San Sibra de Las qalası (qalis. Castro de San Cibrao de Las), La Siuda, Lambrisa, Lansbrika və ya Lanobrika qalası — İspaniyanın Qalisiya bölgəsində, Orense vilayətinin San Amaro və Punxin bələdiyyələri arasında yerləşən qədim qala və onun qalıqları. Bu qalanın ərazisində arxeoloji qazıntı yeri yerləşir. Qalanın e.ə. II əsrdən b.e. II əsrinə qədər istifadə olunduğu ehtimal olunur.
| San Sibra de Las qalası | |
|---|---|
| Castro de San Cibrao de Las | |
 | |
 | |
| 42°21′36″ şm. e. 8°01′48″ q. u.HGYO | |
| Ölkə |
 İspaniya |
| Status | tarixi abidə |
| Şəhər |
 Orense |
| Yerləşir |
 Qalisiya |
| Tikilmə tarixi | e.ə. II əsr |
| Kəşf tarixi | 1921 |
| Uzunluğu | 384 metr |
| Eni | 314 metr |
| Sahəsi |
|
| Material | daş |
| Vəziyyəti | xaraba |
  San Sibra de Las qalası |
|
 Vikianbarda əlaqəli mediafayllar | |
Qalada tanrı Banduaya həsr olunmuş qurbangah, qalanın ətrafında isə qədim Roma dövrünə aid yaşayış məntəqələri vardır.
Böyüklüyü Portuqaliyanın şimalındakı Santa Treqa qalası ilə müqayisə olunur.
Qala San Amaro bələdiyyəsinin Las adlı hissəsində, San Xuan de Orantes məhəlləsindədir. Qalanın qalıqları 473 metr yüksəklikdə, San Trokado dağında yerləşmiş olub, 384 metr uzunluğunda və 314 metr genişliyində ərazini əhatə edir. Qalanın yaxınlığından Minyo çayı keçir. Təpə qalanın çay ilə görüşünə mane olur. 18 km uzaqlığında Orense şəhəri yerləşir. Yerləşdiyi yerdə yamacların az olması qalanın müdafiəsini çətinləşdirmişdir.[1][2]
1921-ci ildə burada Florentino Lopes və Visente Risko tərəfindən ilk arxeoloji qazıntı işləri başladılmışdır.
1922-ci ildə onlar dördbucaqlı bir tikilinin bünövrəsini kəşf etmişdirlər. Onların işləri 1925-ci ilə qədər davam etmişdir. Apardığı işlərdən sonra bir çox tikili kəşf edilmişdir. Bu iş qalanı tamamilə öyrənmək üçün aparılmışdır.
Xaquin Lorenzo və Suvilyas tərəfindən 1948-ci ildə ikinci arxeoloji qazıntı işlərinə start verilmişdir. Ərazinin qərb cinahı tamamilə qazılmışdır. 1953-cü ildə 3-cü Beynəlxalq Arxeolgiya Konqresinə qatılanlar bu qalanı da ziyarət etmişdirlər. Qalanın qalıqları sonrakı illərdə talan üzündən zərər görmüşdür. Ferro Soselonun rəhbərliyi ilə bu təhlükə aradan qaldırılmışdır. 1980-ci ildə burada təmizlik və bərpa işləri aparılmışdır.
Qazıntı işlərində tapılan tapıntılar hazırda Orense Arxeologiya Muzeyində sərgilənir.
- ↑ "Arxivlənmiş surət". 2015-06-27 tarixində orijinalından arxivləşdirilib. İstifadə tarixi: 2015-06-30.
- ↑ "Arxivlənmiş surət". 2016-03-04 tarixində arxivləşdirilib. İstifadə tarixi: 2015-06-30.
