Saltaq sərdabəsi — Qəbiristanlığın mərkəzində daşdan tikilmiş sərdabə xüsusilə diqqəti cəlb edir. О, xaçşəkilli planlı olub kiçik həcmli daşlardan əhəng məhlulu qatılmış gəclə tikilmişdir. Sərdabənin tavanı tağvari formada tamamlanmışdır. Onun girişi xaricə doğru çıxıntılıdır. Qapının tikintisində bişmiş kərpicdən də istifadə edilmişdir. Bişmiş kərpiclərin ölçüsü 23 х 23 х 5 sm; 20 х 10 х 5 sm-dir. Sərdabənin içərisi gəclə suvanmış, lakin bəzi yerlərdə uçub tökülmüşdür. Onun içərisində taxta tabut və insan skeletinin qalıqları vardır. Tabutun taxtaları əldə düzəldilmiş dördkünc-yastı mıxlarla bərkidilmişdir. Lakin taxtaların üzərində müasir mıxlara da təsadüf olunur ki, bu da onların vaxtilə bərpa edildiyini göstərir. Belə hesab edilir ki, sərdabənin giriş qapısının tikintisində istifadə edilmiş bişmiş kərpiclər də onun sonrakı dövrlərdə bərpası ilə əlaqədar olmuşdur. Saltaq sərdabəsi XVI əsrə aiddir.[1]
- ↑ Baxşəliyev, Vəli. Nахçıvаnın аrхеоlоji аbidələri (PDF) (az.). Bakı: "Elm". 2008. 301s. 2019-04-12 tarixində arxivləşdirilib (PDF). İstifadə tarixi: 2019-04-12.