Samir Rauf oğlu Şərifov (7 sentyabr 1961, Bakı) — Azərbaycan iqtisadçısı və siyasi xadimi, Azərbaycan Respublikası Baş nazirinin müavini (2025-ci ildən), Azərbaycan Respublikasının sabiq maliyyə naziri (2006–2025).
| Samir Şərifov | |
|---|---|
 | |
Vəzifədədir | |
| 10 yanvar 2025-ci ildən | |
| Prezident | İlham Əliyev |
| Baş nazir | Əli Əsədov |
| 18 aprel 2006 – 10 yanvar 2025 | |
| Prezident | İlham Əliyev |
| Baş nazir | Artur Rasizadə Novruz Məmmədov Əli Əsədov |
| Əvvəlki | Əvəz Ələkbərov |
| Sonrakı | Sahil Babayev |
| 3 yanvar 2001 – 18 aprel 2006 | |
| Prezident | Heydər Əliyev İlham Əliyev |
| Əvvəlki | vəzifə təsis edilib |
| Sonrakı | Şahmar Mövsümov |
| Şəxsi məlumatlar | |
| Doğum tarixi | 7 sentyabr 1961 (63 yaş) |
| Doğum yeri | |
| Partiya | |
| Təhsili | |
| Fəaliyyəti | dövlət xadimi, iqtisadçı |
|
|
|
| Təltifləri |
 |
 Vikianbarda əlaqəli mediafayllar | |
Samir Rauf oğlu Şərifov 7 sentyabr 1961-ci ildə Bakı şəhərində anadan olmuşdur.[1] 1983-cü ildə Ukraynanın Kiyev Dövlət Universitetində Beynəlxalq əlaqələr və beynəlxalq hüquq fakültəsinin Beynəlxalq iqtisadi əlaqələr bölməsini bitirmiş və magistr dərəcəsi almışdır.
1983–1987-ci illərdə SSRİ-nin xarici iqtisadi əlaqələr sistemində — "Soyuzvneştrans" Ümumitlifaq Birliyi Bakı Kontorunun Tranzit əməliyyatları şöbəsində inspektor, böyük inspektor, 1987–1990-cı illərdə Yəmən Xalq Demokratik Respublikasında "Zaqranenerqostroymontaj" Ümumittifaq İstehsalat Birliyinin mühəndisi işləmiş, 1991-ci ildə "İnsan" Dövlət Kommersiya Aksioner Cəmiyyətində Direktorlar Şurası sədrinin müavini olmuşdur. 1991-ci ildən Azərbaycan Respublikasının Xarici İşlər Nazirliyi sistemində işləmiş, 1992-ci ilədək nazirliyin Beynəlxalq iqtisadi əlaqələr şöbəsində ikinci katib, 1992–1993-cü illərdə birinci katib, 1993–1994-cü illərdə Beynəlxalq İqtisadi Əlaqələr İdarəsinin Beynəlxalq iqtisadi təşkilatlar və birliklərlə əməkdaşlıq şöbəsinin müdiri, 1994–1995-ci illərdə isə sözügedən idarədə rəis müavini olmuşdur. 1995–2001-ci illərdə Azərbaycan Respublikasının Milli Bankında Valyuta tənzimlənməsi və nəzarəti departamentinin direktoru və baş direktoru vəzifələrində çalışmışdır.[1]
Samir Şərifov Azərbaycan Respublikasının Prezidentinin 3 yanvar 2001-ci il tarixli Sərəncamı ilə Azərbaycan Respublikası Dövlət Neft Fondunun icraçı direktoru təyin edilmiş[2], eyni zamanda 2003–2006-cı illərdə Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsü üzrə Hökumət Komissiyasının sədri kimi fəaliyyət göstərmişdir. 18 aprel 2006-cı ildən[3] Azərbaycan Respublikasının maliyyə naziri vəzifəsində çalışmış, paralel olaraq Qara Dəniz Ticarət və İnkişaf Bankında Azərbaycan Respublikası üzrə təmsilçi direktor kimi fəaliyyət göstərmişdir. 10 yanvar 2025-ci ildə Azərbaycan Respublikası Baş nazirinin müavini təyin olunmuşdur.[4]
23 Yanvar 2025-ci ildə Baş nazir Əli Əsədovun qərarı ilə Cinayət yolu ilə əldə edilmiş əmlakın leqallaşdırılmasına, terrorçuluğun maliyyələşdirilməsinə, kütləvi qırğın silahlarınınyayılmasına və yayılmasının maliyyələşdirilməsinə qarşı mübarizə sahəsində Koordinasiya Şurasının sədri vəzifəsində Əli Əhmədovu əvəz edib.[5]
29 yanvar 2025-ci ildə Azərbaycan Respublikası Prezidentinin Sərəncamı ilə III MDB Oyunlarının Azərbaycanda keçirilməsi üzrə Təşkilat Komitəsinin sədri təyin olunub.[6]
7 fevral 2025-ci ildə Prezident İlham Əliyevin müvafiq fərmanları ilə Azərbaycan Respublikasının Dayanıqlı İnkişaf üzrə Milli Əlaqələndirmə Şurasının[7] və Biznes mühiti və beynəlxalq reytinqlər üzrə Komissiyanın sədri təyin edilib.[8] Digər fərman ilə o, BMT-nin iqlim dəyişmələri üzrə çərçivə konvensiyasına uyğun Azərbaycan Respublikasının qəbul etdiyi öhdəliklərin yerinə yetirilməsinin təmin edilməsi üçün yaradılan Dövlət Komissiyasının sədri vəzifəsində Əli Əhmədovu əvəzləyib.[9]
13 fevral 2025-ci ildə Azərbaycan Respublikası Prezidentinin Sərəncamı ilə Samir Şərifov Azərbaycan ilə Belarus arasında iqtisadi əməkdaşlıq üzrə birgə hökumətlərarası komissiyanın, Azərbaycan və Tacikistan arasında ticarət-iqtisadi əməkdaşlıq məsələləri üzrə birgə hökumətlərarası komissiyanın, Azərbaycan ilə Qırğız arasında iqtisadi və humanitar sahələrdə əməkdaşlıq üzrə birgə hökumətlərarası komissiyanın və Azərbaycan Respublikası Hökuməti ilə Səudiyyə Ərəbistanı Krallığı Hökuməti arasında iqtisadiyyat, ticarət, investisiya, texnika, mədəniyyət, idman və gənclik sahələrində əməkdaşlıq üzrə Müştərək Komissiyanın sədri olub.[10]
Azərbaycan Respublikasının Prezidentinin 6 avqust 2021-ci il tarixli Sərəncamı ilə Azərbaycan Respublikasında maliyyə sahəsində uzunmüddətli səmərəli fəaliyyətinə görə "Şöhrət" ordeni ilə təltif edilmişdir.[11]
Ailəlidir, üç övladı var.
- ↑ 1 2 Şərifov Samir Rauf oğlu // Azərbaycanda kim kimdir (Ensiklopedik sorğu kitabı). Bakı: "Çıraq" nəşriyyatı. 2010. S. 106. ISBN 978-9952-8024-3-6.
- ↑ S. R. Şərifovun Azərbaycan Respublikası Dövlət Neft Fondunun İcraçı Direktoru təyin edilməsi haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 1. Bakı. 2001. S. 258. 2025-01-16 tarixində arxivləşdirilib. İstifadə tarixi: 2025-01-11.
- ↑ S. R. Şərifovun Azərbaycan Respublikasının maliyyə naziri təyin edilməsi haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 4. Bakı. 2006. S. 957. 2025-01-17 tarixində arxivləşdirilib. İstifadə tarixi: 2025-01-11.
- ↑ "S. R. Şərifovun Azərbaycan Respublikası Baş nazirinin müavini təyin edilməsi haqqında Azərbaycan Respublikası Prezidentinin Sərəncamı". president.az. 10 yanvar 2025. 2025-01-12 tarixində arxivləşdirilib. İstifadə tarixi: 10 yanvar 2025.
- ↑ "Azərbaycan Respublikası Nazirlər Kabinetinin 2023-cü il 13 dekabr tarixli 451 nömrəli Qərarı ilə təsdiq edilmiş "Cinayət yolu ilə əldə edilmiş əmlakın leqallaşdırılmasına, terrorçuluğun maliyyələşdirilməsinə, kütləvi qırğın silahlarının yayılmasına və yayılmasının maliyyələşdirilməsinə qarşı mübarizə sahəsində Koordinasiya Şurasının yaradılması, Koordinasiya Şurasının iş Qaydası"nda dəyişiklik edilməsi haqqında". nk.gov.az (az.). 2025-01-23 tarixində arxivləşdirilib. İstifadə tarixi: 2025-01-23.
- ↑ ""III MDB Oyunlarının 2025-ci ildə Azərbaycanda keçirilməsi üzrə Təşkilat Komitəsinin yaradılması haqqında" Azərbaycan Respublikası Prezidentinin 2024-cü il 10 iyul tarixli 198 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-30.
- ↑ "Dayanıqlı İnkişaf üzrə Milli Əlaqələndirmə Şurasının sədri dəyişib". Apa.az (az.). İstifadə tarixi: 2025-02-10.
- ↑ "Biznes mühiti və beynəlxalq reytinqlər üzrə Komissiyaya yeni sədr təyin edilib". Apa.az (az.). İstifadə tarixi: 2025-02-10.
- ↑ "Samir Şərifova daha bir vəzifə həvalə edilib". Apa.az (az.). İstifadə tarixi: 2025-02-10.
- ↑ "Azərbaycan-Belarus iqtisadi əməkdaşlıq üzrə hökumətlərarası komissiyanın sədri dəyişib". Apa.az (az.). İstifadə tarixi: 2025-02-13.
- ↑ "S. R. Şərifovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 6 avqust 2021. (#archive_missing_date) tarixində arxivləşdirilib. İstifadə tarixi: 6 avqust 2021.