Samiq Asəf oğlu Sadıxov (8 yanvar 1987, Naxçıvan, Azərbaycan) — Azərbaycan Respublikası,Naxçıvan Muxtar Respublikası səhiyyə naziri (2024-cü ildən)
| Samiq Asəf oğlu Sadıxov | |
|---|---|
 | |
Azərbaycan Respublikası, Naxçıvan Muxtar Respublikası səhiyyə naziri
 | |
Vəzifədədir | |
| 31 may,2024-cü ildən | |
| Əvvəlki | Niyazi Novruzov |
| Şəxsi məlumatlar | |
| Doğum tarixi | 8 Yanvar, 1987 |
| Doğum yeri | Naxçıvan, Azərbaycan |
| Partiya | YAP, YAP Naxçıvan Şəhər Təşkilatı İdarə Heyətinin üzvü |
| Təhsili | NDU, Tibb Fakultəsi, Həkim-pediatr |
Samiq Sadıxov 1987-ci il yanvarın 8-də Naxçıvan şəhərində anadan olub. O, 2004-2010-cu illərdə Naxçıvan Dövlət Universitetinin Tibb fakültəsində Həkim-pediatr ixtisası üzrə ali təhsil almışdır. O, 2010-2011-ci illərdə Ə. Əliyev adına Naxçıvan Muxtar Respublikası Mərkəzi Uşaq Xəstəxanasında internatura kursunu uğurla başa vurmuşdur. 2014-2016-cı illərdə Naxçıvan Muxtar Respublikası Göz Xəstəxanasında həkim-oftalmoloq vəzifəsində çalışmışdır. 2016-cı ilin yanvar-aprel aylarında həmin xəstəxanada bölmə müdiri vəzifəsini icra etmişdir. Daha sonra 2016-2017-ci illərdə Naxçıvan Respublika Xəstəxanasında bölmə müdiri, həkim oftalmoloq, 2015-2017-ci illərdə Ə. Əliyev adına Naxçıvan Muxtar Respublikası Mərkəzi Uşaq Xəstəxanasında həkim-oftalmoloq kimi fəaliyyət göstərmişdir. Samiq Sadıxov 2015-2017-ci illərdə Naxçıvan Dövlət Universitetində və Naxçıvan Tibb Kollecində müəllim kimi də çalışmışdır. 2009, 2015, 2016-cı illərdə Türkiyə Cümhuriyyətində, 2018-ci ildə isə Fransa Respublikasında iş yerində təcrübə kursları keçmişdir.
2017-2020-ci illərdə Samiq Sadıxov Naxçıvan Muxtar Respublikası Nazirlər Kabineti yanında İcbari Tibbi Sığorta üzrə Dövlət Agentliyinin direktoru vəzifəsini icra etmişdir.
2020-2023-cü illərdə İcbari Tibbi Sığorta üzrə Dövlət Agentliyi publik hüquqi şəxsinin direktoru vəzifəsində çalışmışdır.
12 aprel 2023-cü ildə Naxçıvan Muxtar Respublikası Səhiyyə Nazirliyində səhiyyə nazirinin birinci müavini və nazir vəzifələrinin müvəqqəti icra edicisi təyin olunmuşdur.
31 may 2024-cü ildə Naxçıvan Muxtar Respublikasının səhiyyə naziri təyin edilib.
"Samiq Sadıxov nazirliyin kollektivinə təqdim edilib". "Nuhçıxan" İnformasiya Agentliyi. 31.05.2024. İstifadə tarixi: 20.01.2025.
"Naxçıvan Muxtar Respublikası səhiyyə naziri təyin edilib". Naxçıvan Televiziyası. 31.05.2024. İstifadə tarixi: 20.01.2025.