Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSakya Tridzin (Tibet: ས་སྐྱ་ཏྲི་ཛིན, Vayli: sa skya tri dzin, hərf. "boz torpağın taxtının sahibi") — Sakya monastırının başçılarının ənənəvi titulu və həmin şəxslər eyni zamanda Tibet buddizminin Sakya məktəbinin rəhbərləri.[1]
Sakya məktəbi 1073-cü ildə qədim Khon zadəgan nəslindən olan Konçoq Qyelpo tərəfindən Sakya adlı ərazidə monastırın təsisi ilə formalaşmışdır. Bu dövrdən etibarən Sakya taxtı və məktəbə rəhbərlik Khon nəslinin daxilində irsən ötürülmüşdür.[2] Ən çox tətbiq edilən irsilik qaydasına görə, monastır həyatı yaşayan, övladı olmayan "dayı"ya onun bacı və ya qardaşının dünyəvi həyat sürən oğlunun varislik etməsi nəzərdə tutulurdu. Bununla belə, bu qayda həmişə dəyişməz şəkildə tətbiq edilməmişdir. Məsələn, əvvəlki Sakya Tridzinlərdən biri — Nqavanq Kyunqa dünyəvi şəxs idi, evli idi və iki oğlu vardı. Həmin oğullardan biri, Qyana Vadcra Rinpoçe 2020-ci ildə məktəbin rəhbəri olmuşdur.
Mövcud Sakya Tridzinin rəsmi iqamətgahı Hindistanın Uttarakhand ştatında yerləşən Dehradun şəhərindədir.
- ↑ Holy Biographies of the Great Founders of the Glorious Sakya Order, translated by Venerable Lama Kalsang Gyaltsen, Ani Kunga Chodron and Victoria Huckenpahler. Published by Sakya Phuntsok Ling Publications, Silver Spring MD. June 2000.
- ↑ The History of the Sakya Tradition, by Chogay Trichen. Machester Free Press, U.K. 1983.