Bu əhalinin də həmin tayfadan olduğu deyilir.[18] Orta əsrlərdə Qarabağda yaşamış Cavanşir tayfasının oymaqlarından birinin adı. Bu oymaq Xaçın nahiyəsində Tərnəgüt ətrafında qışlayır, başqa adı “Torpaqbulaq“ olan Küştaş adlı yerdə yaylayır, indiki Ağcabədi rayonunda Bayat kəndi yaxınlığında Doğalan və Zəliyan çayları arasında əkinçiliklə məşğul olurdu. 1823-cü ilə aid mənbəyə aid Sarcalı eli 5 kiçik maldar elatdan ibarət idi. XIX əsrin ortalarında oturaq həyata keçdikdən sonra Sarcalı adlı kəndlər yaranmış və bir birindən fərqləndirilməsi üçün İncilli Sarıcalısi, Yetim Sarcalısı, Dərgahlı Sarjalısı, Çəmənli Sarcalisi (yaxud Əmiraslanbəyli Sarcalısı) və Sarcalı-Yedditəpə adlanmışdır. Ağdam rayonundakı Sarcalı kəndinin tam adı Dərgahlı Sarcalısı (Sovet dövründə "Ağdamkənd Sarcalısı") olmuşdur.[19]
- ↑ https://oxu.az/ru/politika/v-gasanriz-i-sarydzhaly-vozvrashaetsya-41-semya.
- ↑ https://report.az/ru/vnutrennyaya-politika/v-gasanriz-i-sarydzhaly-vozvrashaetsya-41-semya/.
- ↑ "Azərbaycan Respublikasında iqtisadi rayonların yeni bölgüsü haqqında AZƏRBAYCAN RESPUBLİKASI PREZİDENTİNİN FƏRMANI". Azərbaycan Respublikasının Ədliyyə Nazirliyi Hüquqi aktların vahid elektron bazası. 7 iyul 2021-ci il.
- ↑ 1 2 "İnzibati ərazi bölgüsü təsnifatı, 2024". www.azstat.org (az.).
- ↑ 1 2 İNZİBATİ ƏRAZİ BÖLGÜSÜ TƏSNİFATI, 2024 (PDF). BAKI: AZƏRBAYCAN RESPUBLİKASININ DÖVLƏT STATİSTİKA KOMİTƏSİ. Təsnifat T.Y.Budaqovun rəhbərliyi ilə Y.X.Yusifov, V.H.Məmmədəlizadə, L.H.Salamzadə və F.E.Qocayev tərəfindən işlənib hazırlanmışdır. 2024. Səhifələr: 27-28.
- ↑ 1 2 "İNZİBATİ ƏRAZİ BÖLGÜSÜ TƏSNİFATI , 2024". Azərbaycan Respublikasının Ədliyyə Nazirliyi Hüquqi aktların vahid elektron bazası (az.). 2024.
- ↑ BƏLƏDİYYƏLƏRİN STATİSTİK ƏRAZİ TƏSNİFATI (PDF). BAKI: AZƏRBAYCAN RESPUBLİKASININ DÖVLƏT STATİSTİKA KOMİTƏSİ. Təsnifat T.Y.Budaqovun rəhbərliyi ilə Y.X.Yusifov, V.H.Məmmədəlizadə, L.H.Salamzadə, F.E.Qocayev və Ş.N.Qarayeva tərəfindən işlənib hazırlanmışdır. 2025. Səhifələr: 25-26.
- ↑ "Bələdiyyələrin statistik ərazi təsnifatı". Azərbaycan Respublikasının Dövlət Statistika Komitəsi (az.).
- ↑ "Bələdiyyələrin əraziləri və torpaqları haqqında AZƏRBAYCAN RESPUBLİKASININ QANUNU". Azərbaycan Respublikasının Ədliyyə Nazirliyi Hüquqi aktların vahid elektron bazası (az.). 7 dekabr 1999-cu il. (#archive_missing_date) tarixində arxivləşdirilib.
- ↑ АЗЕРБАЙДЖАНСКАЯ ССР. АДМИНИСТРАТИВНО-ТЕРРИТОРИАЛЬНОЕ ДЕЛЕНИЕ НА 1 ЯНВАРЯ 1977 ГОДА (PDF) (ИЗДАНИЕ ЧЕТВЕРТОЕ). Баку: Азернешр. 1979. 17–18.
- ↑ Azərbaycan SSR İnzibati-ərazi bölgüsü (DÖRDÜNCÜ NƏŞRİ). Bakı: Azərnəşr. Tərtib edənlər: Ç. H. İbrahimov və S. A. Melnikov. Redaksiya heyəti: A. M. İsayev, B. Ə. Budaqov, Q. Ə. Qeybullayev. 1979. 19–20.
- ↑ 107. Републиканын Ағдам, Бәрдә, Бејләган, Зәнҝилан, Ҝәдәбәј, Нефтчала вә Фүзули рајонларынын инзибати әрази бөлҝүсүндә гисмән дәјишикликләр едилмәси һаггында АЗӘРБАЈҸАН СОВЕТ СОСИАЛИСТ РЕСПУБЛИКАСЫНЫН ПРЕЗИДЕНТИНИН ФӘРМАНЫ. Бакы шәһәри, 6 ијун 1990-ҹы ил. № 10 // Азәрбајҹан Совет Сосиалист Республикасы АЛИ СОВЕТИНИН МӘ'ЛУМАТЫ. № 11 (816). БАКЫ: АЗӘРБАЈҸАН ССР АЛИ СОВЕТИНИН НӘШРИ. «Коммунист» нәшријјаты. — 1990. — 15 iyun. — Səhifələr: 7–8 (279-280). ISSN 0206-4529.
- ↑ 156. «Нахчыван МССР инзибати әрази бөлҝүсүндә гисмән дәјишикликләр һаггында» вә «Републиканын Ағдам, Бәрдә, Бејләган, Зәнҝилан, Ҝәдәбәј, Нефтчала вә Фүзули рајонларынын инзибати әрази бөлҝүсүндә гисмән дәјишикликләр едилмәси һаггында» Азәрбајҹан Совет Сосиалист Республикасынын президентинин фәрманларыны тәсдиг етмәк барәсиндә АЗӘРБАЈҸАН ССР АЛИ СОВЕТИНИН ГӘРАРЫ. Бакы шәһәри, 26 ијун 1990-ҹы ил. № 1867—XI // Азәрбајҹан Совет Сосиалист Республикасы АЛИ СОВЕТИНИН МӘ'ЛУМАТЫ. № 12 (817). БАКЫ: АЗӘРБАЈҸАН ССР АЛИ СОВЕТИНИН НӘШРИ. «Коммунист» нәшријјаты. — 1990. — 30 iyun. — Səhifə 121 (425). ISSN 0206-4529.
- ↑ "Ağdama həyat qayıdır - Sarıcalı kəndinə birinci mərhələdə 203 ailə köçürüləcək". Vətən səsi (az.). 28.03.2025. İstifadə tarixi: 2025-10-14.
- ↑ "Ağdam rayonunun Sarıcalı kəndi". AZƏRTAC (az.). 01.12.2022. İstifadə tarixi: 2025-10-14.
- ↑ "Агдам и Кельбаджар: мирное возвращение и возрождение освобожденных земель Азербайджана". Oxu.Az (rus). 23 ноября, 2024. İstifadə tarixi: 2025-10-14.
- ↑ "İlham Əliyev və birinci xanım Mehriban Əliyeva Ağdamın Sarıcalı kəndinin birinci mərhələsinin açılışında iştirak ediblər » Azərbaycan Prezidentinin Rəsmi internet səhifəsi". president.az (az.). İstifadə tarixi: 28 mart 2025.
- ↑ Qarabağnamələr. Mirzə Yusif Qarabagi. 2-ci kitab. Bakı. 1991-ci il. səh 14
- ↑ B.Budaqov,Q.Qeybullayev Yuxarı Qarabağın Toponimləri Bakı, 2005
- Youtube-da bax :Bir kəndin nağılı. Sarıcalı (film)
- Ağdamda 1993-cü ildə öldürülən insanlara aid 15 ədəd sümük aşkarlandı - YENİLƏNİB
Ağdam rayonu haqqında olan bu məqalə qaralama halındadır. Məqaləni edərək Vikipediyanı zənginləşdirin. |