Müqəddəs Esprit kafedralı (İstanbul)
Saint Esprit Katedralı (türkcə: Kutsal Ruh Katedralı), İstanbulda Şişli ərazisində, Cümhuriyyət prospekti Notre Dame de Sion Fransız Liseyinin həyətində yerləşən Latın Katolik katedralədir.
| xristian | |
| Saint Esprit Katedralı | |
|---|---|
 | |
 | |
| Həsr olunub | Müqəddəs Ruh |
| Yerləşməsi | |
| Ölkə | Türkiyə |
| Bölgə | Şişli, Pangaltı |
| Şəhər | İstanbul |
| Memarlıq | |
| İnşa tarixi | 1845 – 1846 |
| Memarı | Guseppe Fossati ve Julyen Hillereau |
| Üslubu | neobarokko[d] |
| Materialı | kərpic |
| Bərpası | 1865 |
| latinkatolikkilisesiistanbul.com/… | |
 Vikianbarda əlaqəli mediafayllar | |
İstanbulda Papanın nümayəndəsi kimi fəaliyyət göstərən Hillereau tərəfindən memar Qaspar Fossatiyə inşa etdirilmişdir.[1] Onun inşasına 1845-ci ildə başlanmış, 1846-cı ildə isə ibadətə açılmışdır.
Baş verən zəlzələlər səbəbindən zərər görmüş katedral 1865-ci ildə təmir olunmuşdur. Katedralin fasadı Notre Dame de Sion Fransız Liseyi tərəfindən örtülmüş vəziyyətdədir. Monsenyör Hillereau tərəfindən katedral inşa etdirilərkən, eyni zamanda rahibələrin və Müqəddəs Ruh icmasının inanclılarının dəfni üçün yeraltı məzarlıq da hazırlanmışdır. 1927-ci ilə qədər dəfn işlərinin davam etdiyi bu yeraltı məzarlıqda Mızıka-yı Hümayunun qurucusu Giuseppe Donizettinin, kilsənin banisi Hillèreaunun və digər şəxslərin məzarları yerləşir.[2] Katedraldə dəfnlər 1920-ci illərə qədər davam etmişdir.
Kilsə, həmçinin 1939–1945-ci illər arasında Nasist Almaniyasından qaçaraq İstanbula sığınan yəhudilər üçün sığınacaq olmuş, insanlar burada qəbul edilərək qorunmuşdur.
Ati qəzeti tərəfindən başladılan kampaniyadan sonra katedralin həyətində 11 dekabr 1921-ci ildə italyan heykəltəraş Quattrini tərəfindən XV Benediktin bürünc heykəli açılmışdır.[3] Heykəlin 1980 Osmanlı lirəsinə başa gəldiyi, 36-cı Osmanlı sultanı VI Mehmedin bu məqsədlə 500 lirə ianə etdiyi iddia olunmuşdur.[3] Heykəl, Papa XVI Benediktin şəhərə səfərindən qısa müddət əvvəl, 2006-cı ildə İstanbul Böyükşəhər Bələdiyyəsi tərəfindən təmizlənmişdir.
Katedraldəki zəng, əvvəlki adı Ölçek küçəsi olan istiqamətə baxır. Bu küçəyə 2000-ci ildə Şişli Bələdiyyə sədri Mustafa Sarıgül tərəfindən Angelo Giuseppe Roncalli’nin (sonradan Papa XXIII İoann) şərəfinə “Papa Roncalli” adı verilmişdir.[4] Roncalli, piskopos ikən Papa XI Piy tərəfindən Türkiyə və Yunanıstana Apostolik Deleq təyin edilmiş və 1934–1944-cü illər ərzində bu vəzifədə çalışmışdır.[5] O, yerli ərazilərdə “Türk Papa” kimi tanınmışdır.[6]
Katedral, Türkiyəyə səfər edən bir çox papa tərəfindən də ziyarət edilmişdir. Bu papalar arasında VI Pavel, II İohann Pavel, XVI Benedictus, Fransisk və Papa XIV Leo yer alır.[7] 29 noyabr 2014-cü ildə Papa Fransisk katedrala bir ayini idarə etmək üçün gəlmişdir.[8] Sağlamlıq problemləri səbəbindən planlaşdırılmış növbəti səfər baş tutmamış və 21 aprel 2025-ci ildə vəfat etmişdir. Onun yerinə Papa XIV Leo, Türkiyə və Livana etdiyi səfərin ikinci günündə 28 noyabr 2025-ci ildə katedralə səfər edərək yerli Katolik icması və rəsmiləri ilə görüşmüşdür.[9]
- ↑ (türk) https://artdogistanbul.com/tanzimat-istanbulunun-mimarlari-fossatiler/ (#bare_url_missing_title). (#first_missing_last)
- ↑ (ingilis) https://latinkatolikkilisesiistanbul.com/en/our-churches/istanbul/basilica-cathedral-of-the-holy-spirit-harbiye-st-esprit-cathedral/ (#bare_url_missing_title).
- ↑ 1 2 (Türkçe) https://www.haberturk.com/gundem/haber/1015299-papa-15-benoitnin-heykeli-icin-vahideddin-500-lira-vermis (#bare_url_missing_title).
- ↑ (Türkçe) https://www.hurriyet.com.tr/gundem/harbiyeye-papa-roncalli-sokagi-39205811 (#bare_url_missing_title).
- ↑ (ingilis) https://firstthings.com/pope-john-xxiii-conserver-of-tradition/ (#bare_url_missing_title). (#first_missing_last)
- ↑ (Türkçe) https://www.milliyet.com.tr/galeri/23-ioannes-turk-papa-kimdir-23-ioannes-turk-papa-ne-zaman-dogdu-ne-zaman-neden-oldu-7491473 (#bare_url_missing_title).
- ↑ (türk) https://latinkatolikkilisesiistanbul.com/kiliselerimiz/istanbul/kutsal-ruh-bazilika-katedrali-harbiye-st-esprit-katedrali/ (#bare_url_missing_title).
- ↑ https://www.aa.com.tr/tr/pg/foto-galeri/papa-franciscus-istanbulda/0/42457 (#bare_url_missing_title).
- ↑ https://www.msn.com/tr-tr/haber/other/papa-14-leo-%C5%9Fi%C5%9Fli-deki-kutsal-ruh-katedrali-ne-geldi/ar-AA1Rjn98 (#bare_url_missing_title).