Saksoniyalı Mariya Jozefina (alm. Maria Josepha Luise Philippine Elisabeth Pia Angelika Margarete; 31 may 1867[1], Drezden[2] – 28 may 1944[1]) — Saksoniya kralı Georqun qızı, Avstriya hersoginyası, Habsburq ailəsinin bir üzvü. Eyni zamanda son Avstriya imperatoru I Karlın anasıdır.\
| Saksoniyalı Mariya Jozefina | |
|---|---|
| alm. Maria Josepha von Sachsen | |
 | |
| Şəxsi məlumatlar | |
| Doğum tarixi | 31 may 1867[1] |
| Doğum yeri | |
| Vəfat tarixi | 28 may 1944[1] (76 yaşında) |
| Fəaliyyəti | siyasətçi |
| Atası | Georq (Saksoniya kralı) |
| Həyat yoldaşı |
|
| Uşaqları | |
| Dini | Roma-Katolik kilsəsi |
| Təltifləri |
 |
 Vikianbarda əlaqəli mediafayllar | |
31 may 1867-ci ildə Drezdendə dünyaya gəldi. Atası Saksoniya kralı Conun oğlu və varisi Şahzadə Georq, anası isə Portuqaliya kralı II Ferdinandın qızı İnfanta Mariya Annadır. Doğulduğu əsnada babası hələ də taxtda idi və onun 1873-cü ildə ölümündən sonra öncə əmisi Kral Albert, daha sonra isə atası Kral Georq Saksoniya taxt-tacına sahibləndi.
Ancaq əmisinin səltənətində - 2 oktyabr 1886-cı ildə hersoq Avstriyalı Otto Frans Jozeflə evləndi. Bəy namizədi Avstriya hersoqu I Frans İosifin qardaşı oğlu idi və taxt sıralamasında öndə idi. Cütlüyün bu nigahdan 2 oğlu dünyaya gəldi.
- I Karl
- Maksimilyan Yevgen (1895-1952)
Ancaq evlilikdə xoşbəxt deyil idi. Qadınlara düşkünlüyü olan əri hersoq Otto Frans ö zməşuəqləriylə xarici ölkə səfərlərində vaxt keçiridi. Dinə bağlılığı ilə tanınan Mariya Jozefina isə övladlarının tərbiyəsiylə məşğul oldu. Bundan başqa aktyor Otto Tresler ilə bir münasibət yaşadı. Onun bu münasibəti ərinin 1906-cı ildəki ölümünədək davam etdi.
1914-cü ildə vəliəhd Frans Ferdinandın öldürülməsinin ardından böyük oğlu hersoq Karl Avstriya taxt-tacının varisi oldu. Üstəlik vəliəhd Frans Ferdinandın sui-qəsdi Birinci Dünya müharibəsinin başlamasına səbəb oldu. Birinci Dünya müharibəsi illərində hərbi hospitala çevrilən Vyanadakı Auqarten sarayında tibb işçisi kimi çalışdı.
Müharibənin ən qızğın çağında - 1916-cı ildə imperator I Frans İosif vəfat etdi və oğlu taxt-taca sahibləndi. Ancaq onun bu səltənəti qısa oldu. Belə ki, Birinci Dünya müharibəsinin bitməsiylə Avstriya imperiyası da süqut etdi. Mariya Jozefina, yanında oğlu I Karl və gəlini Burbon-Parmalı Zita ilə birlikdə AVstriyanı tərk etdi. Sürgündə öncə İsveçrədə yaşasalar da, 1921-ci ildən etibarən Almaniyada məskunlaşdılar. Oğlunun sürgündə vəfatından sonra Bavariyadakı qəsrlərdən birində yaşadı və ictimai həyatdan uzaq qaldı.
İkinci Dünya müharibəsi davam etdiyi əsnada, hava bombardmanı səbəbilə yaşadığı qəsrdən təxliyə edildi və keçmiş Bavariya monarx ailəsi Vittelsbaxların bəzi üzvləriylə birlikdə Yuxarı Bavariyadakı Vildenvart villasına sığındılar. 28 may 1944-cü ildə burada vəfat etdi.
- Robert Seydel: Die Seitensprünge der Habsburger. Ueberreuterverlag Wien, 2005
- 1 2 3 4 Lundy D. R. Maria Josepha Prinzessin von Sachsen // The Peerage (ing.).
- 1 2 Deutsche Nationalbibliothek Record #130258865 // Gemeinsame Normdatei (alm.). 2012—2016.