Bu məqalədə heç bir məlumatın mənbəsi göstərilməmişdir. |
Samir Əhməd oğlu Vəliyev (22 sentyabr 1972, Bakı) — Azərbaycan Respublikası Milli Məclisinin VII çağırış deputatı, hüquq elmləri doktoru və professor
| Samir Vəliyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan |
| Elmi fəaliyyəti | |
| Elmi dərəcəsi | |
Həyatı
Vəliyev Samir Əhməd oğlu 22.09.1972-ci ildə Bakı şəhərində anadan olub.
1980−1990-cı illərdə Bakı şəhəri 39 saylı tam orta məktəbi qızıl medalla bitirib.
1995-ci ildə Bakı Dövlət Universitetinin Beynəlxalq hüquq və beynəlxalq münasibətlər fakültəsini fərqlənmə diplomu ilə bitirib.
1995–1998-ci illərdə AMEA-nın Fəlsəfə və Hüquq İnstitutunun aspirantı olub.
2004-cü ilin fevral–iyun ayları arasında İPEX proqramı çərçivəsində George Vaşinqton Unversitetində (ABŞ) tədqiqatçı olub. 2004–2006-cı illərdə Corciya Dövlət Universiteti (ABŞ) ilə Odlar Yurdu Universitetinin birgə proqramı çərçivəsində Biznesin idarə olunması üzrə magistr dərəcəsi alıb.
Azərbaycan Respublikasının Prezidenti Yanında Ali Attestasiya Komissiyası tərəfindən 07.01.2000-ci il Hüquq üzrə elmlər namizədi, 26.01.2007-ci ildə Hüquq üzrə elmləri doktoru elmi dərəcəni, 06.04.2010-cu ildə Dosent, 22.06.2012-ci ildə Professor elmi adını alıb.
100-ə yaxın elmi məqalənin, 10 monoqrafiya və 4 dərsliyin müəllifidir. Azərbaycan Respublikasının prezidenti cənab İlham Əliyevin həyat və yaradıcılığına həsr olunmuş "Bəsirətin Zəfəri" adlı kitabının müəllifidir.
Ailəlidir, 3 övladı var. İngilis və Rus dillərini sərbəst bilir.
Fəaliyyəti
1996–1997-ci illərdə Azərbaycan Respublikası Ədliyyə Nazirliyinin " Qanunçuluq " jurnalının redaktoru, Beynəlxalq Hüquq Əməkdaşlığı İdarəsinin aparıcı mütəxəssisi vəzifələrində çalışıb.
1997–2014-cü illərdə Odlar Yurdu Universitetində Tədris işlər üzrə Prorektor, 2014-cü ildən hal — hazıradək Beynəlxalq münasibətlər və Turizm Kafedrasının müdiridir. Eyni zamanda 1998-ci ildən "BSB" Tam Orta İnnovasiyalar Məktəbinin İdarə Heyətinin Sədridir.
2014–2018-ci illərdə Azərbaycan Respublikası Təhsil Nazirinin müşaviri, İlk peşə və orta ixtisas təhsili şöbəsinin müdiri, Akkreditasiya və Nostrifikasiya İdarəsinin rəis müavini vəzifələrində çalışıb.
2018–2020-ci illərdə Azərbaycan Respublikası Əmək və Əhalinin Sosial Müdafiəsi Nazirliyində Müşavir vəzifəsində çalışıb.
2020–2024-cü illərdə Yeni Azərbaycan Partiyasının Nərimanov Rayon təşkilatının Sədri vəzifəsində çalışıb.
Parlament
2024-cü il 1 sentyabr tarixində keçirilən Azərbaycan Respublikası Milli Məclisinin VII çağırış deputat seçkilərində Yeni Azərbaycan Partiyasının namizədi olaraq 20 saylı Nərimanov ikinci seçki dairəsindən deputat seçilmişdir.
Samir Vəliyev Milli Məclisdə Müdafiə, təhlükəsizlik və korrupsiya ilə mübarizə komitəsi və Elm və təhsil komitəsinin üzvüdür.
Eyni zamanda, Azərbaycan-Portuqaliya parlamentlərarası əlaqələr üzrə işçi qrupunun rəhbəridir.
Təltifləri
2024-cü ilin dekabr ayında Samir Vəliyev Azərbaycan Respublikasının Minatəmizləmə Agentliyinin (ANAMA) 25 illik yubiley medalı ilə təltif olunub.